Happy birth day to you😍😍🎉🎊🎉🎊🎉🎊🎊
الكل صرخ والأنوار ولعت كانو فرحانييين ومن جوا الخوف قاتلهم وفي وحدين اتدسو عدييل (رعد ياخ😂😂)هزيم اتسمر في محلو وعاين ليهم من دون تعبير في شو ماف زول فتح خشمو الا ساندرا الاتقدمت عليه كانت لابسة فستان لمن الركبة بني محروق وفيه ورود بالبيجي وعاملة شعرها كيرلي ومكياجها المعتاد جات عليهو بي كل ثقة(استعدي للدقة🌚💃)ابتسمت ليهو وقالت ليهو هابي بيرث داي رعد😊❤عاين ليها مساافة ورفع حاجبو وبكللل برود الدنيا دي طلع وخللا ليهم المكان
بيلسان :مووووش قلت ليكم الود المنفسن دا حيفسد كل حاجة😭✋
همام:حتى انا كنت متوقعة كدا حتى انا😞💔
-طيب وقت عارفين لي عاملين دا كلو
-ونحن لي جايبننا من هناك وقت عارفنو حيرفض😒الكل في الحفلة بقو يتكلمو ويتهامسو
ساندرا :سكووووووووت الكل سكت وعاين ليها
ساندرا :ادوني ساعة بس وحأرجع ومعاي هزيم الله يخليكم ماف زول يمشي ساعة وحدة ولو ماجا معاي اكلو اكلكم وامشو😕✋
بيلسان :ساندرا 😢
ساندرا :ماتخافي ماحتحصل حاجة وحاجيبو معاي😊💔نزلت لقتو قاعد في العربية وعايز يتحرك جرت قدام العربية نزل ليها وهو زهجاااان وعايز يكورك ولا اشتغلت بيه جرت محل السواق وركبت وقالت ليهو اركب
هزيم :ساندرا انزلي وخليني اتخارج😤
ساندرا :اركب قلت ليك عاين للاصرار الفي عيونها استسلم وركب اداها المفتاح ودورت العربية فضلت سايقة مساافة لمن وصلت ليها مكان مضللم وهادئ جنب شارع النيل نزلت وقالت ليهو أنزل نزل واتحركو شوية وفجأة وقفت
ساندرا :هزيم اسمع كلامي وماتقاطعني لمن أخلص فاهم ماتقاطعني لمن شنوو لمن اخلص😡✋
هزيم :علي حسب الكلام 😒
ساندرا :لا حتسمع ولا على كيفك هزيييم كفاية وربي كفاية😡كفاية البتعمل فيهو في روحك وفينا دا عاجباك حالتك دي؟؟؟!عاجباك حالة الناس الحولك مالاحظت لي تعابير وجوهم وهم بيعايدوك؟؟؟!مالاحظت للفرحة في عيون أمك واخوانك هم فرحو انك كبرت عام بس ماعارفين انك لسة ماكبرت من سبعة سنين من الزمن داك انت وقفت حياتك ✋😡هزيم دا قضاء وقدر قدرهم يموتو في اليوم داك ماعشان يوم ميلادك ولا انت السبب معقولة تفكر بي الطريقة الجاهلة دي هزيم انت زول عاقل اصحا وافهم كلامي دا تفتكر هيثم وهنري فرحانين باللي بتعملو دا هو اليوم ياريت لو بتقضيه صلاة وعبادة وأعمال خير ليهم لأ بتقعد تحبس نفسك في غرفتك وتعزي نفسك وتتحسر الفايدة شنو ورينييي الفايدة شنو😭😭😭💔(وقعدت تبكي)ليك سبعة سنوات واقف في نفس النقطة ماعايز تتقدم لا قدر الله لو كنت مكان هنري ولا هيثم ومت وواحد فيهم عاش كان أتصرف بعقلانية اكتر منك رجع عاش حياتو هزيم أنا مابقول ليك انساهم لانو وربي صعبة بس ماتخت انك السبب وماتربط حياتك بي زول ميت وكل ماتتذكرهم أدعي ليهم😭😭هزيم ماحصل مرة كوركت وهجت معاك بس المرة دي فاض بي وربي فاض بي شديد😭💔لازم تتصلح ترجع هزيم الزمان تضبط اعصابك ونفسك دي اول مرة أطلب منك طلب ماحصل مرة طلبت منك أرجع معاي على الأقل اتصنع انك فرحان عشان أمك تحس انك لسة بخير عشان همام وبيلسان ويفرحو ولو شوية عشان توري الضيوف الجو من هنااك بي أمل انو متوقعييين انك حترفض وحيرجعو ساي وريهم انك اقوى من كدا انا اليوم دا كلو كنت واقفة ضدهم ضد العالم البيعرفك انك حتوافق وحتتغير كنت بقنع فيهم فردا فردا انك حتبقا زول تاني ارجوووك ماتخيب أملي فيك ارجوووك ياهزيم ارجوووك😭💔ورجعت تبكي هزيم كان مصدوم صدمة كبيرة شديد يمكن أكبر من صدمات السنين الفاتو هو بيشوفها بتبكي قدامو!!؟؟والسبب هو زاتو ..ماحصل مرة بكت قدامو دائما كان بشوفها قوية باسمة طوالي عيونها على طول بتلمع بيفرح هسي بكاها💔حتتورم عيونها البيعشقها هو السبب في بكاهم مامستحمل الفكرة دي💔لأول مرة يفكر في امو وبيلسان وهمام واصحابو لأول مرة يحس انو مزعل الناس دي كلها 💔لأول مرة يعرف انو يومو مافيهو فايدة لي هنري وهيثم لابيدعي ليهم ولا بيصلي ولا حتى بيتصدق عليهم بيقعد يندب في حظو بس💔سكت زي خمسة دقايق وهي لسة بتبكي جراها عليهو وضماها بحنان وقال ليها ششش اي شي ولا دموعك بطلي بكا حارجعك وحاغيب خمسة دقايق وحأجي أحضر الحفلة بس الله يخليك ماتبكي دموعك بتعذبني💔رفعت رأسها وقالت ليهو بجد؟مسح دموعها وقال ليها وعد😊ركبو العربية ورجعها المطعم وفات دخلت ليهم جوة والكل قام من كرسيه وجا عليها بس خابت آمالهم لمن مالقوه معاها ووشها احمااااار
بيلسان :رفض صاح💔
همام :وبكاك كمان كنت عارف
ساندرا :لا قال ربع ساعة وحيجي
منال:بجددد انت جادة😭😍
بيلسان :احلللفي بس
ساندرا :أيوة
همام :ننتظر ربع ساعة قريبة....نتلاقى💙
