شكرا جدا على التفاعل ❤️❤️😘 وانتظر البارت الثالث الساعه الرابعه باذن الله ومفاجأة بعد إنتهاء النوفيلا 🍃
نوفيلا حوراء يونس
اشرقت شمس تعلن عن يوم جديد اعدت حوراء حقيبتها مستعده للذهاب لمنزل السباعي لتعالج يونس و لكن بداخلها شئ آخر غير معالجه يونس
ركبت عربتها و ذهبت
وقفت امام باب المنزل طرقت الباب وما هي إلا ثوانٍ وفتح الباب
صفاء بإبتسامه:اهلا يا دكتوره حوراء نورتي اتفضلي يا حبيبتي
ابتسمت حوراء و سلمت عليها ودخلت وهي تحرك حقيبتها خلفها ثم نظرت لصفاء :فين المريض
صفاء بتعجب :علي طول كده يا بنتي مش ترتاحي الاول
حوراء بإبتسامه،:لا شكرا يا طنط ممكن اشوفه عشان اعرف هعمل معاه ايه بعدين
ابتسمت صفاء بفرح :تعالي معايه بس سيبي الشنطه هتطلعي بيها اكيد انتِ تعبانه
حركت رأسها بالرفض :لا مش تعبانه الطريق مكانش بعيد يعني شكرا بس هشيلها واطلع عادي
صفاء بحنان :الي يريحك يا بنتي
صعدت حوراء الدرج وهي تبتسم لم تكن منبهره ابدا بشكل المنزل الكبير الواسع بل كانت تشعر بأنها تريد أن ترحل سريعا فهي لم ترتح ابدا لهذا المنزل.
وقفت صفاء أمام الغرفه و طرقت الباب و دخلت و أشارت ل حوراء بالدخول
ابتسمت حوراء و دخلت
نظر يونس ل حوراء بتعجب:مين الضيفه
صفاء بإبتسامه: دي الدكتوره حوراء هتساعدك انك تقف علي رجليك تاني
يونس ببرود:انا قولت هروح المستشفي مشيها ملهاش لازمه
كادت صفاء أن تتكلم لكن قاطعتها حوراء :وانا جيت ومش هرجع غير لما اخلص شغلي قالت ذلك ونظرت لصفاء :ممكن تسيبينا شويه لوحدنا يا طنط
ابتسمت صفاء بحزن :حاضر يا بنتي. خرجت صفاء و جلست حوراء علي الكرسي :ها قولي بقي هتبطل تمثيل لحد أمتي
نظر يونس ل حوراء بعدم فهم :مش فاهم قصدك ايه
ابتسمت حوراء بخبث:اقصد انك ماسك الكتاب غلط وريني التليفون الي تحت الكتاب. دا كده
يونس :ملكيش دعوه حاجه متخصكيش
ضحكت حوراء لتستفزه:ايه شغل عيال الاعداديه دا بتحط الموبايل في الكتاب قالت ذلك ثم عبست وفتحت النافذه:ريحه الاوضه وحشه جدا و محتاجه تهويه
يونس ببرود:خلصتي اقفلي بقي الشباك و اطلعي بره و متدخليش تاني
تجاهلته و فتحت الكومدينو أخرجت الادويه و قامت بالنظر إليهم جميعا ثم القتهم في سله المهملات
يونس بغضب:بتنيلي ايه ايه الي بتعمليه دا
حوراء بإبتسامه زادت غضبه :مش هتحتاجهم تاني ف رميتهم
