- مش تخبط قبل ما تدخل يا حيوان
نظر له حمزة باستغراب ثم نظر للغرفه مرة أخرى وهو يردف
- بابا ديه أوضتي؟
حمحم سيف بخفه ليردف بعدها بعصبيه مزيفه
- و ايه يعني لازم قبل ما تدخل حتة تخبط!
- اوضتي يا بابا في ايه؟ ده اللي يسمعك وانت بتقول كده ميشوفكش وانت بتدخل الأوضه بتاعتي انا و إياد كأنك بتهجم على تجار مخدرات
- مخدرات؟
قالها وهو ينظر لـ روما لتعض على شفتيها بشهقه لتردف وهي تتجه إليه
- مخدرات إيه يا حمزة أمشي قدامي يلا عشان منتأخرش على خالو
- طب مش هنشوف بابا عايز يشوف ايه؟
- بعدين نبقي نشوف بقى ها يا سيف
خرجت من الغرفه وهي تعاتب إبنها
- حد يقول لـ أبوه مخدرات يا حمزة عايز تشلني
- يا ماما ده بيدخل الأوضه ولا قوات المكافحة
- بردو عيب
كانت تسير إتجاه الدرج لتلمح أضواء غرفه إياد منطفئه لتردف بحده
- أنتو فعلا ناويين تجبولي شلل
لتغير إتجاه غرفتة لـ غرفة إياد فاتحه الباب بعنف ليردف حمزة وهو يطرق كفيه ببعضهم
- انا متأكد أن أهلي كانو بياخدوا تدريبات فـ الجيش إزاي يقتحموا أوض عيالهم
- انت كل ده نايم
قالتها وهي تفتح أنوار الغرفه لتتجه لـ زر "المكيف" وتطفئه ليردف إياد بضيق
- في ايه يا ماما بقي عايز انام
- انت ناسي أن خالك عازمنا عـ الغدا قوم
- حاضر روحو انتو وانا هحصلكوا
- وبعدين انا مش قايله مليون مرة البس تيشيرت وانت نايم وبطل تخلي المكيف عالي
- يا ماما بابا بينام من غير تيشيرت اشمعنا انا؟
- مكيف أوضتنا مش عالي ده اولاً تانياً انا بغطي أبوك كل شوية وانت بتنام هنا و البطانيه بتاعتك بتبقي فـ الواحات
- طيب يا ماما هقوم بس استني شوية
قالها وهو يعاود وضع الغطاء على رأسه لتردف روما بحده وصوت مرتفع
- يـــا ســيــف
عندما غلبت مع أبنها قامت بالنداء على آبيه ليردف سيف بصوت جهوري
- إيـــــاد
- يا بابا انا فـ العربيه أساساً ومستنيكوا من بدري
الفصل الثالث و الثلاثون
ابدأ من البداية