يا ليتني لم أولد

part 15

ام ايناس

يا هذا منو يدك الباب خل اشوف من الشباك
يااا عزاااا هذا علي خل أصعد بسرعه لايناس

ام ايناس:ايناس ايناس ولج فتحي الباب اجه رجلج

ايناس
جنت نايمه بحضن سلام ومااسمع ال صوت امي

ايناس: سلام كوم اجه علي سلام؟

سلام: هف هذا شجابه

ايناس: مادري يلا بسرعه بدل ورؤح لغرفة ماما

سلام: ماشي انتي بدلي عيب من امج ياربي

زهراء البصراوي جرعةة وعي

اسئلكم شي ؟! جاوبوني
ليش احنه نخجل من الناس ومانخجل من الله ...
لا جديات يعني نسوي أشياء نخجل ان يشوفها غيرنه بس خلينه نكون واعين تراا رب العالمين يشوف كل صغيره وجبيره وباجر يحاسبنه عليها إلى متى احنه نبقى نهتم بكلام ناس .. ومانهتم لباجر بيوم القيامه شنو ح يصير بينه!!
فكروا زين نشطوا عقلكم لا تعبون نفسكم بهيج أشياء باجر بلمستقبل تندم عليها هاي اذا جان عدكم ضمير وحسيتوا بلذنب عود !!

ام ايناس: يلا ولكم اني نازله افتح لعلي

ايناس: سلام رؤح لغرفةة امي يلا

سلام: أي رايح ..

ايناس
طلع سلام وراح لغرفة امي ورتبت الغرفه بس شلون الجوو رومانسي..
يلا خل اشغل اغاني واكله دريت بيك مارايح.. وحضرتلك هلجوو 🌚
هو مارح يسئل هواي لان فاهي..

علي: شسالفه فتحواا الباب

ام ايناس: اسفه بعد خالتك الزلمه طالع ومحد هنا ومرتك تركص فوك

علي: تركص وانا محترك..

ام ايناس: ها عمه شصاير هي رتبت لان سمعت بيك رح تجي هنا و جاي تركص الك

علي: اي خووش اناا صاعدد

ام ايناس: أصعد..

سلام
طلعت من الغرفه رحت لغرفةة ايناس انتظرت ع ماايصعد علي وارؤح للبيت انا خليت سيارتي من غير جهه ع مود محد يشوفها بس هذا خاف يشوفها ضليت متوتر وخايف.. بعدين ضليت انتظر..

علي:فتحي لباب انا علي

ايناس: يا حبيبي شكد انتظرتك..

علي: اي منو كلج انا جاي وهلترتيب واللبس😒

ايناس : حبيبي ابتسام اتصلت عليه وكالتلي..

علي: هااا بس شكد اتصلت بيج ماكو

ايناس: اي ع شاحن الفون .. هسه كافي شكد تسال وانا تعبت احضرلك..

علي: فدواا لمرتي

ايناس: بكلبي اكول مو الك حقير خرب الجوو علينه .. اي حبيبي فدوا الك

علي: نطردت من البيت ..

ايناس: نطردت منو طردك صدك مو عندك سفره

علي: اي عندي سفره بس تاجلت لباجر وتعاركت وي امي وطردتني ..

ايناس: ضل انت ضل مابيك خيرر وهسه البيت يبقى لاحمد وسلام صير رجال

علي
من حجت هيج مااتحملتت بقيت اضربها حيل وبقت تصرخ.. وماعفتها لحد ماا امها فلشت الباب.. يلا فتحته .. الها بسرعه من دون مااحجي نزلت ورحت لبيتنه اخذيت ملابسي ورحت لصديقي.. نمت يمه

ام ايناس
دخلت للغرفه ولكيت ايناس كلها دم وفاقده الوعي..

ام ايناس: يمه بنتي راحت يمه سلام وينكم

سلام: ها ها هذا الحقير شسوه شلتها واخذتها للمستشفى انا وامها..

ام ايناس: ها دكتور بشرني شلونها بنتي الوحيده..

الدكتور: لا الحمدلله مابيها شي بس الجنين مهدد بالاسقاط ..

سلام: دكتور هي مو حامل ياجنين؟

الدكتور: لا بابا حامل ومن ٣ اسابيع

ام ايناس: الحمدلله والشكر حامل بس هذا رجلها مايستاهل

الدكتور: ان شاء الله دكوم بالسلامه

سلام: مشكور خل اتصل ب اهلي ..

ام ايناس: ماشي

سلام: الو ها بويه شلونك

ابو احمد: هلابيك الحمد لله وانت

سلام:الحمد لله بويه خابرتني ام ايناس علي جاي الهم وكاتل ايناس وهسه هي بلمستشفى وطلعت حامل والطفل مهدد بل اسقاط !

ابو احمد:اي ياانذل ع هاي العمله جاييين جاييين

بلغت البيت ورحنا انا واحمد والحجيه وابتسام للمستشفى .. شفنه ايناس حالتها مو زينه.. نتصل ع علي ماكو.. شوي وبقت ابتسام يم ايناس وسلام هم واحنه رجعنه للبيت ..

صار الصبح 🌻💛
سامح الناس لكي الله يسامحك..
واغفر لهم لكي يغفر لك💛.

علي
كعدت من نوم تريكت وبدلت وطلعت حتى فوني ماشغلته سيم كارت طلعته وشمرته ..وجبت غيره
وصلت للمطار ،، وبقت ساعتين ع مود اسافر..

ايناس: ماما ماما😭😭

ام ايناس: حبيبةة امها الله يكسر ايدينه مثل ماكسرج..

ايناس: يولي خل نطلك ماريده بعد

ام ايناس:أي يمه صيري زينه يلا تطلكين

ايناس: اي

ابتسام: شلون تتطلك وبطنها طفل

سلام: ابتسام امشي نطلع .

ايناس: ماما صدك اني حامل !؟

ام ايناس: أي يمه انتِ حامل وعليج ثلاث اسابيع..

يتبع ...

حبايب لتنسون التصويت والكومنت ع مود انزل البارت الجاي ونشروا الروايه وفرحوني اسفه اذا تاخرت بس انزل حسب التفاعل والاحداث الجايه ح تكون ناررر شنو توقعاتكم شلون ح تكون النهايةة ؟!

للتنبيه: اني قررت اوقف الروايه لكن ع مود كم بنيه هنا رح استمر واكملها شكراً حبيباتي😻♥️