لمن قالت ود وزير اتخلعتا شكلو محترم وظريف ما زي صحبو بس انا مالي ومالهم بفكر فيهم لي كنت حاسه انو محمد بدا ياخد جزء من تفكيري امكن عشان تعاملو الحلو معاي العصر كده رجعت البيت جهزتا الغداء لي ابوي منتظراو يجي بس اتاخر وما من عوايدو شلت اكل في عمود وقلت امشي اتفقدو في الحواشه واتغدا معاو واساعدو
وصلت محل قاعد ابوي وقلت ليو مالك ماجيت الغداء انتظرتك كتير قالي انو صاحب الحواشه قال داير يبيعها واداني قروشي وقال بتاع الحواشه داير يبيعها لشركه استثمارية وعايزة تعمل محلات وسوق هنا اضايقت شديد على حاله ابوي شكلو مهموم قلت لي ماتزعل ربنا بسهلها من عندو وكل ماينقفل باب بتفتح الف باب والبقر العندنا ديل بعيشونا قالي يابتي بكفونا بس طلبات امك ولينا ما بتخلص واختك ممتحنه السنه دي ومدرستها في قريه تانيه ورسومها غاليه علي غير قروش المواصلات قلت لي ربنا كريم وانا حااساعدك ان شاء الله اشتغل اي حاجه بتتسهل ان شاء الله بس انت خلي املك في ربنا كبير واتوكل عليهو قلت لي اررح ناكل رفض بس حنستو وبديت اكل معاو اللقمه من الزعل ماراضيه تتبلع لي بس الله يهون علينا المستخبي..عبدالله كان في الحوش بتكلم تلفون لينا كانت مراقباو من بعيد هي بتحبو بس هي دايره زول يطلعها من البلد قالت لي نفسها عبدالله وضع اهلو كويس مالو لو عاش في الخرطوم انا لو خليتو يحبني حايعمل لي العايزاو طوالي ندهت لي عبد الله هو كان خلص مكالمه لينا بت سمحه (لونها قمحي وشعرها اسود بس ما طويل زي امونه وصحتها حلوة وبتظهر جسمها باللبس الضيق )بس غرورها وطمعها ما مخلي الناس تشوف سماحتها عبد الله قال ليها اهلين لينا قالت ليو كيفك طبعا بتنعم في صوتها وتحرك في جسمها كانت عايزة يركز معاها بس هو ما انتبه ليها قالت ليو طالبه مساعدتك مدت يدها قالت ليو الاسورة ضاغطه على يدي شديد وبدأت تحرقني ممكن تطلعها لي قال ليها تمام حاول يفكها بيدو ماقدر هي بدأت تقرب منو شديد واتلصقت فيهو وطبعا بتعمل ريحه قويه عبدالله ماقدر يركز وحسه يدو بترجف خصوصا انو لينا خاته يدها في يدو وجسمها قريب منو لدرجه سامع نفسها هو كان همو يركز مع الاسورة ومايعاين لي لينا بس ماقدر بقى مركز مع جسمها وعيونها وشفايفها عبدالله مسك لينا من نصها وقرب ليها شديد بس هم الاتنين اتخلعو بصوت حاجه وقعت عبدالله ياداب استوعب وحس انو كان حايعمل مصيبه بس ماعرف اذا في زول شافهم او لا مشى طوالي علي صالون الرجال وخلى لينا واقفه تتبسم لمن عرفت نقطه ضعف عبدالله وعرفت حاتستغلها كيف
