خطوات نحو الجحيم

البارت 16+17

ناديه:- ياريت تحسين على نفسج واتركي.. تره هو ديلعب عليج وانتي مصدگته..

راح يبينلج ان هو رومانسي ورجل تحلم فيه كل بنت.. بس هو عكس هيج تماما .. الافضل تتركيه

-انتي هسه دتكولين هو زوجج . واني ماخذته منج مو

-اي

-اني مو طبعي اخذ شي من حق احد ابدا.. واذا كان هو زوجج فعلا وكلامج صحيح.. ف اكيد عندج دليل يثبت ان هو زوجج صح..

-حاليا ما عندي لان ما متواجده بالبيت اسبوع وادزلج .

-زواجي بعد ايام.. اسبوع كثييير لو ما بعثتيلي هسه راح اعتبرج وحده غيرانه واقفل الخط..

-شوفي اني حجيت وبعد بكيفج.. محد ينضر غيرج..

-حجتج ضعيفه للاسف ما اكدر اصدگج.. مع السلامه..

-انتضري............

-قفلته بوجهه بس جسمي كله يرجف.. معقول متزوج صدك.. طيب اذا عنده علاقه بهذه البنت ليش ما حجه

ناديه وين سامعه هذا الاسم.. مدا اتذكر...دا افكر دك جهازي برساله مصوره MMS .. فتحت الرساله..

صورة البنت هي ومالك كاعد يمها ومخلي ايده على كتفها وثنينهم يضحكون.. فتحت عيوني حيل.. احس الحراره صعدت الراسي..

معقوله مالك كذاب.. متزوووووج؟!! يضحك عليه معقوول

سويت اعادة ارسال الرساله وبعثتها لمالك وكتله متوقعتك هلكد حيوان وبلا اخلاق.. واني صوجي صدگت واحد مثلك.. من باجر اقدم طلب طلاق وانهي المهزله السويتها اليوم..

بمجرد ما وصلت الصوره هو بقى يدك.. ما رديت عليه بقيت بس ابجي.. كام يدز رساله صدكيني مو هيج لجين بس فتحي افهمج.. قفلت الجهاز ...

يا حقير يا كلب .. اني اللي صدكتك تالي تطلع متزوج الله ليوفقك.. الله ينتقم منك.. بقيت امشي بالغرفه وابجي..

صعب لما تحب شخص لدرجه كبيره وتثق بيه والمشكله تارك كل اهلك على موده.. تالي يطلع خاينك..

أحساس مؤلم..

واني بالغرفه بهلحاله دخلت امي.. شافتني ابجي..صاحت

-هاي شبيج بنتي شصاير

-ماما مالك طلع متزوج..طلع يكذب عليه طول هالمده..الكلب الحقير الله ياخذه..

-لحظه ماما اهدئي.. وكوليلي شلون عرفتي..

-خابرتني زوجته.. وتكولي هو زوجي وانتي ضحيه لمالك .. وحذرتني ارتبط بيه..

-بس

-وبعثتلي صوره هي وياه كاعدين يضحكون هاي.. اني شلون صدكته كوليلي

-اوكفي لجين بس اهدئي واكعدي وخل نفكر بيها.. اني صح مالك ممرتاحتله.. وما استغرب منه هيج تصرف ابدا..

بس الواحد هم لازم يفكر.. يا بنتي الله شفناه بالعين لو بالعقل.. بطلي قرارات بقلبج وافتجي عقلج فكري بيه واحكمي..

انتي اطلعتي من قبل على جنسيته الشخصيه مو صح. ؟!

-اي صح

-شنو كانت حالته الاجتماعيه

-اعزب

-اااااها.. اعزب يعني لا ارمل ولا مطلق.. مو صح.. هاي اولا.. ثانيا القانون العراقي في العراق ينص على ان لا يحق للزوج بالزواج من امرأه ثانيه الا بموافقة الزوجه الاولى

مو هيج القانون صح لو مو صح ..

-اي صحيح

-اذا صحيح ليش ما طلبو موافقتها على زواجكم ولا انذكر هيج شرط بالعقد ولا انوجد.. وهياته عقدج بأيدي.. ماكو اي شي بهالخصوص..

-ما اعرف ماما.. طيب ليش تكذب.. معقوله الحجته كذب والصوره ادل على ان في شي بينهم..

-ماماتي حبيبتي بطلي عادة كل انسان يحجي تصدكي بسرعه.. انتي عاطفيه لدرجه كبيره..

والعاطفه والعقل ماما ما يلتقون بطريق واحد.. لازم تحكمين عقلج مو عاطفتج..

شغله ثانيه مالك اليوم بعد عقد الزواج سلم مهرج 100 مليون عراقي.. وانطيته لابوج قبل شويه حتى يسجله الج بالبنك رصيد الج.. وكل فلوسج العدنا تنتقل بي

طيب يا بنتي اكو رجال يلعب على ابنيه يقدملها هيج مهر ؟! 100 مليون مو شي قليل او مبلغ بالسهوله ينعطي..

اضافه الى استقتاله عليج وتعرضه للخطر والموت اكثر من مره.. ورغم مخلد قتله واحنه السمعنه عنه هو مجرم..

-ماما هو مو مجرم..

-هذا اللي عرفناه بعد الله عالم.. بس بنتي رغم قتل مخلد.. مالك ترك الموضوع وما حاول ينتقم من مخلد.. فقط حتى انتي ما تزعلين وهذا كان طلبج منه مو

زين اكو رجل يسوي كل هلاشياء ويستقتل بدون ملل او كلل.. في سبيل شي هو ميحبه بس ديلعب عليه.. ؟!

اني ما اشك بحبه الج بنتي.. اني اشك بي هو.. هو انسان ما يرتاحله القلب.. اسلوبه وكلامه وشخصيته.. مال واحد عصابجي..

لهيج احنه وكفنا بطريقج وكنالج منقبل تتزوجي لكن مع اصرارج عليه تركنا القرار الج انتي تتحملين مسؤليته.. بعد ما ابوج اتخلى عنج.

-ماما اني ما دا اشوف بي اللي انتو دتشوفوه.. دتكولون هو مجرم.. بس هو مو مجرم... هو قوي لانه يشتغل بالخضراء واكيد اله ضهر متقوي بي

تتذكرين لما سجنه مخلد وطلع بيوم واحد.. لو مجرم ما اعتقد يطلع.. بس هو اكيد اله ايد بالحكومه العراقيه لهيج حتى مخلد ما كدر يسجنه..

ما دا اشوف بيه مجرم.. لو فعلا مجرم كان قتل مخلد من زمااان.. واخذني منه.. بس هو كان يسمع للي اكوله.. لو كتله اوعدني وفى بوعده..

طيب اني شلون اكذب انسان صادق بوعده ويايه..ويحبني لهدرجه..

-والله يا بنتي اني مرتاحيتله ولا راح ارتاحله.. حتى لو يحبج اخذي حذرج منه.. الرجال ما يتأمن بنتي.. ومثل مصري يكول.. يمأمنه الرجال يمأمنه المي في الغربال

الرجال ماما عنده قدره على الكذب وتلاعب بمشاعر البنت وخاصه العطوفه مثلج.. ميتأمنون وغبيه التأمنلهم..

-يعني هسه هذه اللي اتصلت شتريد معقوله كذابه

-طبعا مبينه كذابه .. الا ما نصحتج من قبل الا اليوم بعد ما عقدتو

-زين والصوره..

- الصوره مابيها شي مجرد ديضحكون ويمكن بينهم علاقه سابقه.. الرجل يحب عشره ويتزوج وحده غير العشره اللي حبهن..

-واني رزلته ودزيتله رساله اغلط عليه..

-ديري بالج امي.. اذا هسه عداها الج من تتزوجين يقص راسج.. الرجل العراقي لو شميكون ما يقبل مره تغلط عليه .. يكوم ينتقم منج..

-يعني اتصل بي

-لا اتركي حاير هسه وخل يعرف زعلج وقيمتج.. والصباح رباح اذا يحبج يصبح عدنا.. قفلي الجهاز ونامي..

يلا حبيبتي لتبيقين تفكرين ولتسهرين وجهج يتعب ويصير سواد جوه عيونج.. وراج عرس ..

-اوك ماما.. طلعت مني واني بقيت بالغرفه.. بقيت افكر بكلام امي.. يمكن فعلا البنت تكذب.. بس يجي باجر واعرف شنو سالفتها..

دا اريد انام.. انضربت جام غرفتي بحصويه الا شويه رادت تنكسر.. باوعت من الشباك مالك.. اشر نزلي.

سديت البرده وضحكت.. ماما تكول اذا يحبج فراح يصبح عدنا وهلخبل ما انتضر الصبح يصير..

طلعت من الغرفه.. ماما تريد اطب لغرفتها.. صحت مامااااا..

-ها بنتي

-بابا وين؟

-نام ليش؟!

-مالك جوه وديطلب مني انزله .. ابتسمتلي

-هلخبل منتضر يصير الصبح اجه هسه..

-شسوي.. بابا نايم موو

-اي بنتي نايم.. فتحيله الباب واكعدو بالحديقه.. او بالصاله بكيفكم.. هو زوجج بعد.. مو حرام

-ماشي ماشي.. شعري حلو لو مخربط.. احجي واعدل بشعري..

-حلوه حلوه تخبلين بس نزلي لا يكسر الباب ويصعدلنه

-ههههه نازله.. نزلت ع الدرج اركض.. فتحت باب الكراج واني لابسه صيفي بالبيت يماااااي جرشت

رجعت اخذت معطف مال بابا وطلعت.. الم بي منا ومنا.. فتحت القفل هو واكف .. جريت الباب.. صاح

-مو صار ساعه اخابر ليش متردين..

-طب جوه نحجي

-طب بكل برود مو.... دمي احترك بجسمي واني اخابرج وبعدين شنو ادزين رساله تغلطين قبل لا تعرفين شنو الموضوع..

-لتصيح الجيران منا.. دنيا ليل .. وثانيا منو هاي اللي بالصوره زوجتك صح .. ؟! خصرتله اديه

-نحجي جوه بارده جرشت من وراج

-بابا موجود..

-اي وشراح اسويله لابوج اكله.. عاقد عليج وجاي احجي وياج خوما اتزوجج ابيته

حجه ودار وجهه و مشى كبالي .. واكتافه تتمايل وهو يمشي.. هزيت راسي.. قفلت الباب.. وتبعته..

دخلنا البيت دافي .. كتله ادخل الصاله.. دخل.. نزعت الجاكيت.. لابسه ثوب قصير وردي ربع ردن..

دخلت.. ابتسم وكام على حيله واجه راد يحظني.. كتله ابتعد.. واحجيلي شنو الموضوع..

-لج شبيج خبله اني ملوكي حبيبج ليش هيج وياي..

-لف ايده على خصري.. احجي مالك منو ناديه..

-بنت اتزوجتها عرفي من زمان بس طلقتها لكن للامانه للان مقاطع علاقتي بيها لان يربطني بيها عمل وهااا علاقه عمليه وصداقه مو زواج..

-شنو زوجتك شنو علاقه عمليه.. فهمني شدتلعب ..

-حبيبتي ناديه امرأه بال42 سنه اكبر مني ومنج مديرة دار ايتام ارمله وعندها ..2 ولد وابنيه وحده

بنتها وابنها طلاب جامعه.. والثاني طالب اعداديه. من زماان اول ما بديت شغل وياها.. رادت مني علاقه..ما تتعدى الفراش

لان متكدر تتزوج ولدها ميقبلون.. فتزوجنا بالسر عرفي.. فقط عقد شيخ.. وهذا الكلام قبل 4 اسنين..

وحاليا مطلقين بس هي بعدها تركض وراي.. ومن سمعا بزواجي تخبلت واجت تحجي وياي حتى ارجعلها.. و صديتها..

هددتني بيج وكتلها روحي احجي مخايف.. لان ما عندي شي اخاف منه.

واثق من اللي اكوله وواثق حبيبتي تصدقني متصدق وحده مثلها... وانتي هسه اعرف بداخلج اكو شك.. بس اسمعي بنفسج وتأكدي..

طلع الموبايل من جيبه واتصل.. ردت الو..

مالك:- الو ناديه.. انتي خابرتي لجين موو

ناديه:- مالك اسمعني بس.. اني ما اكدر اتركك احبك افهمني ارجوك..

-واني كتلج راح اتزوج .. متستحين انتي تكليلها اني زوجج.. شكد رخيصه انتي ..

مو انتي اللي طلبتي مني زواج عرفي فد يوم..

وقبلتلج وطلقت وحاليا اريد اشوف حياتي باي حق تخابرين زوجتي وتكليلها اني زوجته..

-لان اني فعلا اعتبرك زوجي لليوم لتكلي طلقتج ما اقبل بهالكلام.. مالك لا تعوفني

-شوفي احذرج توصلين لزوجتي والا كل شغل بيني وبينج ينقطع واخبارج توصل لابنج وادمر حتى عائلتج.. ف احترمي نفسج وابتعدي عن حياتي وزوجتي مفهوووم..

قفل الخط..

-صدكتي

-طيب ليش تشتغل وياها اتركها..

-مو بهالسهوله اترك الشغل.. و مو وحدي بالشغل احنه مجموعه.. ف ما اكدر

لجين:- شنو شغلك وياها .. هي مديرة دار ايتام. شيريد يكون الشغل ..

مالك:- هسه انتي تأكدتي من كلامي بيها بدا شكج ع الشغل.. اني احجيلج عنه بعدين.. ورجاءا لجين.. اي كلام يكولوه عني ما اقبل تصدكي..

تجين اليه تستفسرين واني اجاوبج وانطيج دليل على كلامي لاني واثق من اللي اسوي.. ولو عدتيها مرت اللخ. راح تشوفين مني شي ميعجبج.

لليوم تشكين بحبي الج.. لج عشتي وي رجال شهرين وكذبتي عليه بالعنوان ورحتي وياه وما اعرف شصار بينج وبينه بهلفتره..

وكل هذا ثقتي بيج ما اهتزت.. وكنت واثق انتي منطيتي بكارتج اله لان قلبج يمي وما شكيت بيج ولو للحظه.

وانتظرت التبرير منج ورغم كذبج سامحتج لان احبج .. هسه جاي تشكين بيه على علاقه عابره وامرأه ما تتقارن بيج بذره..

ما اقبل لجين. وبديت اتعب من تساؤلاتج وشكوكج بيه.. شنو اللي سألتي عني ومجاوبته .. دا اجاوب ودا اكد كلامي بدليل وانتي بعد شكوكج ادور براسج

تردين اهلي من باجر اخذج اعرفج عليهم. بس اني واثق ما راح يتقبلوج.. مثل ما ابوج مو راضي يتقبلني ورغم هلشي متضايقت المهم انتي وياي..

عندج بعد شك احجي راح اجاوب بس احجي وبطلي شك.. لان تعبت صدك.. ردتج راحه اليه بس تشوفين خبلتيني بهليل وخليتيني اجي على عمى عيني لان ما اتحمل تنامين وانتي زعلانه مني..

شسوي اكثر.. احجي..؟!

-اسفه حبيبي والله مو قصدي بس من دزتلي الصوره انجنيت وانت محاجيلي عنها خفت فعلا اكو شي..

- ما حجيت لان ماضي.. ومو طبعي اهتم لماضي احد.. والصوره مابيها شي.. دنضحك واني حتى مع صديقاتي هيج اخلي ايدي على كتفهم واتحاضن وياهم.. ونضحك وين المشكله

اني عقلي حر ما متقيد بضوابط دينيه او اجتماعيه.. عقلي اكبر من هيج قيود.. حبيبتي ياريت متعيدين هلتصرف مره لخ اوك..

اخذني لحظنه باسني بكصتي وخله راسي على صدره وحظني.. اخذت نفس..رفعتله عيني.. اسفه.. .

-عادي حياتي.. اني احبج ما اكدر ازعل منج . انتي روحي وقلبي ونبضي وامي وابويه وكل دنيتي صدكيني.

اني ما املك من الدنيا غيرج.. تبريت من الكل وقبلت بيج وحدج.. حاب نتزوج بأسرع وقت حتى نبقى سوه ومنفترق.

اني احتاجج واعرف انتي تحتاجيني مثلي..

-رفعت نفسي بسته بخده. ورجعت راسي لحظنه.. قيدني بأديه حيل واخذ نفس واحس نفسي ارتفع على صدره مع النفس الياخذه..

رفعتله عيني.. احبك.. ما حجه بس بوسني..........

ابتعد....وحجى.. :-لجين

-عيونها

-فدوه لعيونها.. هههه حبيبتي جنت دا افكر الغي العرس واكتفي بشهر العسل باي دوله انتي تختاريها.

-ما اعرف بكيفك..

-ما عندي اشكال انتي سوي حفله وروحي صالون وفستان ابيض وبينج وبين صديقاتج. واني احجز بفندق

-وليش فندق شقتك حلوه بس ترتيب..

-براحتج.. يعني ما اسوي عرس وزفه بس اني وياج اخذج بالسياره ونطلع

-اللي تشوفه حياتي

-و شهر العسل اي دوله حابه نقضي بيها..

-ما اعرف اللي تحبها

-اني زاير هواي دول ف ما اعرف كلت اشوف شنو ابالج او تتمنين نشوفها

-تركيا

-تركيا ..؟! متأكده.. ماليزيا فرنسا بيهم اماكن سياحيه حلوه .

-من خلصت جامعه سافرت هواي دول بسفرات جماعيه مع صديقاتي.. لبنان امارات فرنسا امريكا ماليزيا اذبيجان.. وحتى بريطانيا..

بس تركيا كان بنفسي ازورها واطلع رحله بالبسفور..

-انتي بنفسج تركيا لو اللي عايشين بتركيا.. ويغمزلي

-هههههههه تفهمني.. هيج واشوف اسمر لو كوسوفي يماااي افرش وانام كبالهم واشبع شوف بوجهم الحلوه

-هههههههه يلعن عقلج ... يلا اروح لا يكعد شاكر يشطحنا بهليل .. نطلع بكرامتنا احسن مو

-ههههههههههه باسني بخدي. ومشى.. رحت وراه..

- طبي لطلعين بارده..

-لا هذا المعطف مال بابا البسه.. لازم اقفل الباب وراك..

-اهااا .. بس تغطي زين مابيه تتمرضين ويتأجل العرس تره مستعجل .. يغمزلي ههههه

-طلعت وراه.. فتحت الباب ..

- تصبيره قبل لا اروح

-لك وقح منا الناس لتشوف

-اي هسه غير مرتي شعليهم.. لزمني من وجهي باسني ومشى وهو يلوح بأيده.. قفلت الباب ورجعت انتجيت عليه ياربي شكد احبه..

قلبي يمه تكول فراشه اجنحته تكوم ترف بدون توقف.. ونبضاته 100 .. 100 .. احبه حييييل اموت عليه.. هههه تركت الباب ودخلت جوه..

بعد 5 ايام.. كملنا اجراءات السفر التركيا وحظرنا شغلات العرس فستان وملابس ما كثرت لان ابالي اتسوق من تركيا مو منا..

رتبنا الشقه بغرفه جديده واثاث جديد.. وفرش وبردات اني وياه اختارينا كولشي وهو ما قيدني ابد كل الي اكوله يكولي بكيفج التحبي حياتي..

خلصنا وحجزت صالون وهو اشترى بدله رسميه سوده .. وكملنا كولشي لحد يوم العرس..

ماما عزمت خالاتي واقربائنا واني عزمت صديقاتي وسوينا حفله صغيره بالبيت.. كنت بالصالون اني وساره وندى بنات خالتي..

بدلتي كانت كبيره.. ومنفوشه.. وشعري ما سويته تسريحه فنيه.. اكتفيت بالبرم.. ورفعه خفيفه بالتاج والبرقع .. ومسكة الورد بأيدي..

بيومها اجت سرى لبيتنا وحظنتني وطلبت مني السماح واعتذرت.. سامحتها وكملت الحفل ويايه.

لليل..اجه مالك.. خالو كان موجود بابا ما قبل هو يعطيني لمالك.. خالو سلم ايدي بأيد مالك..

قبل لا اطلع حظنت ماما وبجيت حيل.. وهي كامت تبجي اكثر مني.. كتلها سامحيني على كل خطأ سويته وياج وويه بابا بدون قصد

كل عمري ما كانت نيتي اذيكم والله وانتو اغلى اثنين بحياتي .. بوستها وكتيلها اعتذريلي من بابا حاولت اعتذر وما قبل.. سلمت وما وقفت بجي وكالت الله يوفقج ابنيتي..

عمتي مرت عثمان كالت بس كون يستاهل يصير بديل لمخلد.. وترتاحين وياه .. سلمت عليهم وطلعت.....

كانت اكو اغنيه اسمها ثوب الفرح.. اللي وصلني كان مخلد بهذا اليوم معتزل الناس بغرفته وقافلها وهذه الاغنيه تشتغل بغرفته....

صعدت بسيارة مالك.. وتوجهت وياه لشقتنا.. كان مشغل اغنية بعيوني اضمك بالسياره.. بس المشكله هذا اللي قتلت روحي عليه.. ما فرحت بهذا اليوم

اكو كان وجع بقلبي ما اعرف شنو هو .. الم ونغصه مو طبيعيه.. اكو شي ما مطمنه اله شنو هو ما اعرف..

كنت اعتقد ان هذا الالم بسبب خروجي من بيت اهلي وزواجي بدون موافقة ابويه ف متضايقه بسبب هلشي..

لكن ما كنت اعرف ان كل انسان عنده الحاسه السادسه.. وهي الشعور بالشي قبل حدوثه من خلال نغصة بالقلب وعدم ارتياح لسبب انت متعرف بوقتها ليش ممرتاح..

لكن العقل هو مركز الاحساس بالجسم.. لما يحس ان هو في خطر يبعث ايعاز.. للقلب عبر نغزه.. حتى يحسس القلب بالخطر اللي راح نواجهه..

لكن القلب ولغباءه وعاطفته يتخيل هلشي وجع عادي او بسبب اضطراب نفسي او عدم الراحه الجسديه يحدث هكذا نغزات..

احيانا الانسان يشعر بشعور غريب.. ويكول قلبي يعصرني او يشعر بعدم ارتياح.. ف ننصدم بعد فتره قليله مات..

او الام لما ينغزها قلبها وتصيح مدري شبيه گلبي ما جاي ارتاح.. ف بعد فتره قليله تعرف ان احد ابناءها تعرض لخطر

هذا ما يسمى بالحاسه السادسه.. اللي كنت اجهلها بوقتها..

دخلت الشقه.. اخذت نفس.. وبقيت اباوع لجدرانها والالم بقلبي مستمر.. اعتقدت توتر من العرس وكذا..

اباوع لأرجاء الشقه كنت اشوفها حيطان فقط ما تعبر عن شي اخر.. لكن المشكله المجهول شضاملك بين هذه الجدران الله وحده يعلم..

انضربت الباب وراي.. التفتت.. كان صوت الباب لما مالك قفل بابا الشقه..وواگف يبتسملي ويكول نورتي بيتج..

ما اعرف ليش ما كنت مرتاحه.. بس اللي عرفته في ما بعد ان لهنا انتهت خطواتي نحو الجحيم..

مو لأن انتهت قصتي لااااا.. لأن اني خلص دخلت الجحيم......يتبع

..........
#خطوات_نحو_الجحيم

////بقلم الكاتبه زينب ماجد////

الحلقه_22

مالك:- نورتي بيتج ... تقرب..

-ابتسمت بوجها.. رفع وجهي.. باسني بگصتي..

-احبج

-اموت عليك حياتي.. كلتها وهو حظني ويبوس بخدي واذني.. بس ما اعرف قلق وتوتر بداخلي وكلبي يوجعني.. مالك.. بس دقيقه..

-شنو حياتي

-ما اعرف شلون اكولك.. بس صدكني تعبانه.. اعرف ليلة عرس وحقك.. بس تعبانه..

-اعرف مقهوره على اهلج هوايه..

-اخذت نفس ورجعت لصدره.. مو شوي هوايه.. مالك اني احب بابا هوايه والله ما كان نيتي اكسر ثقته بس ما اريد مخلد وهلشي مو بيدي..

--لتفكرين

-ما اكدر ما افكر .. اني طلعت وبابا مقابل ع زواجي شلون ارتاح..

-راح يقبل بمرور الوقت صدكيني يحتاجله وقت..

-واذا ما قبل

-مدام يحبج راح يتقبل فد يوم..

-خليت راسي على صدره.. مالك تعبانه.. اريد انام

-ارتاحي حياتي ..

-رفعتله عيوني.. وانت ؟!

-مو ممكن ارتاح وانتي ممرتاحه.. والحياة كدامنه.. وكل ليلة بعمرنا هي ليلة عرس اهم شي راحتج نبضي انتي..

- ابتسمت ابتسامه خفيفه بتعب.. وبوسته بخده.. ومشيت للغرفه.. طلعت روب طويل نزعت التاج والبرقع. وبدلت..

باوعت السرير نزله بيضه ضخمه.. رحت خليت راسي ع المخده.. دا انام.. چکچکتني .. سحبتها من جوايه ودا انام.. دخل مالك..

-متتعشين ويايه

-لا تعبانه ما اشتهي

-طيب بس شوي ع الواهس.. اعتقد انتي من الصبح ما ماكله شي..

-اي والله مماكله بس نعسانه..

-غسلي وجهج حياتي وصحصحي وتعالي اكلي ونامي براحتج..

-اوك.. رحت للحمام بكلنس مسحت مكياجي وغسلت وجهي وطلعت.. لكيته مبدل وديطلع من الغرفه ابتسملي..

مشينا اني وياه للمطبخ.. لكيته محظر الطاوله كلها.. حبيبي انته حظرتها.. جان كتلي..

-حبيبتي ومرتي تعبانه واتعبها.. يصير .. انتي بس ارتاحي اني ارتاح.

-بوسته بخده. وكعدت اكل كوه ثكلت عيوني وهو يوكلني.. اخر شي تركت وكمت.. غسلت.. ورحت نمت..

وره شوي اجه ورايه.. فتح اللحاف.. ونام صفح ورايه.. وايده على زندي.. ويمسح على ايدي..

-ولج هاي تاليتي عاركت وتقاتلت وتالي بليلة عرسي اتركيني وتخليني اتحسر..

-سوري حبيبي مقصدي اخرب عليك الليله.. اذا تحب هسه اكوم اتحظر واجي..

-اتشاقى وياج حياتي.. نامي..

-درت اله ونمت على صدره وهو يحك بفروة راسي ويبوسني بشعري.. لحد ما غفيت ..

الجو بارد.. وحظنه دافي.. لاول مره بحياتي احس ان اني انثى بجنب رجل.. يحبني ويحس بيه واحس بي وبقوته وبحبه.

اعشق الرجل القوي كدام الناس ضعيف كدام عواطف المرأه .. وهذه الصفات لكيتها بمالك.. شكد ما قوي مع النس بس يمي احسه مرات طفل ومرات اب.. ومحتويني..

نمت وما صحيت غير الصبح.. باوعت الساعه 7 .. بس اني بالسرير.. مالك وين.. كمت لميت شعري ولبست روب ثاني وشديته.. وطلعت ابحث عنه..

-مااالك... ماكو.. حبيبي وين انته .. فتحت الحمام .. هم ماكو.. وين راح .. طيارتنا الساعه 11 وين صار..

رحت طلعت الجنطه مالتي.. واخذت الموبايل.. وخابرت مغلق.. وينه هذا شصار بي..؟!

باوعت كثير رسائل تهنئه الي بزواجي.. بقيت اقلب بيهم.. كان لمخلد رساله من ضمنهم.. كاتب..

(حاولت اشرحلج حبي يبت عمي بكل طريقه ما فهمتيني النهيت والضربت والاعتذرت والتفهمت ما تقبلتيني وقبلتي بأنسان اتمنى يكون وياج صادق ويحمج.. اتمنالج السعاده)

دزيتله رساله.. ربي يوفقك ويسعدك.. اشكرك.. قفلت الجهاز وشمرته.. وين صار مالك..

رحت سبحت وبدلت وشسورت شعري ورتبته ومكيجت.. ومالك ماكو.. لل9 ونص يله اجه اني مجهزه كولشي للسفر..

طب.. بأيده علاكة ريوك وصمون..

لجين:- حبيبي من كل عقلك.. ؟! ساعه 9 ونص وين جنت..

-رحت اجيب ريوك..

-بس تأخرت..

-اي مو بقيت ادورلج على كاهي وكيمر عرب وجبته لاحلى لجونه..

-صراحه مطمئنيت.. ممعقول بسبب كيمر يتأخر هلكد.. هواي اللي يبيعون كيمر وكاهي الصبح ب7..

بساعتين ونص اوصل محافظه ثانيه مو كيمر.. معقوله ديكذب..

-تعالي حياتي دناكل

-ما اشتهي حبيبي بدل بسرعه لنتأخر

-تضايقتي لان تأخرت..

-لا عادي حبيبي اكيد.ازدحام..

-طيب ناكل بعد ساعتين ع الطياره

-حبيبي برمشة عين تصير ال11 .. خل نروح.

-لخاطري .. بس شوي

-اااه.. اوك.. روح بدل واني ارتب الاكل.. باسني بخدي

-اموووت عليج

-حياااتي .. بقيت احظر الطاوله شوي واجه كامل..اكلنه ولميت الاكل.. وخليته بعلاكه..

وطلعنه انطيته لحارس العماره.. ورحنا بسيارتنا.. شفت طريقه مو للمطار.. دخل مدينة المنصور وصف بكراج..

وكال لازم انطي لصديقي امانه.. انزلي ويايه شوي ونطلع حتى نسافر

-بس مالك ساعه 10 وثلث نتأخر والله..

-صدكي منتأخر بس نزلي..

-حجاها ونزل.. اضطريت انزل واتبعه.. دخلنا فندق ضخم.. وصعدنه بالمصعد.. ومشينا لغرفه. ودكينا الباب..

طلع ولد سلم على مالك ودخلو.. اني مدخلت بقيت واكفه بالباب بره الغرفه.. ثواني وطلع الولد.. كال استاذ مالك يكول خل تدخل.

كتله اوك.. دخلت.. الولد سد الباب.. بس مهتميت للباب كد متفاجئت بالغرفه..

عباره عن غرفه بأضواء حمراء. وشموع بريكان الحياطين والطريق ورد احمر..

مشيت.. لكيته كاتب بالشموع احبج.. والاغنيه مشتغله (عينيه بتحبك والبي بيحبك وحظني بيضمك..)

ضحكت وفرحت من كل گلبي ومخليه اديه على حلكي واياوعله هو بنهاية السريره..

-مولاتي الاميره سعيدآ جدا بدخولك لعالمي وتزيينك لحياتي المظلمه بالوان حبك يا حبيبتي..

-فدوه لليحجي فصحى.. هههههه ركضتله بسرعه وكزت بكل حيلي اله وحظنته شالني بأديه وهو محاوطها على خصري..

ابتعدت.. اباوع لوجهه.. ووعكوس اديه على اكتافه.. وامسح بوجهه.. متصدك شكد احبك..

-مو بكدي صدكيني اعشقك كولشي بيج ..

-قريت وجهي وبسته.. بقى يبادلني المشاعر.. رجعني للسرير وونزلني على الورد الاحمر كله صار جوايه..

احس كلشي بجسمي يدك.. كلبي مدا اسيطر عليه.. ماسكه بقميصه حيل وكأني اخاف اتركه ويبتعد..

احبك حيل.. اموت عليك مالك

-اني سعيد حظ بيج.. اتمنى اكدر اسعدج وما اخذلج فد يوم.. ولو اذيج في يوم من الايام ف اتمنى منج تسامحيني لان ماكو انسان يعشقج بكدي..

-حياااتي احبك واكيد ح سامحك.. حظنته

-لحظه.. روحي للحمام حظري نفسج حتى نبدي بيوم عرسنا

-ههههه والسفر

-اجلت لباجر..

-طيب اني مجايبه شي كل غراضي بالسياره

-كولشي محظرلج بالحمام بس فوتي..

-اخ يابه شكد احبببك.. كرصت خدوده.. وكمت

-ههههههه وهاج لتنسين هذا

-شفته طلعلي كبسول شنو هذا

-صيدلانيه ومتعرفين شنو هذا

-مانع حمل ليش تريدني استخدمه. ؟!

-لان مو حاب يصيرون عندي اطفال ..

-ليش؟!

-نتفاهم عليه بعدين اليوم بس اشربي وخلينه نستمتع بيومنا..

-اخذت الحبوب منه.. شربت حبايه.. وخليته ع الميز. ورحت للحمام.. لكيته معلك روب نوم.. ابيض حرير وبيه فتحات طويل والضهر مكشوف

لبسته ونثرت شعري وعطرت.. لان كنت اممكيجه وابيض يكعد وياه كولشي..

طلعت هو كان كاعد على كرسي يدخن جكاره.. بيده ريموت مال ام بي ثري شغل .. اغنية لا وعيونك..

ضحكت يريدني ارقص.. بقيت اتمايل كدامه برقص فتياة الف ليله وليله.. هو يدخن ويباوعلي ويضحك..

تقربت ارقص يمه. راد يلزم ايدي.. التفيت وابتعدت منه وكملت رقص..

-ناويه تعذبيني يحلوه .. ويحك بسكسوكته.. هههه

-انت كلت اني اسد.. واللي كدامك غزاله.. ف يا اسدي الجميل شوفني مهاراتك وامسكني..

-تتحديني يعني

-اي ههههههههه

-اي خوش..

-شفته كام من مكانه صرخت عااااا وصعدت للسرير يجي يمنى اروح يسره .. يجي يسره اروح يمنى

اخر شي صعدلي وقل اطفر لزمني ووكعني للسرير ووكع وياي

-تتحديني يا حلوه

-هههههههههه

-وين ترحين مني .. لج اكلج اكلج...

-هههههههه امتك بين اديك.. ههههههه

-انتي مو امه ...انتي اميراتي... احبج...................

كان يوم ولا في الاحلام... رجل بغاية الروعه والتعلمل بوقتها.. حتى متضايقت او تأذيت ويمكن نسيت حتى الدنيا والعالم الخارجي وياه..

تهت بأحساسه بعالمه بمشاعره بحبه... مثل قطعة ثلج وذبت بين اديه وانفصلت عن كل العالم الا عالمه هو..

شعور كل عروس .. الخجل التوتر الخوف القلق بهذا اليوم.. لكن هذا اليوم مع مالك غيييير .. من حبي اله ولهفتي نسيت احس بكل هاي الاشياء..

كنت نايمه.. فتحت عيوني الغرفه ضواها احمر خافت مالك فاتح اديه ونايم.. واني على ايده اليسره.. ما حابه ابتعد عنه لحظه ما احب ارمش وما اشوفه..

دا اريد اكوم من مكاني.. فز.. اندار ورجعني نومني..

-ما حابت تبتعدين مني خليني مرتاح بوجودج ..

-هههه ... مالك

-عيونه وگلبه

-فديتهم.. ليش متريد اطفال

-ما احب الطفال

-ليش

-هيج ما احبهم وبس مزعجين

-والى متى هذا الشعور.. اني حابه يصير عندي طفل

-ما اعرف حاليا ممنوع تحبلين.. تاخذين الحبوب بأنتظام ولا ازعل

-تزعل ..!!! بس ليش.. كام من عندي.. اخذ الباكيت وطلع جكاره وبقى يدخن.. ويتنفس ويطرد دخان..

مالك شنو المشكله ؟!

-ماكو اي مشكله لجين شبيج ما اريد وبس ليش تلحين.. يعني هو اليوم اتزوجنا وتردين اطفال .. الحياة كدامنه خل نعيش نشوف حياتنا الطفل شنو

-طيب ليش صرت اعصاب دا اناقشك .. اخذ نفس وطفى الجكاره والتفتلي

- مو هيج حياتي بس صدكيني ما احب طفل هسه بحياتنا راح يعقدها وتصير حياتنا محلوه عباره عن بجي وصياح وحفاظات.. وانحرم منج.

-بس هي هاي الحياة الزوجيه حبيبي..

-لجين كلت ما اريد طفل .. اقفلي الموضوع

-اخذت نفس.. وكمت من يمه للحمام. قفلته وسبحت.. هو دك الباب.. كتله كملت لحظه..

لبست البرنس وطلعت..

-تضايقتي مني

-لا

-احبج لتزعلين

-مزعلانه حبيبي لتخاف احبك.................

بقينا بالفندق يوم كامل لا طلعنا ولا رحنا ابد.. اكل ونوم.. لثاني يوم.. كعدت على اتصال .. باوعته ماما.. رديت..

الام-الووو حبيبتي صباح الخير

لجين:- صباح النور حبيبتي

-اشلونج ماماتي .. شنو بعدكم ممسافرين

-اي والله اجله ع اليوم نسافر

-ليش

-مالك كان مسويلي مفاجأه بفندق واجل

-هااا ان شاءالله الامور تمام بنيتي

-الحمدلله ماما كولشي تمام.

-الله يسعدكم بنيتي ويوفقكم ويجي على مرامج ان شاءالله.. شلونه اسلوبه وياج..

-ههههه حبيبتي اسلوبيش ماما.. غير بعدنا عرسان..

-والله يا ماما خايفه عليج منه.. كلت لا يكتلها بليلة عرسها شكله عصابجي ما يتفاهم

-بالعكس امي ورده مال الله .. كولش خوش ولد. اول ليله تركته ونمت لان كنت تعبانه بس متضايق ابد كال براحتج. والبارحه جابني هنا مفاجئه..

-الله يهدي ويضل دوم هيج.. شوكت تسافرون

-بعد شوي ان شاءالله بس اوصل هناك اخابرج. لان نسيت اخابرج البارحه.

-براحتج ماماتي توصلون بالسلامه..

-شكرا.. بابا شلونه

-زين مقهور شويه بس يتعود

-اخذت نفس ان شاءالله.. باي.. قفلته منها. وصفنت بالجهاز يارب اكدر اقنع بابا وترجع علاقتي بي..

كعدت مالك واخذته للحمام.. كملنا وخذنا غراضنا وطلعنا من الفندق.. جانت تمطر بالمضلات تراكضنا

وصلنا المطار وتفتيش وهوسه واجراءات.. طلعت ارواحنا يلا صعدنا الطياره.. شوي وقلعت. جابولنه اكل ما احب اكل الطياره ابد.. وحتى مالك ما اكل بالرغم ممتريكين..

نزلنا مطار انقره.. ومشينا دناخذ الجنط.. منتظره تطلع جنطتي ومالك واكف يمي.. جان تجي وحده حنطيه وشعرها اصفر تمد ايدها على لحيتة مالك وتحجي تركي..

مفتهمت حجيها.. اتذكر شايفتها بمكان بس وين .. باوعت لمالك ارتبك.. وبقى يباوع وراها..

لجين:-منو هايه

مالك:-الجنطه

-شنو؟

-الجنطه مالتنا شبيج سحبيها..

-اهاا.. اخذتها وطلعنا .. ما اعرف ليش ضجت. يمكن تركيه وشبهت عليها.. بس ليش الا مالك.. المطار بي كومه رياجيل.. واتراك يخبلون ليش اجت على مالك..

اخذنا تكسي ورحنا حجزنا بفندق.. صعدنا .. مالك طلب اكل فورا.. اجيت كعدت يمه.. جوعان مو

-ميت

-كتلك خل ناكل قبل لنسافر مقبلت..

-هسه حيجيبون اكل.

-شطلبت ؟!

-فطاير لحم بالجبنه..

-خليت راسي على كتفه. هو رجع للسرير نام وسحبني وياه.. نومني على ايده.

-حنبقى بأنقره..

-لا حنسافر ع اسطنبول بس الحجز كان لانقره .. وحتى انقره حلوه خليني امشيج بشوارعها ونفتر

-لا اريد اسطنبول احسن

-ذابحج الكوسوفي مووو

-ههههههه .. دك جرس الباب كمت من يمه فتحته.. دخل النادل الاكل.. خلاه ع الطاوله وطلع..

دا اسد الباب وراه.. شفت البنت اللي تحارشت بمالك. دخلت بالغرفه الكدامنه.. تأكدت شايفتها واعرفها بس وييين..

سديت الباب .. مالك منو هذه البنت اللي تحرشت بيك بالمطار..

-شلج علاقه بيها حبي تعالي اكلي..

-ناديه... اي ناديه اتذكرت نفس الشكل بس بالصوره كانت لابسه حجاب لافته على راسها وركبتها طالعه.. بس هنا نازعه الحجاب..

هي مووو

-اي هي

-وشعدها لاحكتنا..

-شعرفني

-وشلون عرفت مكانا

-تلكيها خابرت ايهاب واستفسرت منه

-وايهاب شعرفه

-غير صديقي

- ع فكره مالك اتذكرت. لما اجيتك مره للشقه هناك. اتذكر شفتها يمك.. لما شافتني زفرت وطلعت .. هي مو

-اي هي نفسها

-وشعندها وياكم بالشقه

-لجين كتلج يربطني بيها صداقه وعمل ما اكدر افسخه وياها

-وعملكم بالشقه

-هاي شبيج .. مو ايهاب جان ويانا.. شنو عملكم بالشقه

-وايهاب شنوووو .. خلك واحد سرسري

-لجييييييين صوتج لا تعلي.. كتلج ما عندي شي وياها.. وكلبي الج واحذري مره ثانيه تتجاوزين على صديقي..

-هممم صديقك.. اوك اسفه اذا ازعجت حظرتك.. حجت ومشيت للبلكون.. طلعت وضربت الباب ورايه حيل..

وبقيت اجر بالجاكيت منا ومنا وابجي.. طلع وراي..

:- لجين هيج تصرف اضوج منا

-اذا تضوج ادخل كمل اكلك واتركني هنا ..

-انتي شبيج

-اخذت نفس.. سلامتك مابيه شي..

-شنو اللي تردي فهميني لتبقين هيج مطنكره وواكفه بالبرد..

-ما رديت.. بقيت مكتفه اديه و دايره وجهي منا.. تقرب يبوس بكتفي..

-لولايتي حبيبتي انتي احجيلي شنو مضوجج حتى اراضيج .. اذا ناديه اجت ورانا اني شعليه بيها..

-نطلع لاسطنبول هسه منبقى هنا

-تعبان نرتاح وباجر نطلع.

-ونبقى مكابلين هاي..

-طيب رحنا اسطنبول ولحكتنا.. هم تعال نروح غير مكان..

-واللهي مشكلتك مو مشكلتي انته تصرف وياها وابعدها عنا. لو بس هنا سويت روحك متكدر تسوي شي.. بغير شغله يا دنيا انهدي محد بكدي

-هههههه بويه من السانج مدفع نمساوي.. صار ادللي احجي وياها وابعدها.. بعد..

-ما رديت.

-بارده لتبقين هنا. تعالي ندخل..

-جر ايدي واخذني جوه..كعدني على السرير وجاب الصينيه.. شال لقمه. وكال فتحي حلكج ..

ما اشتهي .. تقرب باسني بشفتي..

-وهسه ..

-ابتسمت.. وهزيت راسي..

-اموت على اليضحك وهو زعلان. ياااابه بودي اكله ابدال الريوك..

-شال الريوك.. يريد يوخره. صحت وين وين. جذب جوعانه والله .. بس غير ترضيني حتى اقبل اكل ..

-هههههه اويلي على دلالك اموووت بي..

-وكرص خدي حيل.. ضحكتله وكتله.. حبيبييي.. بقينا ناكل.. سوه لحد ما شبعنا..

شلت الصينيه .. خليتها على جنب.. ورحت غسلت هو هم غسل.. طلع من الحمام بقيت ابدل وغير ملابسي ومكياجي..

لبست ملابس نوم.. ورحتله.. لكيته متمدد رجل على رجل ويكلب بالتلفزيون.. تقربت منه.. ضحك..

ادنى وانطاني مجال انام يمه.. فتحت ايده.. وخليت راسي عليه..

-ها مخبله هسه هديتي قبل اشوي العيون تجادح تكول بزون ضاربها واحد وتريد تفترسه..

-هههههه شسوي اغاااااار مو بكيفي اغاااار.. انته الي وبس مفهوم.

-اني ملك لهيج وحده حلوه. اشتعلو الراحو.. بويه ملكج شتردين سوي ما احجي .. حلالج يابه

-هههههههه..........

اني وياه.. واندكت الباب.. فز من يمي.. وكام بدل .. فتح الباب ما اعرف شحجى.. وطلع وسد الباب وراه.

بقيت بفراشي.. انتضرته طول.. كمت من مكاني.. دا اريد اغير ملابسي حتى اطلع وراه. طب.. صحت ...شنو القصه

-لا هيج.. ماكو شي

-ناديه موووو

-حاجيتها كتلها تبتعد من عدنا.. والا اتعامل وياها بغير اسلوب..

-محنخلص يعني

-لتخلين بالج يمها يا گلبي هي جايه هنا حتى تخرب علينا شهر عسلنا ليش تحققين غايتها وتتضايقين..

هياتني يمج ما اروحلها ولا اريدها ولا اشوف غيرج. بعد ع شنو متضايقه..

-بس يبقى وجودها مزعج مثل الصرصره.. متأذي بس شكلها مقزز ووجودها يلعب النفس.

-ههههههههههه يابه شلون عليج تصنيف.. صرصره!!.. ههههه خرب عرضج

-ههههه .. درت وجهي ورحت نمت من الجهه الثانيه

-شو ابتعدي..

-هو التوكف كباله صرصره اله نفس بعد.. انام احسنلي..

-ههههههه

-تقرب نام يمي وحط ايده جوه راسي.. ويلعب بشعري لحد ما غفيت..

لهناك.. كعدت.. جان دنيا ليل.. مالك نايم.. بدلت ملابسي .. وطلعت من الغرفه نزلت جوه..

طلبت كابتشينو وكعدت.. نزلت ناديه تباوعلي.. درت وجهي منها وحطيت رجل على رجل ونثرت شعري.. وبقيت اعدل بي..

جاب النادل المشروب.. كتله ثانكس... جان تكعد ناديه

ناديه:- اكسكيوزمي كوفي ون بلييز..

-اخذت نفس.. واخذت الكوب شربت.. حطت رجل ع رجل وكابلتني.. ترفعلي حاجب..

شعندي كاعده يمي.. وبالاساس شرايده من عدنا لاطشه ورانا بشهر العسل

-لتتوقعين يحبج.. هو يحبني ومستحيل يكدر يبعدني وانتي فد وحده غبيه..

-والمطلوووب

-هيييج بكيفي.. كاعده ابغرفتج..

-احساس ما عندج تولين من عدنا.

-لتعتقدين اخليج تنسعدين.. دمار حياتج على ايدي وثقي بهالكلمه

-ولو اجتمع قوما على ان يضروك فلن يضروك الا بشيء كتبه الله عليك.. ف انطيني عرض اجتافج وولي منا يلا حبيبتي عيب عجوز وارزلج يمكن اني بكد بنتج ميصير

-اندمج ع هالكلمه وشوفي .. يا لجين يا بنت وداد..بسيطه..

-دتكوم وكف مالك على راسنه ولا كأنه شافها.. باوعلي.هاااا... رفعتله ها حبيبي.. دا احجي باسني بشفايفي كبالها. هي كامت بسرعه.. متحملت..

ضحك مالك.. وكعد يمي.. اجه النادل جايب كهوه.. اخذها مالك.. وكعدنا نسولف ونشرب

مالك:- كومي دا اشوفج انقره..

لجين:- يلاااا

طلعنا افترينا هوايه واكلنا ولعبنا وغنينا ورجعنا بليل كولش.. لثاني يوم.. اخذت رقم مالك وخابرت ماما وسولفتلها على السفر وعلى ناديه هم..

كالت لا تمللين زوجك مدام ما دايرلها بال بس فتحي عيونج وديري بالج.. خاف اكو شي متعرفي.

سديته منها.. وحظرت جنطنا.. وطلعنا لسطنبول.. كان يوم كله ثلج طلعنا بسياره .. الضهر يلا وصلنا..

اخذنا غرفه.. وطلعنا مالك اجر سياره.. نفتر بيها.. الثلج متوقف بس الجو كولش حلو.. والسياره كشف فتحها لان ماكو مطر..

وكفت على حيلي اصرخ وهو يضحك ومطلعين اغنية اسعد وحده..

وارقص واتمايل ويه الهوى وارجع اشمر نفسي بحظنه.. لليل 8 بليل رجعنا نمنا.. ب12.. كعدني مالك..

-كومي دنطلع

-وين نطلع بعد.. نعسانه

-حبيبتي تره مجايين انام.. غير نفرح ونستمتع

-وين نروح..

-للنادي.

-عاااا عزا مالك تحجي صدوك

-شبيج زعتي بطنج.. شكلت

-من كل عقلك اروح نادي ليلي

-وشكو بيها

-لا يمعود.. مو ثوبي ابد.. ديسكو واطب واشارك بي عيب بابا ميقبل والله

-وابوج شكو غير اني زوجج وبعدين تعاااي هو شنو الديسكو غنا وركص..

-مكايل شي فدوه لعينك

-يعني شنو بالايام العاديه متغنين.. مترقصين. وين الفرق

-اي اركص بس مو كبال العالم والشرب والعرك ريحته للستار

-هو منو جابرج تركصين لو تشربين عرك.. اناي بختيارج تردين تكعدين او ترقصين او تشربين.. حر بنفسج منو يجبرج..

وبعدين تعالي هنا تركيا.. اشراف تركيا واغنياءها تلكبهم يحظرون النادي.. مو عبالج بس للعاهرات..

-لا مالك ما اكدر والله هيج اماكن ما احبها

-براحتج لعد.. انتي نامي واني طالع ساعات وارجع

-ويامن تروح

-وحدي قابل ويامن..

- يمه وحده.. لا ادور الصرصره اتبعه وتروحله للديسكو وهو يشرب..

اهوو شلون بلوه هاي يا ربي.. اكوم البس واروح وياه.. احسن ما يبقى وحده.. كمت ..

-هااا ترحين

-اي

-لبسي ملابس سهره

-لا ما ح البس زي سهره.. البس جينز وقميص ..

-ميصير لبس السهره غير لبس الفرفره واللعب

-كيفيييي ... رحت لبست جينز وقميص حلوات و رتبت نفسي وطلعنا

رحت اني وياها..وصلنا هناك.. ودخلنا.. الجو اسود وازرك واحمر والوان تفتر وصوت الغنا عالي..

خلى ايده على خصري وحجى بأذني لترتبكين. الجو حلو استمتعي..

-اخذت نفس.. وكف عند الخماره.. صاح تشربيييييين.. كوه اسمع بس عرفت ديعرض عليه شرب.. هزيت راسي لا..

اباوع كلها تتراكص ولد وبنات.. ضرب على ايدي مالك واني صافنه.. باوعتله.. طالبلي عصير برتقال..

دا اريد امد ايدي.. جرها ولفني اله.. وكال انتجي على صدري لا توكفين هناك.. جر العصير وخلاه بيدي.. وبقى هو يشرب..

رفعتله عيني.. همستله شكد طولك..

-شلووووون

-طولك طولك شكددددددد

-هااااا طولي.. 193 سم.. ليش

-هيج..

-تركصيييين ويااااي

-لااااا هيج مرتاحه .. كمل شرب ولف اديه على خصري وهمس

:- انسي كل العالم حوالينا.. تخليلي فقط بس اني وياج هنا. وتعالي نستمتع..

-جر ايد ووكفنا بساحة الرقص.. وكفني برقصة سلو بس مسرع.. يجيبني منا ويوديني منا.. ممرتاحه ابد..

-همستله خل نكعد تعبت..

-شطلعت يا لجين..

-عفت ايده.. ورجعت اكو اماكن للكعده وقنفات داير مداير الديسكو.. رحت كعدت..اجه كعد يمي.. همستله مالك خ النرجع

-اووووه تره مو سهره سويتيها عليه سم..

-ممرتاحه شبيك.. طيب اني اروح

-صبر شوي ونطلع..

-طلب شرب مره ثانيه.. لعبت نفسي شلون مشكله هاي.. دا ادور وجهي.. شفت ناديه اجت .. بودي اصرخ يبووووووه بنص النادي واسكت صريخهم

وين ما اروح تلحكني.. الكلبه لابسه فستان قصير اسود لفوك ركبتها.. وعاري الادين وصدرها كله بارز.. وادور هي تارسه.. مو ضعيفه..

باوعتله هو ما منتبه.. حاط ايده وره ضهري ورجل على رجل وماسك الشرب بايده.. طلعت روحي من الوضع والله

اجت كباله.. وكفت.. انتبهلها.. ورجع باوعلي وابتسم وكأن ديوحيلي ان ما اهتم الها.. بس اني النار تفور بجسمي منها. رجلي تهز من التوتر..

كامت تتمايل كدامه وتمشي ايدها على جسمها برقص مثير.. باوعتله هو صفن بيها.. صحت مالك .. ما انتبه يباوعلها والابتسامه بانت عليه.. تعضله شفه وتركص وتلف على نفسها وتباوعله..

متحملت الموقف ابد.. شلت الشرب من ايده.. شمرته بوجهه... ومشيت منه بسرعه طلعت........يتبع

☆☆☆☆☆☆☆