كنت قاعدة في اوضتي الضلمة بسمع المزيكا زي كل يوم مفيش اي جديد..
ببص في الموبايل مستنية اي رسالة جديدة اي حاجة
بس مفيش..
فجأة سمعت صوت الواتساب و بشوف مين..
-ازيك يا ست البنات انتي وحشتيني اوي على فكرة اخبار يومك كان ايه
=تمام طول ما انت تمام..يعني يوم عادي زي اي يوم
-همممم.. طب ايه رأيك نخرج سوا جرا ايه القمر ده وحشني و نفسي اشوفه
=طيب البس يلا و ننزل دلوقتي
-البس ايه انا لابس اصلا يلا هعدي عليكي انا لسه هضيع وقت في اللبس انا
-تضحك ضحكة خفيفة-
=طيب يا استاذ اديني مستنياك اهو يلا تعالي
-5 دقايق و اكون عندك يا قمر انت..
بعد نص ساعة
-ايوة انتي فين؟
= انا في البيت اهو و نازلالك
- طيب يلا مستني تحت اهوو....
بعد دقيقتين
=جييتتت
-شكلك زي القمر على فكرة
=و من أمتي الحنية دي يعني يا عم احمد
-هو انا مينفعش اقولك كلمة حلوة كده ابدا لازم يعني تقلبيها بـ نكد يا مريم!!
= تبقاش قفوش كده يا اخي أنا بهزر..
هتاخدني فين بقي؟
-ملكيش دعوة تعالي معايا وخلاص يا ست قمر انتي
=اسمي مريم على فكرة
-امشي قدامي يبت كده امشي
و وصلنا كافية كده يعني هو حلو و قعدنا..احمد وشه كان قلقان اوي مكنش طبيعي مكنش عارف يجمع الكلام اصلا ، مش اول مرة اشوفه كده بس دي اكتر مرة اشوفه كده..
-مريم في موضوع كده عايز اتكلم معاكي فيه
=جواز و قولنا هنتجوز بعد ما نتخرج عايز ايه انت بقي
-جواز ايه يا ست انتي لا مش قصدي يعني..هو حاجة تانية
=خطوبة مثلا؟ تكونش عايز تخطبني
- هقوم و امشي كده
=خلاص خلاص قول انت عايز ايه
-هو في موضوع سيف الله يرحـ...
-تقاطعة بـ عصبية-
=احمد احنا اتكلمنا في الموضوع ده قبل كده و خلاص اتقفل سيف اخوك الله يرحمه مات منتحر و الموضوع عدا عليه اكتر من سنة انا مش فاهمة ليه انت مصمم تفتحه تاني انت كده بتتعب نفسك و بتتعب ابوك و امك معاك
-لا يا مريم ، سيف منتحرش و أنا متأكد من ده قلبي بيقولي أنه منتحرش
=مادام انت متأكد اوي كده أنه منتحرش امال هو هيكون مات ازاي!
-ماهو ده اللي انا عايزك فيه..
=....
-ممكن يا مريم تساعديني اعرف ازاي سيف مات
=انت بقيت مجنون فعلا
-انا مش مجنون انا عمري ما كنت كده انا مش مصدق أن اخويا مات و عايز اعرف مين اللي خده مني انا ساكت بقالي كتير بس مش قادر اكتم اكتر من كده يا مريم انا كل يوم بشوف سيف و بتكلم معاه من ساعة ما مات لحد دلوقتي.. انا شايفة دلوقتي وهو معانا دلوقتي يا مريم انتي مش مصدقاني ليه ليه انا مش مجنون والله ما مجنون
=طيب اهدي كده بس..انت قولت انك بتشوف سيف!
ازاي بتشوفه؟؟
-كل يوم قبل ما انام بلاقيه واقف في اخر الاوضة بيشاورلي على حتى معينة من الأرض..
و بيقول نفس الجملة كل يوم بـ صوت بشع لـ درجة انك تتخضي منه صوت مش مصدق أنه هو
كان بيقول "قُتِلتُ و قُتِلَتْ روحي هنا"
شكله مرعب بـ طريقة متتوصفش وشه كله دم و عينيه كلها شرار
كل يوم بشوفه والله يا مريم -تنزل دموع خفيفة-
صدقيني انا لازم اعرف ايه اللي حصله انا مش هقدر اسكت اكتر من كده مبقتش قادر استحمل اخر مرة جالي فيها امبارح قربت مني اوي لزق وشه في وشي و قالي بـ نبرة ابشع من دي
" جنى الجاني على المجني عليه إما أن تأتي بالثأر ام تصيبكم لعنتي جميعا"
و ضحك ضحكة انا مقدرش انام منها ابدا طول الليل هي في وداني مش عارف اعمل اي حاجة
ارجوكي يا مريم ساعديني
حسيت من كلامه أنه مش بيكدب اول مرة اشوفه بيعيط وهو بيتكلم ، و عشان كده..
= خلاص يا احمد انا قررت اني هساعدك
- بجد يا مريم بتتكلمي بجد
وشه فرح اوي كأنه كان خارج من اعدام
= أيوة بتكلم بجد هساعدك بس أمتي
- يلا دلوقتي ارجوكي
=يلا....
انتهي اول بارت..
يتبع..
DU LIEST GERADE
soul of the demon..
Actionعندما تفقد كل ما تحب..يسلب منك كل شيء سعيت للحفاظ عليه..عندما تحاول الانتقام و العبث بـ الثأر..عندما تشتاق لـ روح لم تعد موجودة و لن تستطيع ارجاعها بسبب عدم وجود سبب..هنا تحل اللعنة..لعنة روح الشيطان..⛓️!⚰️
