عشق شيوخ

البارت الرابع عشر

البارت الرابع عشر

شيخة صحيت من النوم ونزلت اتريك وابدل لان علي راح يجي حتى نعقد محكمة خالة ام سعيد  سوليلي ريوك
ام سعيد حاضر بنيتي
تريكت وصعدت ابدل لبست سترة حمرة وتنوره سوده وحذاء احمر  ولبست شال  اسود وحطيت  ماسكارا
وخليت مرطب واخذت العباية ونزلت
شوية وكالوا علي اجه لبست العباية وخليته على كتفي
مثل لشيوخ(😂😂😂)
وطلعت وشفته اويلي طالع يكتل لابس زي عربي

علي رحت حتى نعقد محكمة دخلت للبيتهم شوية وطلعت
انتظره يم السيارة ونفتح الباب وطلعت بكل غرور وطلعو اثنين من اخوته يمشون وراها
وصلت يم السيارة وسلمت عليه واحد من اخوته كال تحتاج نجي وياك كلت بكلبي قابل هي زفه كتله لا ميحتاج اخوه كاللهه اخذتي هويتج كالت اي صعدنه وعطره سطرني سطر   حركت السيارة وهي هادئة
حبيت افتح وياه موضوع عصام
علي شيخة
شيخة نعم
علي انتي ليش تركتي عصام
شيخة هذا الشي خاص
علي احس لازمه اعصابه حجيت وياه شنو يعني خاص
شيخة راح احجيلك بس مو هسه
علي لعد شوكت
شيخة بالوقت المناسب
شيخة علي
علي نعم
شيخة علي شلون ماتت حنين
علي بتنهيدة اه ماتت بليلة العرس الشباب يهوسون بالسلاح واجته رصاصة
شيخة اسفه انى ذكرت  ألله يرحمه
علي انتي مو صديقته
شيخة اي بس انى من خلصت جامعة تركت كل صديقاتي
علي وشنو السبب
شيخة مااريد شي يذكرني  بالجامعة وايامه
علي انتي بنت شيوخ غريبة كملتي دراسه
شيخة اني البنت الوحيدة اللى كملت من بنات عمي
حتى عمامي ولدهم واخوانى اعترضم انى اكمل بس بابا هو اللي اصر عليهم  انى اكمل
علي شكلج مدلله عند ابوج
شيخة اي انى وحيدته على تسع ولد
علي ماشاء الله
علي انزلي وصلنه
نزلت شيخة والكل يباوع عليه وهي تمشي بكل شموخ
كملت الاجرات وكعدنه ننتظر ومخنزر على رايح والجاي وهي ولا على باله تلعب بالتلفون
اجه دورنه وبدا القاضي يحجى هل توافقين مرتين الثالثة كالت نعم عقدنه وكملنه
وطلعنه وصعدنه بالسيارة اجاها اتصال
شيخة الوو هلو حبيبتي
سحر هلو شيخة شلونج لايكون زعلانه منى لان مارضيت تحجين على عامر ورشا
شيخة لاعادي عامر مثل اخوية ورشا هم مثل اختى
سحر دكيت حتى اعزمج على خطوبتي
شيخة بصدمة شنو ياخاينه منو سعيد الحظ
سحر شيخ لوئ
شيخة شنو شيخ لوئ نفسه
سحر اي
شيخة  متشوقة اشوفه اللى أخذ قلب خالتي 13سنة
سحر صوت سيارة
شيخة اني بالطريق جنت  اعقد بالمحكمة
سحر لازم تجين
شيخة اكيد اول المعازيم هذه خطوبة الشيخ لوئ
سحر هههه يله حياتي باي
شيخة باي
علي صافن عليهم شلون تحجي حركاته خبلتني
علي اليوم انتي معزومة عدنه
شيخة مااكدر اليوم خطوبة خالتي
ممكن اتأجله
علي بس ابويه اصر عليه انج تجين تتغدين
شيخة خلص راح اجي بس بعد الغدا لازم اروح احضر نفسي للحفلة
علي لاتخافين انى ارجعج ماتتأخرين
اتصلت على ماما وخبرته
علي يله وصلنه
نزلت شفت بيت كلش جبير مثل بيتنه  واكفين اثنين شباب
حاملين سلاح علي يمشي وانى امشي وراه
دخلنه البيت وفتنه للمطبخ والهلاهل طرشت اذاني والجكليت صار طشار تفججت من ورا الجكليت
دخلت وسلمت على عمتي  والبنات باركولي
وعمتي كالت تعالي سلمي على الجدة
رحت سلمت على جديت علي بست راسه
الجدة وضحة الف مبروك ما شاء اللة عرف يختار عليوي
شيخة انصدمت من شفته صح جبيرة بس بعده بحيله حلوه عيونه رصاصي جدو هم يعرف يحب😂😂😂
الكل راح ملتهين بالغدا
ضليت انى والجدة
شيخة طلعتي احلى من ماتصورت
الجدة وضحة  ليش منو حاجيلج عني اكيد عليوي
شيخة لا شخص اخر واحد تتوقعيه
الجدة وضحة بدون لف ودوران
شيخة جدي
الجدة جدج وشمعرفه بيه

شيخة جدي الشيخ سلمان ال.....
الجدة وضحة بصدمة 
شيخة حجالي عنج
الجدة وضحة شنو حجالج
شيخة حجالي من عشكج واجه خطبج وابن عمج ناهي عليج حجالي لمن جنتي تروحين انتي وبنات عمج تجيبن ماي من النهر
الجدة وضحة اه ذكرتيني بعز شبابي انى هم جنت احبه  بس النصيب
شيخة جدي وصاني وصيه
الجدة وضحة شنو هي
شيخة يريد يشوفج ولو مره جدو متعذب من ورا عشكه الج يكول تزوجت سبعة نسوان بس مو مثل حبيبتي
الجدة وضحة  سبعة ماقصر
شيخة هههههه
شيخة انى راح اسوي حنه وانتي تجين تحنيني   محد يحنيني غيرج
الجدة وضحة ان شاء الله  تعالي اكعدي يمي تعالي

احبج (يعني  ابوسج)
علي وهو يدخل ما شاء ألله 28سنة عمرج مابستيني
وشيخة ماصارله ساعة وبديتي تبوسيه
شيخة وهي تشاور الجدة لان انى من ريحة الغالي
الجدة وضحة وهي تضحك روحي اكعدي يم رجلج

علي دخلت لكيت جديتي حاضنه شيخة معقولة جديتي
حبت احد مااصدك

شيخة دخل عمو باس راسي وكال مبروك يابنيتي  انتي من هالحظة انتي بنتي
ودخلم اخوان علي وباركولي بس مصدومين لاني حلوه😳
شيخة فرشم السفرة وكعدنه  ناكل
وبدت السوالف والضحك والتحشيش
حنان  شيخة انتي منو سماج شيخة وشنو سبب اسمج
شيخة بابا سماني لان قبل ماانولد بساعة بابا استلم المشيخة من جدو وبابا كال راح اسميه شيخة لان راح تكون شيخة البنات
ايمان ليش انتي وحيدة اهلج
شيخة اي اني على تسع ولد
اسامة اخو علي اكلج خيتي  يعني ماكو وحده تشبهج تخطبيه اللى
شيخة مع الاسف جانت اكو وحده وبعد ساعتين خطوبته
اسامة حظي واعرفه
الجدة بس عليوي حظة حلو مريته ليشوفه خاطفه من الجنة
علي جدة اكول منو صايبني بعين طلعتي انتي
الكل يضحك   كملنه غدا علي كال يله شيخة اوصلج
عمتي وين بعد وكت كتله لا خالة خالتي اليوم خطوبته وتاخرت اذا هيج لازم تروحين الله وياج
سلمت علبنات وطلعنه  هو يسوق كال انى اوصلج للخطوبة
شيخة لا لازم اروح اجهز نفسي
علي انتي مو جاهزة
شيخة لازم البس فستان ماروح بهيج ملابس
علي😏 خوما فاضح الفستان 
شيخة اكيد
علي لعد ماكو روحه
شيخة شنو لا مستور راح البس اللى لبسته يوم العقد
علي والظهر كله طالع
شيخة امري ألله راح البس مستور
علي تره عندي عيون جوه الحفلة اشوفج شنو لابسه
شيخة والله راح البس مستور
علي يله وصلنه

انتهى البارت.هذا البارت طويل لعيونكم الحلوة
للكاتبة ياقوتة الانبارية😘