صباحكم ورد وود حبايبي
جمعتكم طيبه ومباركه 😊😊😊البارت اليوم. انا مدوخني اصلا
فـــ دوخوا وياي 😉😉اول شي اكولكم اشلون بيكم اذا صارت هاي السالفه صدك بعدين وين الكيكم😭😭😭
منيلكم فيزا كارت يعني تضيعون الا من رحم ربي 😂😂😂😂
بسمار عالماشي ... يكلك مستحب يوم الجمعةاكو مدينة تحتاج جسر فجمع الملك التجار وتبرعوا وبنوا الجسر ، الناس فرحت وصارت تعبر مرتاحة بس بقه واحد من يريد يعبر يخلي ملابسه على راسه ويعبر سباحة واستمر على هاي الحالة شتة وصيف تعجبت الناس فراحوله فد يوم وگالوله : انت مخبل الجسر موجود وتعبر سباحة بالصيف بسيطة بس بالشتة خاف تموت من البرد !! فگاللهم اموت من البرد ولا أشارككم بالحرام لأن أعرف واحد من التجار الي تبرعوا فلوسه حرام واذا اعبر وياكم يعني شاركت بالحرام . فوصل خبره للحاكم فگال اتركوه هسة يمل ويعبر على الجسر ، بس صاحبنة استمر عشرين سنة على هاي الحالة فتعجب الحاكم من هذا الرجال ونزاهته وصبره وايمانه ، دز عليه وگاله : راح اسلمك بيت المال لان چذب الگة بامانتك عشرين سنه شابع اذيهة على مود جسر بفلوس بنيانه حرام !! استلم صاحبنة اليستحرم بيت المال وماكو ايام واذا الاخبار توصل للحاكم يابه ترة صاحبك صار تاجر ومن اصحاب الاملاك ويبوگ بأديه ورجليه !! دز عليه الحاكم وگاله : شيخنة شنو السالفة هسة گلنة تبوگ بس على كيفك شو من اولهة العالم عرفت بيك حرامي .
فجاوبه : مولاي اريد اطلّع تعب مال عشرين سنه
مولاي ابو ابوي انسمط وتحملت كلشي وصار
عشرين سنة اسبح بيهه شتة وصيف وجلدي صار ازرك جا غير حتى اقنعكم واصير أمين على بيت المال .رباط سالفتنة ...
الجماعة الي اجونة محزمين حزام وطلعو الفرق مال 100 سنة واكو ناس من تحجي عليهم يكلك :
يمعود اسكت لايكلبهه الله بينه ...؟!!
أنت تقرأ
سلفة ام 100
الفكاهةحياكم وبياكم اعزائي حبيت اسويلكم كتاب جديد ننجمع بيه وراح يكون شامل لكل شي يعني حتى سلفه راح نسوي 😉😉 الي يريد يشارك بسلفه اوووو قصدي بلكتاب يسعدني ويفرحني تحيتي تسبقها مودتي لجنابكم 🌹🌹🌹🌹🌹🌹 اموت على ربكم الخلقكم 😘😘😘😘