رحلة حب

رحلة حب (البارت11)

البارت 11"رحله الحب"
اميرة لقت رساله عندها
يوسف:روحتي
اميرة:لا لسه في الطريق الطريق اشارات وقف رهيبه
يوسف:يا شيخه طب استرجلي و اشربي بريل و خديها جري للبيت
اميرة:ايه ياض خفه الدم الي تشل ده
يوسف:ههههههههههه طول عمري
اميرة:طب غور ياض من هنا هرش ميه
يوسف:بجد اصل الجو حر و اهي تراوه
اميرة:يخربيت رخامتك
يوسف:ماشي يا ستي شكرا
اميرة:اممممم و انت بقي روحت و لا الطريق سريع
يوسف:اها روحت
اميرة:امممم و هتذاكر
يوسف:معنديش مزاج متعصب شويه بس هي نص ساعه بالظبط و كل حاجه هتبقي تمام اظن
اميرة:و ايه الي يعصبك
يوسف:علي اساس انك مش تعرفي
اميرة:"ببراءه":ويبنا ابدا ما اعرف حاجه
يوسف:اممممم طيب لما تعرفي ابقي كلميني
اميرة:بطل غلاسه بقي و قول و كمان تعلالي انا نسيت اقولك حاجه مهمه جدا كنت عايزة اقولك عليها
يوسف:في ايه
اميرة:ايه البلوه السوده الي الي انت عملها فيا ده
يوسف:وربنا ما عملت حاجه في ايه دا انا لسه مصالحك بيصعب عليكي نتكلم و لا ايه
اميرة:ايه العقد الي انت جيبهولي دا
يوسف:ماله مش عجبك
اميرة:لا عجبني و عجب ماما اوي
يوسف:مين ماما
اميرة:بفرجها علي الاكسسوارات الي جبتها لقيته قالتلي بكام قولتلها ب 60 جنيه تقولي انتي هتستعبطيني يلا انت جبته بكام
فضل يوسفيضحك كتير جدا
يوسف:60 جنيه يا اميرة
اميرة:انا كنت فكراه اكسسوار عادي لقيت ماما بتقولي فضه و فيروز اصلي و حاجات عجيبه كدا ايه اصل البتاعه دا
يوسف:مش مهم هو بكام و لا اصلي و لا لأ المهم انه معاكي دلوقتي بس الموضوع دا زعل ماما و لا حاجه
اميرة:زعل ماما يا استاذ انا مش هخرج خالص طول الاجازه بسببه
يوسف:يا نهار ابيض انا مكنتش متخيل انه هيعمل كل دا انا كنت عايز اجبلك اي حاجه ذكرة من هناك تفتكري المكان و تفتكريني بيها بس مكنتش متخيل انه هيحصلك مشاكل بسب كدا يا ريتني جبتلك حاجه صغيره بس مامتك صعبه اوي يا اميرة
اميرة:ماما مش صعبه و لا حاجه ده طيبه جدا بس مش بتحب حد يكدب عليها و الصح صح و الغلط غلط و انا فعلا مش قولتلها عليه عشان كدا عاقبتني
يوسف:للمرة التانيه يا اميرة بأذيكي من غير قصد و قال انا الي زعلان منك
اميرة:و لا يهمك المهم بس انت زعلان مني ليه
يوسف:هو دا الي همك يعني مش زعلانه مني بسبب الي حصل
اميرة:يا عم خلاص بقي بتكبر المواضيع ليه احنا هنفضل نزعل طول العمر و لا ايه
يوسف سكت شويه
يوسف:انتي قلبك ابيض اوي انا عمري ما قبلت حد كدا
اميرة اتلخمت و مبقتش عارفه ترد و بعد شويه
اميرة:متغيرش الموضوع قول انت زعلان من ايه
يوسف:اه ه ه ه ه.....تصدقي نسيت مش مهم
اميرة:لا مهم قول
يوسف:انتي شايفه كدا
اميرة:اها طبعا
يوسف:يعني زعلي يهمك
اميرة اتكسفت جدا :علي فكرة انت طولت جدا في الشات و انت وراك ثانويه عامه يعني بطل فشل و روح ذاكر
يوسف:يعني مش بقيتي عايزة تعرفي
اميرة:الثانويه العامه اهم طبعا
يوسف:بس انا بقي مصمم اقولك عشان مش تعملي كدا تاني
اميرة:طيب قول
يوسف:اولا لما جيت اجبلك الهديه قعدتي فترة طويله عقبال ما قبلتيها مني و تقريبا احرجتيني قدام الكل بس قولت مش مهم عشان انتي كنتي زعلانه مني بس الي مش عادي يا هانم ان اول ما يديكي حمزة الورده تقبليها بكل سهوله ثم تقبلي منه حاجه ليه او من غيره يكفيه الاعتذار بس و خلاص الموضوع خلص
ضحكت اميرة في سرها
اميرة:مكنتش اقصد و الله
يوسف:مفيش حاجه اسمها اقصد او لأ في حاجه في حاجه اسمها متقبليش من اي حد اي حاجه
اميرة:بس انا قبلت منك
يوسف:انا حاجه تانيه
اميرة:يعني ايه حاجه تانيه
يوسف:مش هتفهمي دلوقتي مع الوقت هتفهمي
اميرة:قصدك اني غبيه
يوسف:لا مش قصدي
اميرة:يبقي مش بفهم
يوسف:الله يخربيتك بردو مش قصدي
اميرة:امال بقي
يوسف:بصي انا ورايا ثانويه عامه و عايز اذاكر
اميرة:اهرب اهرب ماشي دا انت ليلتك سودا
ابتدأ كل الشباب مذاكرة و البنات كانوا بيتكلموا علي الشات الخاص بالبنات فقط
يوم من الايام لقوا ان مالك و مروان فاتحين
مالك:ازيكوا يا بنات
مروان:ليكوا وحشه وربنا
بسمه:اقفلوا
هدير:هو الدرس مكتوب هنا و لا ايه
رامز:طب ممكن ادخل انا
ميار:اقفل ياض منك ليه
مراد:انتوا كدا بتفصلونا وربنا
يارا:روحوا ذاكروا
الشباب:يا جماعه احنا بنرفه عن نفسنا
حمزة:ايه الهدوء الرهيب دا و ايه العصافير الي بتصوصو دول خايفين عليهم يا عصافير روح ياض منك ليه علي مذاكرتكوا
هبه:و انت مالك ايه الي دخلك في الي ملكش فيه
حمزة:ايوا كدا امال لسان طويل ظهرت انا قولت عربيه خبطتها دهسها قطر كدا يعني
هبه:الهي 100 قطر يعدوا فوقيك يا مفتري
حمزة:انا بردو الي مفتري
هبه:غور ياض
هدير:خلاص يا هبه
ميار:ايه يا جماعه انتوا مش تشوفوا بعض الا لو مسكتوا في بعض
حمزة.هبه:احنا كدا بقي
مالك:غور ياض و كل واحد علي مذاكرتوا
هاجر:و الله برافوا عليهم مصطفي و يوسف هما الاتنين الي مش فتحوا
اميرة:اكيد بيذاكروا مش زي الفشله الي معانا علي الشات
مروان:لا يا ستي دول لازم ينحتوا الكتب نحت عشان هيكملوا حامعتهم في المانيا وش
اميرة "بعد ما سكتت شويه":المانيا
هاجر:ايوا بقي المانيا و كدا
حمزه:الاتنين هيضيعوا مننا كدا
مالك:لا يا اخويا دول رايحين عشان الدراسه مش للصياعه
حمزة:طب مش ياخدوني معاهم
هبه:عشان تشوه صورة مصر هناك اما انت مشوها هنا
رامز:و النبي ما تتخانقوا
يارا:بس هو مش قالنا انه رايح يعني
مروان:انا لسه عارف امبارح كنت معاه في الدرس و قالي
اميرة:ربنا معاه انا هقفل بقي يا جماعه عشان هنام عايزين حاجه
الكل:لا تصبحي علي خير
هاجر:يلا كل واحد يقفل
الشباب:ماشي عايزين حاجه
البنات:لا
اميرة "بعد ما قفلت":هو مش قالي ليه...........طب هو يقولي ليه
ده حياته و هو حر فيها
لا مش حر انا مش صديقته يبقي المفروض كان يقولي
بس عادي يعني اكيد نسي
الواطي ينسي يقولي دا ليلته طين
عادي جدا علي فكرة انا مش عارفه ليه شاغل دماغي
يوووووه يروح في اي حته انا مليش فيه
و لا ليه فيه
عدا اليوم كانت اميرة بتفتح تشوفه فتح و لا لأ ظملقتوش فتح تقوم قافله كان الشباب ساعتها بدأوا يذاكروا بجد
ليله اول امتحان
لقت رساله منه من ضمن الرسايل
يوسف:اميرة
تجاهلت الرسايل التانيه و ردت عليه
اميرة:ايه الي خلاك تفتح دلوقتي ده ليله امتحانك
يوسف:الحمد لله انك فاتحه قلقان شويه قولت اكلم حد بطمنله عشان يخفف توتري
اميرة:متقلقش و ان شاء الله هيكون الامتحان سهل
يوسف:لسه قلقان بردو
اميرة:انت مش ذاكرت كويس و عملت الي عليك
يوسف:اها
في اللحظه الشباب كلهم كانوا فاتحين و البنات
حمزة:يا عم يوسف انت فاتح و مش عايز تكلم
يوسف"للخاص":اميرة انا مش عايز اكلم حد غيرك بصي الصبح قبل ما انزل هفتح اكلمك خليكي صاحيه
اميرة:اوكي ماشي
في الشات
هاجر:خير يا جماعه مش تقلقوا
مصطفي:ما انتوا لو كنتوا ثانويه عامه مكنتوش هتقولوا كدا
هدير:بما اننا يعني مش هتشرفنا السنه الجايه و لا ايه يعني يعني
رامز:انا خايف يا جدعان
ميار:متقلقش يا ابني و كل حاجه هتبقي كويسه
حمزة:انا عن نفسي مش فارقه معايا خالص
هبه"طبعا لهوا نت بتحس عشان تفرق
مروان:يا لهوي اقفلوا كلكوا و كل واحد يكمل مذاكرة او يتخمد
الشباب:ماشي
البنات:سلام
الكل قفل و اميرة قعدت تتفرج علي مسلسل عشان تفضل صاحيه رغم انها كانت هتموت و تنام بس كانت مستنيه يوسف
يوسف:مكنش عارف ينام خالص كان متوتر لدرجه رهيبه لغايه ما جت الساعه 5 الفجر قام صلي الفجر و ركعتين استعانه بالله و جهز نفسه و لبس و ركب اول دورة للباص الساعه 6.10 و فتح الفيس و هو في الباص
يوسف:لسه صاحيه و لا نمتي
اميرة: صليت الفجر و استنيتك
يوسف:و انا كمان صليت الفجر و حضرت حاجتي و نزلت و لسه فاتح
اميرة:بدري كدا
يوسف:لان اان لما بقلق مش بعرف اقعد في البيت
اميرة:انتوا كلكوا مع بعض
يوسف:ازاي يعني انا من اخر اللجن انا و مروان
اميرة:ها الحمد لله قلبنا كدا جمد و هنتوكل علي الله
يوسف:ان شاء الله عايزك مش تبطلي قراءة قران و لا دعا لغايه ما ارجع
اميرة:طب انا عايزة انام
يوسف:مفيش نوم يا ماما يعني انا امتحن و انتي تنامي ايه مفيش مسؤليه خالص ايه دا
اميرة:منمتش من امبارح يا يوسف
يوسف:يعني انا الي نمت ما انا كمان مطبق
اميرة:طب انا ذنبي ايه
يوسف:مش صحاب و لازم نساند بعض
اميرة:الصحوبيه ده هتيجي عليا بالضرر و لا ايه
يوسف:المهم اختمي القران كله عقبال ما اجي
اميرة:وربنا انت بتهرج
يوسف:يعني دا قليل عليا
اميرة:متقلقش مش هتصعب عليا
يوسف:دا انتي رخمه صحيح بردو هتفضلي
كان ساعتها الشباب ركبوا الباص
رامز نط علي يوسف:بتعمل ايه يا جو ها
مروان:بتكلم مين الصبح دا انت مش بطيق حد قبل الامتحان
يوسف:اميرة هكلمك قبل ما ادخل الامتحان
اميرة:طيب
مروان:مين بقي ها ها
يوسف:غور منك ليه ابو شكل كل واحد
حمزة"اخر واحد طلع لقاهم متلمين علي يوسف":خير في ايه
رامز:ابدا يا عم الكل عارف ان جو مش بيطيق حد الصبح و خاصتا قبل الامتحان قفشته متلبس بيكلم حد علي الفيس و مش عايز يقول هو مين
حمزة:اراجل لا مصدقش
مروان:الجريمه حصلت قدامنا احنا كلنا
حمزة:خلاص يا جماعه سيبوا الواد في حاله مش يمكن يكون بيكلم ........
يوسف:انت عيل بارد انت و الكل
الشباب:هههههههههههههههههه
مالك:هيحصل حاجه يعني لو قولت مين الي كنت بتكلمها
يوسف:ايش عرفكوا انها بنت
حمزة:كملوا يا جماعه هيقع بلسانه و يقول هي مين
مراد:خلاص بقي كل واحد يقعد عشان يتنيل يذاكر
حمزة:انا عادي
مصطفي:و انا حفظت تقريبا الي كتب الكتب
مروان:و انا كمان واثق اني مذاكر كويس
يوسف:انا بقي عايز اذاكر اوعوا كدا"قام من علي كرسيه و قعد في كرسي غيره"
حمزة"قرب عليه":و النبي يا جو سلملي عليها و خليها تدعيلي
يوسف:امشي يلا
حمزة:اصل قلبها ابيض اوي يا جو يمكن دعوتها تطلع للسماء
يوسف"بصوت عال":غور ياض دا انت ليلتك سودا بس لما نخلص
حمزة مشي من قداه و هو بيضحك
وصلوا و قبل الامتحان فتح
يوسف:اميرة الامتحان خلاص هيبتدي روحي نامي بقي
اميرة:لا هستناك مش الامتحان هيخلص بعد 3 ساعات
يوسف:اها
اميرة:توكل علي الله و انا هدعيلك
يوسف:يارب انا هقفل عشان اكلم ماما قبل ما ادخل
اميرة:ماشي ربنا معاك
"عاده يوسف انه يكلم مامته قبل الامتحان"
"عند مالك"
بسمه:متقلقش و ربنا هيكون معاك
مالك:ادعيلي يا بسمه
بسمه:اقرأ قران قبل ما تدخل و انا هدعيلك من هنا
مالك:هتنامي
بسمه:لا هستناك لحد ما تطمني عملت ايه
مالك:ربنا يخليكي ليا يارب
بسمه:يلا بقي مش بقي وقت طويل روح لللجنه
مالك:ماشي
"عند مروان"
هدير:متقلقش و ركز وربنا هيكون معاك
مروان:يارب يا هدير
هدير:اقرأ قرأن قبل ما تفتح الورقه وربنا هيسهلها
مروان:ان شاء الله هتستانيني و لا لأ
هدير:اكيد طبعا مش هرتاح غير لما اعرف عملت ايه في الامتحان
مروان:اوكي انا هقفل بقي عشان خلاص هبتدي
"عند رامز"
رامز:ادعيلي يا ميار
ميار:ربنا معاك بس انت مش تقلق و لا تتوتر و كل حاجه هتبقي تمام
رامز:انا مش كلمتك قبل الامتحان يبقي كل حاجه هتبقي تمام ان شاء الله
ميار:اه احم روح بقي للجنتك عشان الوقت خلاص
رامز:اوكي
"عند مراد"
يارا:ربنا معاك
مراد:يارب يا يارا
يارا:خير ان شاء الله و لما تخلص تطمني
مراد:حاضر
بعد ما الشباب دخلوا الامتحان
كل بنت كانت بتقرا قران و بتدعي لكل واحد
بعد 3 ساعات خرج الشباب و هما مبسوطين و طمنوا البنات
عدت المواد كلها علي هذا المنوال و جه اخر يوم كان كيمياء عرفوا البنات ان الامتحان كان صعب عليهم و كانوا متجمعين عند اميرة
هدير:يا بنات انا عرفت ان امتحان الكيمياء زفت
بسمه:انا بردو سمعت كدا
اميرة:يادي النيله متقلقوش هيبقي كويس ان شاء الله
هاجر:اها هما بيذاكروا كويس فبالتالي الامتحان هيبقي سهل
البنات:يارب
بعد ما خلص الامتحان
يارا:هما مش طمنونا زي كل مرة ليه
اميرة:و النبي ما تقلقينا اكتر ما انا قلقانه
بسمه:طب ايه
هبه:طب بيه هههههههههههههه
البنات:مش وقت هزار يا خفه
اميرة:حد معاه رقم فون اي واحد منهم
الكل:لا
بسمه:استنوا لحظه انا معايا رقم مالك بس مش اتكلمت معاه خالص
اميرة:طب كلميه و طمنينا
بسمه:لا هتكسف
اميرة:اكلموا انا هاتي الرقم
مسكت الفون و اتصلت علي مالك
كان الشباب كلهم متجمعين عشان كانوا مضايقين و يراجعوا علي الامتحان
مالك:الو
مالك:اميرة مين
يوسف باصص :مين يا مالك
مالك:اميرة الي كانت معانا في شرم
اميرة:ايوه عملت ايه في الامتحان
مالك:كان صعب و الله يا......
شد يوسف الفون من مالك
يوسف:ايوه يا اميرة شويه و هكلمك و اطمني كان كويس
اميرة:انا عايزة اطمن عليكوا يا يوسف مش تقلقني
يوسف:اقفلي دلوقتي قولتلك كان كويس و الحمد لله
اميرة:طيب ماشي سلام
يوسف:نقل الرقم علي موبيله و مسحه من عند مالك
مالك استغرب و سكت
الشباب بصوله
يوسف:مش عايز كلام خلينا نركز في الي احنا فيه
عند البنات
بسمه:ايه بقي عملوا ايه
اميرة:قالي كويسين
البنات:بس انتي كنتي بتكلمي يوسف
هبه:دا فون مالك و لا يوسف
اميرة حكت الي حصل
البنات:هههههههههههههههههه
اميرة:بتضحكوا علي كسفتي و قله الذوق الي عملها وربنا بتستعبطوا
هدير:يا حمارة بيغييييييييير
ميار:ايوا بقي
اميرة:بطلي قله ادب يا بت منك ليها
و بعد عشر دقائق فون اميرة رن و كانت نمرة غريبه
اميرة:الو مين معايا
يوسف:دا انا يوسف
..............................................
طويل اهو بس تفتكروا جو عمل ايه في اميرة