#النوك_الحمر
بقلم مريم السعدي
٤______٥
#النوك_الأحمر
بقلم مريم السعدي
#بارت٤
ﻳﺲ - ﻋﻔﺘﻬﻢ ﻻﻥ ﻣﻠﻠﻮ ﻣﻨﻲ ﻛﺎﻣﻮ ﻣﻴﺪﺯﻭﻥ ﻋﻠﻴﻪ . ﻟﻌﺒﺖ ﻧﻔﺴﻲ ﻣﻦ ﺍﻟﺒﻴﺖ ﺭﺩﺕ ﺍﺷﺘﻐﻞ ﻭﺍﻧﺎﻡ ﻭﺍﻛﻌﺪ ﺑﺲ ﺍﺭﻳﺪ ﺍﻟﻌﻄﻠﻪ ﺗﺨﻠﺺ ﺣﺘﻰ ﺍﺩﺍﻭﻡ ﻛﻠﻴﻪ ﻭﻓﻌﻼ ﻟﻜﻴﺖ ﺷﻐﻠﻪ . ﻣﻜﻮﻱ ﻭﻧﻨﻪ ﺗﺨﺒﻠﺖ
ﺷﻮﻥ ﻭﻭﻳﻦ ﻭﺷﻤﺪﺭﻳﻨﻲ ﺍﻟﻮﻟﺪ ﺑﻲ ﺧﻴﺮ ﻣﺎﺑﻲ ﺧﻴﺮ
ﻟﺞ ﻳﻤﻪ ﺧﻠﻴﻨﻲ ﺍﻃﻠﻊ ﺩﺍﺍﺣﺲ ﺭﻭﺣﻲ ﺑﻌﺪ ﺟﻢ ﻳﻮﻡ ﺍﺣﺒﻞ
ﺧﺮﺑﺖ ﺿﺤﻚ ﻭﺑﻘﺖ ﺗﺒﺎﻭﻉ ﺑﻮﺟﻬﻲ ﺷﺎﻓﺘﻨﻲ ﻋﺼﺒﻲ ﻣﺪﺍﺍﺿﺤﻚ ﻛﺎﻟﺖ
ﺍﺧﺎﻑ ﻋﻠﻴﻚ ﻳﻤﻪ ﻭﺩﺍﻋﺘﻚ ﻣﺎﻋﺪﻱ ﻏﻴﺮﻙ
ﻟﺘﺨﺎﻓﻴﻦ ﻧﻨﻪ ﻫﻮ ﻛﻠﻪ ﺍﻟﺪﻭﺍﻡ ﺏ٧ ﺍﻟﻤﻐﺮﺏ ﺍﻧﻲ ﻳﻤﺞ
ﺧﻮﺵ
ﻭﻓﻌﻼ ﺩﺍﻭﻣﺖ ﻭﺍﺑﺪﻋﺖ ﺑﺎﺧﻼﻗﻲ ﻛﻠﻬﺎ ﻛﺎﻣﺖ ﺗﺤﻠﻒ ﻭﺍﻧﻌﺮﻓﺖ ﺑﺎﻟﺴﻮﻙ ﻛﻠﻬﺎ ﻛﺎﻣﺖ ﺗﺼﻴﺢ ﻳﺎﺳﻴﻦ ﺍﻻﺷﻴﻜﺮ . ﻭﻻﻧﻨﻲ ﺧﺪﻭﻡ ﻣﺎﺭﺩ ﺍﺣﺪ ﻛﻬﺮﺑﺎﺋﻴﺎﺕ ﺍﻋﺮﻓﻬﺎ ﺍﻟﻠﻪ ﻳﺮﺣﻤﻪ ﻋﻤﻲ ﻋﻠﻲ ﺑﻮﻛﺘﻬﺎ ﻋﻠﻤﻨﻲ ﺑﻮﺍﺭﻱ ﺷﺪ ﺩﻛﺴﻦ ﻛﻠﺸﻲ ﺗﻌﻠﻤﺖ ﻋﻠﻴﻪ ﻛﻠﺴﺎ ﺻﺎﻳﺤﻴﻦ ﻋﻠﻴﻪ
ﻓﺪﻭﻩ ﺑﺲ ﺷﻮﻱ ﺳﻮﻱ ﻫﺎﻟﻮﺍﻳﺮ ﻓﺪﻩ ﺑﺲ ﻫﺎﻱ ﺍﻟﺠﻮﺯﻩ ﻃﻜﺖ ﺑﻠﻪ ﺯﺣﻤﻪ ﺑﻠﻜﻦ ﺗﺴﻮﻳﻠﻨﺎ ﺍﻟﺒﻮﺭﻱ
ﻭﻋﻠﻰ ﻫﺎﻟﺮﻧﻪ
ﻣﺠﻨﺖ ﺍﻛﻮﻝ ﻻ ﺍﺑﺪ ﻭﺑﻴﻬﻢ ﺍﻟﻴﻨﻄﻴﻨﻲ ﻋﻼﻭﻩ ﻭﺑﻴﻬﻢ ﺍﻟﻴﻜﺘﻔﻲ ﺑﺮﺣﻤﻪ ﻋﻠﻰ ﺫﺍﻙ ﺍﻻﺏ ﺍﻟﻄﻴﺐ ﻭﺑﻴﻬﻢ ﺍﻟﻠﻲ ﺣﺘﻰ ﺍﺧﺠﻞ ﺍﺧﺬ ﻣﻨﻪ ﻻﻥ ﺍﻟﺤﺎﻟﻪ ﺻﻌﺒﻪ ﺣﺼﺎﺭ ﻭﺍﻟﻨﺎﺱ ﻣﻴﺘﻪ ﺟﻮﻉ ﻭﻛﺎﻣﺖ ﻛﻞ ﻓﺘﺮﻩ ﻳﺪﺯﻭﻥ ﺻﻮﺍﻧﻲ ﺍﻛﻞ ﻟﻠﺒﻴﺖ ﻋﺎﻟﺨﺪﻣﻪ ﺍﻟﺴﻮﻳﺘﻬﺎ ﻟﻮ ﻓﺎﻛﻬﻪ ﻭﻧﻨﻪ ﺗﺘﺨﺒﻞ
ﻟﻴﺶ ﺩﻳﺪﺯﻭﻥ ﺷﻨﻮ ﻗﺎﺑﻞ ﺟﻮﺍﻋﻪ ﻭﺍﻓﻬﻤﻬﺎ ﺗﺒﻘﻰ ﺻﺎﻓﻨﻪ ﺑﻮﺟﻬﻲ ﻭﺗﺮﺩﺩ
ﻧﻌﻢ ﺍﻟﺘﺮﺑﺎﻳﻪ ﻳﺎﺭﻭﺡ ﺍﻣﻚ ﺍﻧﺖ
ﺟﻨﺖ ﻛﻠﻤﺎ ﺍﻛﺒﺮ ﻛﻠﻤﺎ ﺍﺣﺲ ﺭﻭﺣﻲ ﺍﺣﺘﺎﺟﻬﺎ ﺍﻛﺜﺮ ﺍﺳﺘﻐﻞ ﺍﻱ ﻓﺮﺻﻪ ﺍﺣﻀﻨﻬﺎ ﺑﻴﻬﺎ ﻭﻫﻲ ﺣﺒﻴﺒﺘﻲ ﻣﺘﻘﺼﺮ ﺗﻠﻤﻨﻲ ﺟﻨﺖ ﺩﻭﻡ ﺍﻓﻜﺮ ﻟﻮ ﻋﺎﻳﺸﻪ ﺍﻣﻲ ﻫﻞ ﺭﺍﺡ ﺍﺣﺒﻬﺎ ﺑﻜﺪ ﻣﺎﺣﺐ ﻧﻨﻪ ﻫﻞ ﺭﺍﺡ ﺍﺧﺎﻑ ﻋﻠﻴﻬﺎ ﺑﻤﺪ ﻯ . ﺧﻮﻓﻲ ﻋﻠﻪ ﻧﻨﻪ ﻛﻞ ﻫﻤﻲ ﻫﻲ ﻭﺷﺎﺷﺘﻐﻞ ﺍﻓﻜﺮ ﺷﻨﻮ ﺍﺟﻴﺒﻠﻬﺎ ﺑﻲ ﻭﻫﻲ ﺗﺘﺨﺒﻞ ﻟﺘﺼﺮﻑ ﺍﺟﻤﻊ ﻟﺠﺎﻣﻌﺘﻚ . ﻭﻓﻌﻼ ﻟﺰﻣﺖ ﺍﻳﺪﻱ ﺑﻬﺎﻟﻔﺘﺮﻩ ﻭﺭﺟﻌﺖ ﻛﻮﻧﺖ ﺷﻠﻪ ﺛﺎﻧﻴﻪ ﻣﻦ ﺷﺒﺎﺏ ﺍﻟﺴﻮﻙ ﻫﺎﻟﻤﺮﻩ ﻧﺎﺱ ﺛﻜﺎﻝ ﺍﺻﺤﺎﺏ ﻣﺤﻼﺕ ﺻﺎﻏﻪ . ﺑﻴﻬﻢ ﻭﺑﻴﻬﻢ ﺍﺻﺤﺎﺏ ﻣﻜﺎﺗﺐ ﺻﻴﺮﻓﻪ ﺟﻨﺖ ﺍﺳﻮﻳﻠﻬﻢ ﺧﺪﻣﻪ ﻟﻮ ﺍﺻﻠﺢ ﻗﻔﻞ ﺑﺎﺏ ﻟﻮ ﺑﻮﺭﻱ ﻃﺎﻙ ﻟﻮ ﺍﻋﺪﻝ ﺭﺻﻴﻒ ﻣﺤﻔﺮ ﻭﻛﺬﺍ ﻭﻛﻤﺖ ﺍﺗﻘﺼﺪ ﻣﺎﺍﺗﻘﺎﺿﻰ ﺍﺟﺮ ﺍﺗﺬﻛﺮ ﻛﻼﻡ ﻋﻤﻲ ﻋﻠﻲ ﺍﻟﻠﻪ ﻳﺮﺣﻤﻪ
ﺍﺷﺘﺮﻱ ﻋﺎﻟﻢ ﺑﺎﺧﻼﻗﻚ ﻳﻮﻛﻔﻮﻟﻚ ﺑﻌﺎﺯﺗﻚ
ﻛﻞ ﺧﻮﻓﻲ ﻻ ﺗﻔﺮﻧﻲ ﺍﻟﺪﻧﻴﺎ ﻭﺍﻋﺘﺎﺯ ﺍﺣﺪ ﻭﺩﺍﻭﻣﺖ ﺟﺎﻣﻌﻪ ﻭﺑﺪﺕ ﺣﻴﺎﺗﻲ ﺍﻟﺠﺪﻳﺪﻩ ﻧﺎﺱ ﻣﻦ ﻛﻞ ﻣﻜﺎﻥ ﻣﺤﺎﻓﻀﺎﺕ ﻣﻦ ﻛﻞ ﺍﻟﻌﺮﺍﻕ ﻣﺠﻤﻮﻋﻴﻦ ﺑﻔﺪ ﺟﺎﻣﻌﻪ ﺗﻌﺮﻓﺖ ﺗﻘﺮﻳﺒﺎ ﻋﻠﻰ ﻧﺺ ﺍﻟﺠﺎﻣﻌﻪ ﺍﻟﻔﻘﻴﺮ ﻭﺍﻟﻐﻨﻲ ﺻﺎﺣﺐ ﺍﻟﺴﻴﺎﺭﻩ ﻭﺍﻟﻠﻲ ﺟﺎﻱ ﻣﻦ ﺍﻟﺒﺼﺮﻩ ﻛﺎﻋﺪ ﺑﺤﺮﻡ ﺍﻟﻄﻼﺏ ﺩﺭﺍﺳﺘﻲ ﺗﻔﻮﻗﺖ ﺑﻴﻬﺎ ﻭﺑﺖ ﺧﺎﻟﺘﻲ ﻣﺎﺍﺟﺘﻲ ﺑﻌﺪ . ﻻﻥ ﺳﺎﺩﺱ ﻭﺍﻧﻲ ﻣﺪﺭﺳﻬﺎ ﺑﺎﻟﻌﻄﻠﻪ ﻓﺎﻛﺘﻔﺖ ﺑﺲ ﺑﻘﺖ ﺯﻳﺎﺭﺍﺕ ﺧﺎﻟﺘﻲ ﻋﻠﻰ ﻃﻮﻝ ﻛﻤﺖ ﺍﺣﺐ ﺷﻮﻓﺘﻬﺎ ﻛﺎﻣﺖ ﻣﻦ ﺗﺠﻲ ﺍﺿﻞ ﻛﺎﻋﺪ ﻳﻤﻬﻢ ﺳﺎﻋﻪ ﺍﻛﺜﺮ ﻣﻦ ﺗﺤﺠﻲ ﺍﺗﺨﻴﻞ ﺷﻜﻞ ﻭﺍﻟﺪﺗﻲ ﻫﻴﺞ ﺟﺎﻧﺖ ﺗﺤﺠﻲ ﻫﻴﺞ ﺟﺎﻧﺖ ﻟﻬﺠﺘﻬﺎ ﻫﻴﺞ ﺟﺎﻥ ﺷﻜﻠﻬﺎ ﻭﻫﻲ ﺗﺒﺎﻭﻋﻠﻲ ﻭﺗﺒﺘﺴﻢ . ﻭﺍﻧﺘﺒﻪ ﻋﻠﻰ ﺭﻭﺣﻲ ﻛﻤﻠﺖ ﺍﻭﻝ ﻭﺛﺎﻧﻲ ﻭﺛﺎﻟﺚ ﻭﺍﻧﻲ ﻣﺘﻔﻮﻕ ﻭﻣﺼﺎﺩﻑ ﻓﺪ ﻳﻮﻡ ﻭﺣﺪﻩ ﺟﺬﺑﺖ ﻧﻀﺮﻱ ﺭﻏﻢ ﻛﻮﻣﻪ ﺫﺑﻮ ﺭﻭﺣﻬﻢ ﺑﺲ ﺍﻧﻲ ﻣﺎﺍﻫﺘﻢ ﻭﻓﺠﺎﻩ ﺻﺎﺩﻓﺖ ﺷﺎﺏ ﻭﺗﻌﺮﻓﺖ ﻋﻠﻴﻪ ﺟﺎﻥ ﻣﻦ ﺍﻟﺴﻤﺎﻭﻩ ﻣﻦ ﺣﻲ ﺍﻟﺤﺴﻴﻦ ﺗﺤﺪﻳﺪﺍ . ﺻﺎﺩﻗﺘﻪ ﺣﻴﻞ ﺣﺒﻴﺘﻪ ﺑﺴﻴﻄﻄﻂ ﻟﻼﺧﻴﺮ ﻭﻓﻄﻴﺮ ﻭﺍﻋﻲ ﻭﻓﺎﻫﻢ ﻛﺎﻥ ﺳﻨﻪ ﺛﺎﻟﺜﻪ ﻫﻨﺪﺳﻪ ﻛﻴﻤﻴﺎﺋﻴﻪ . ﻃﺒﺘﻲ ﻭﻃﻠﻌﺘﻲ ﺻﺎﺭﺕ ﻭﻳﺎﻩ ﺭﺍﻋﻲ ﺻﻼﻩ ﻭﺻﻴﺎﻡ ﻭﺯﻳﺎﺭﺍﺕ ﻭﺟﻠﺒﺖ ﺑﻲ ﻭﻳﻦ ﻣﻴﺮﻭﺡ ﺍﺭﻭﺡ ﻭﻳﺎﻩ ﻋﺮﻓﺘﻪ ﻋﻠﻰ ﻧﻨﻪ ﻭﻛﻴﻔﺖ ﺑﻲ ﺑﺲ ﺟﺎﻥ ﻳﺼﺪﻣﻨﻲ ﺑﺲ ﺑﺎﻻﻣﺘﺤﺎﻧﺎﺕ ﻳﺪﺍﻭﻡ . ﻭﻳﺮﺟﻊ ﻳﺪﺍﻭﻡ ﻭﺭﺍﻫﺎ ﻳﻨﻘﻄﻊ
ﻭﺳﺎﻟﺘﻪ
ﻳﻤﻌﻮﺩ ﻭﻳﻨﻚ ﺷﻮ ﺍﻧﺖ ﺗﻐﺐ ﺗﻐﺐ ﻭﺗﺮﺩ ﺗﻀﻬﺮ
ﻭﺍﻟﻠﻪ ﻳﺲ ﺷﺴﻮﻱ ﺍﻭﻛﻒ ﺧﻞ ﺍﺷﻮﻑ ﺍﻟﺤﻚ ﻟﺮﻭﺣﻲ ﺧﺎﻑ ﺍﻧﻔﺼﻞ
ﺭﻭﺡ ﺩﺍﺍﻧﺘﻀﺮ ﺷﻮﻑ ﻫﻨﺎ ﻗﺎﺍﺳﻢ
ﺍﻱ ﺍﻱ ﺭﺍﺟﻌﻠﻚ ﺗﺎﻧﻴﻨﻲ
ﺍﺗﺎﻧﻴﻚ ﻟﻴﺶ ﻣﺎﺗﺎﻧﻴﻚ ﺍﺗﺎﻧﻴﻚ ﺍﺗﺎﻧﻴﻚ ﺍﺫﻭﺏ ﻋﻠﻰ ﺍﻟﺪﺭﺏ ﺷﻤﻌﻪ .
ﺷﻮﻱ ﻭﺭﺟﻌﻠﻲ ﻭﺍﻧﻲ ﺍﺩﻧﺪﻥ ﺿﺤﻚ ﻳﻔﺮ ﺑﻴﺪﻩ ﻛﺎﻝ
ﻃﺎﻙ ﻭﺗﻐﻨﻲ ﺷﻨﻮ ﺳﺎﻟﻮﻓﺘﻚ
ﺷﺘﺎﻗﻴﺘﻠﻚ ﻭﺍﻟﻠﻪ ﻃﻜﺖ ﺭﻭﺣﻲ
ﻣﻮﺑﻴﺪﻱ ﺍﻟﻀﺮﻭﻑ ﻗﺴﺖ
ﻳﺤﺠﻲ ﻭﻳﻄﺒﻚ ﺍﻟﻮﺭﻗﻪ ﻭﻳﻬﺰ ﺭﺍﺳﻪ ﻣﺘﺤﺴﻒ
ﺷﻨﻮ ﺍﻟﺴﺎﻟﻔﻪ ﺍﺣﺠﻴﻠﻲ
ﻳﻮﻝ ﻓﻠﻮﺱ ﺍﺟﺎﺭ ﺍﻟﻐﺮﻓﻪ ﻣﺎﻋﺪﻱ ﻓﺪ ﻧﻮﺏ ﻭﺷﻠﻠﺖ ﻭﺍﻣﻲ ﻣﺮﻳﻀﻪ ﻓﻠﻮﺳﻲ ﺧﻠﺼﺖ ﻋﺎﻝ ﺍﻟﺪﻛﺘﻮﺭ ﻭﺍﻟﻌﻼﺝ
ﺑﻘﻴﺖ ﺻﺎﻓﻦ ﻋﻠﻴﻪ ﻭﻫﺴﻪ ﺷﺤﺘﺴﻮﻱ
ﺭﺍﻳﺢ ﺭﺍﺩ ﻻﻫﻠﻲ ﺷﺴﻮﻱ
ﻭﻛﻠﻴﺘﻚ ﻣﻌﻮﺩ ﻫﺎﻱ ﺳﻨﻪ ﺛﺎﻟﺚ ﺍﻧﺖ
ﺷﺴﻮﻱ ﻳﺎﺑﻪ ﺑﻴﺪﻱ ﺷﻲ ﻣﺎﺳﻮﻳﺘﻪ
ﺍﻫﻠﻚ ﻋﺪﻫﻢ ﻓﻠﻮﺱ
ﺗﻔﺎﻋﺪ ﺍﺑﻮﻳﻪ ﻛﻮﻩ ﻭﻱ ﺧﻮﺍﺗﻲ ﺍﺟﻲ ﺍﺧﺬ ﻣﻨﻪ ﻟﻠﺠﺎﻣﻌﻪ ﻣﺎﺗﺮﻫﻢ . ﻳﻠﻪ ﺍﺷﻮﻓﻚ ﺑﺨﻴﺮ ﺍﺧﻮﻳﻪ ﺍﻧﺖ ﺍﻟﻠﻪ ﻳﺸﻬﺪ
ﺑﻘﻴﺖ ﺻﺎﻓﻦ ﻳﺒﻮﺱ ﺑﻴﻪ ﺩﻳﻮﺩﻋﻨﻲ ﻭﺍﻧﻲ ﻛﻠﺒﻲ ﺍﻧﻌﺼﺮ ﻟﺰﻣﺘﻪ ﻣﻦ ﺍﻳﺪﻩ
ﺍﻭﻛﻒ ﺍﻭﻛﻒ ﺗﻌﺎﻝ ﺍﻛﻠﺘﻨﻲ ﺣﺎﺻﻞ ﻓﺎﺻﻞ
ﺷﻨﻮ ﺷﺒﻴﻚ ﻫﻬﻪ ﺟﺎ ﻣﺎﺗﺼﺪﻙ ﺑﻴﻪ
ﺍﻭﻛﻒ ﺩﻣﺸﻲ ﻟﻠﺒﻴﺖ ﻧﺘﻔﺎﻫﻢ ﻧﺘﻐﺪﻩ
ﻻﻻ ﻳﺎﺑﻪ ﺩﺍﺭﻭﺡ ﻣﺎﻟﺤﻚ ﻋﺎﻟﻜﺮﺍﺝ
ﻳﺎﻛﺮﺍﺝ ﺍﺑﻘﻰ ﺍﻟﻴﻮﻡ ﺑﺎﭼﺮ ﺭﻭﺡ
ﻭﻳﻦ ﺍﺑﻘﻰ ﺑﺎﻉ ﻫﺎﺫ ﻟﻚ ﻳﺎﺑﻪ ﻣﺎﻋﺪﻱ ﺍﺟﺪﺩ ﺍﺟﺎﺭ ﻫﺎﻟﺸﻬﺮ
ﺍﻭﻛﻒ ﻭﻳﺎﻳﻪ ﺑﺮﻭﺡ ﺍﺑﻮﻙ
ﺍﺳﺘﻐﻔﺮ ﺍﻟﻠﻪ ﻻﺗﺤﻠﻒ ﻳﻮﻝ ﺧﻠﻨﻲ ﺍﻭﻟﻲ ﺑﺮﻭﺣﻲ ﻃﺎﻳﺢ ﻣﻦ ﺭﻭﺣﻲ ﺭﻭﺡ ﻏﺎﺩﻱ ﻻﺗﻌﻮﺭﺽ ﺑﺮﺍﻱ ﻃﺮﻳﻖ
ﺍﺳﺘﻐﻔﺮ ﺍﻟﻠﻪ ﺍﻟﻠﻪ ﻋﻠﻴﻚ ﺍﺭﺟﻊ ﻭﻳﺎﻳﻪ ﺗﻐﺪﻩ ﻭﺭﻭﺡ ﻭﻟﻮ ﺍﺧﺮ ﻣﺮﻩ ﺻﻔﻦ ﺟﺮ ﻧﻔﺲ
ﺩﻣﺸﻲ ﺍﺧﺎﺑﺮ ﻣﻦ ﻋﺪﻛﻢ ﻋﻠﻰ ﺍﻣﻲ
ﺩﻳﻠﻪ ﺭﺟﻌﺖ ﻭﻳﺎﻩ ﻟﺒﻴﺘﻨﺎ ﻭﻧﻨﻪ ﺧﻄﻴﻪ ﺻﺒﺖ ﺍﻻﻛﻞ ﻣﻜﻴﻔﻪ ﺑﻲ ﻭﺻﺎﺭ ﺍﻟﺤﺠﻲ ﺑﻘﺖ ﻧﻨﻪ ﺻﺎﻓﻨﻪ ﻣﻘﻬﻮﺭﻩ ﻭﻫﻮ ﻣﺴﻮﻳﻬﺎ ﻋﺎﺩﻱ ﺑﺲ ﺍﻧﻲ ﺍﻋﺮﻓﻪ ﻣﻴﺖ ﻗﻬﺮ ﺑﺲ ﺭﺍﺩ ﻳﺘﺨﺮﺝ ﻭﻳﺘﻌﻴﻦ ﺑﺴﺎﻣﺮﺍ ﻣﻌﻤﻞ ﺍﻟﺪﻭﻩ ﻭﻱ ﺧﻮﺍﻟﻪ ﻣﺮﻫﻤﺖ ﻭﺍﻣﻲ ﺟﺮﺗﻨﻲ ﺍﺷﺮﺗﻠﻲ ﺍﺧﺬﺗﻨﻲ ﻋﻠﻰ ﺻﻔﺤﻪ
ﻫﺎ ﻧﻨﻪ ﺷﺒﻴﺞ .
ﻳﻤﻪ ﻟﻴﺶ ﻣﻴﺒﻘﻪ ﻋﺪﻧﺎ ﺷﻮ ﻻﻋﺪﻱ ﺍﺣﺪ ﻻ ﺑﻨﻴﻪ ﻭﺍﻧﺖ ﻭﻳﺎﻩ ﺗﺮﺣﻮﻥ ﻭﺗﺠﻮﻥ ﻭﺍﻟﻤﺼﺮﻑ ﻫﺎﻟﻨﻜﺪﺭ ﻋﻠﻴﻪ ﺟﺪﺭﻳﻪ ﺷﻮﻱ ﻧﻜﺒﺮﻫﺎ ﻭﺍﻟﺮﺯﻕ ﻋﻠﻰ ﺍﻟﻠﻪ ﻭﻳﺒﺎﺕ ﻫﻨﺎ ﺑﺎﻟﺼﺎﻟﻪ ﺑﻐﺮﻓﺘﻚ
ﺑﻘﻴﺖ ﺻﺎﻓﻦ ﺍﺑﺘﺴﻤﺖ ﺍﻱ ﻧﻨﻪ ﻭﺍﻟﻠﻪ ﺧﻄﻴﻪ
ﺭﺟﻌﺖ ﻳﻤﻪ ﻭﻓﺘﺤﺖ ﺍﻟﻤﻮﺿﻮﻉ ﻭﻫﻮ ﻣﻴﻘﺒﻞ ﺍﺗﻮﺳﻠﺖ ﺑﻲ ﻭﻃﻠﻌﺖ ﻧﻨﻪ ﺣﺎﺟﺘﻪ ﻭﻫﻮ ﻗﺎﻓﻞ ﻣﻴﻘﺒﻞ ﻟﺤﺪ ﻣﺎﻛﺎﻟﺘﻠﻪ
ﻳﻤﻪ ﺍﻧﻲ ﺭﺍﻳﺪﺗﻚ ﻭﻱ ﻳﺲ ﻣﺎﻋﺪﻱ ﻏﻴﺮﻩ . ﺑﺲ ﻛﻤﻞ ﻫﺎﻟﺴﻨﻪ ﻭﺭﻭﺡ ﺣﺮﺍﻡ ﻋﻠﻴﻚ ﺍﻣﻚ ﺗﺤﺲ ﺑﺘﺎﻧﻴﺐ ﺍﻟﻀﻤﻴﺮ ﻣﻦ ﻭﺭﺍﻙ ﻛﻤﻞ ﻭﺍﻭﺻﻞ ﻋﻴﻨﻬﻢ ﻻﻫﻠﻚ
ﺻﻔﻦ ﻣﻨﺼﻲ ﺭﺍﺳﻪ ﻭﺭﻓﻌﻪ ﺑﺎﻭﻉ ﺑﻌﻴﻨﻲ ﻛﺎﻝ
ﺟﻤﻴﻠﻚ ﻣﺎﺭﺍﺡ ﺍﻧﺴﺎﻩ ﻳﺴﻮﻧﻲ
ﻣﻌﻮﺩ ﺍﻧﻲ ﺍﻟﻤﻜﻴﻒ ﺑﻴﻚ ﺑﺲ ﺍﻗﺒﻞ
ﻟﻌﺪ ﺍﻧﻲ ﺍﺗﺴﻮﻙ ﻭﻳﺎﻛﻢ ﻧﺘﻘﺎﺳﻢ ﺑﺎﻟﻤﺴﻮﺍﻙ
ﺳﻬﻠﻪ ﻋﻮﺩ ﺳﻬﻠﻪ
ﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻪ ﻣﻜﻴﻒ ﻭﻓﻌﻼ ﺍﻧﺘﻘﻞ ﺑﻐﺮﺍﺿﻪ ﻳﻤﻲ ﻭﻛﺎﻝ ﻻﻣﻪ ﺍﻣﻪ ﺑﻘﺖ ﻣﺘﺨﻮﻓﻪ ﻟﺤﺪ ﻣﺎﻓﺪ ﻣﺮﻩ ﺍﺟﺘﻲ ﻟﺒﻐﺪﺍﺩ ﻭﺟﺘﻲ ﻟﺒﻴﺘﻨﺎ ﻭﻣﺤﻤﻠﻪ ﻛﻮﻣﻪ ﺷﻐﻼﺕ ﻃﺮﺷﻲ ﻭﺩﺑﺲ ﻭﻻﻓﻪ ﺩﻭﻟﻤﻪ ﻭﻛﺒﺐ ﻛﻮﻣﻪ ﻭﺍﻻﻛﻞ ﻳﺨﺒﻞ ﻭﺗﻄﻤﻨﺖ ﻣﻦ ﺗﻌﺮﻓﺖ ﻋﻠﻰ ﻧﻨﻪ ﻭﺭﺍﺣﺖ ﻭﻛﻤﻠﺖ ﻭﻳﺎﻩ ﺳﻮﻩ ﺳﻮﻩ ﻃﺒﺘﻨﺎ ﻭﻃﻠﻌﺘﻨﺎ ﻋﺮﻓﺖ ﻋﻨﻪ ﻛﻠﺸﻲ ﺟﺎﻥ ﺍﺑﺪ ﻣﻴﺤﺠﻲ ﺑﺨﻮﺍﺗﻪ . ﺑﺲ ﺑﻮﻛﺘﻬﺎ ﻋﺮﻓﺖ ﺍﻧﻪ ﻋﺮﺱ ﻭﺣﺪﻩ ﻣﻦ ﺧﻮﺍﺗﻪ ﻭﺭﺍﺡ ﻭﺭﺩ ﺭﺟﻊ ﻋﺮﻓﺖ ﻋﺪﻩ ﺧﻤﺲ ﺧﻮﺍﺕ ﻭﻣﺎﻋﺮﻑ ﺍﻋﻤﺎﺭﻫﻦ ﻣﻴﺤﺠﻲ ﺑﻴﻬﻦ ﺍﺑﺪ ﻭﺍﻟﺪﻩ ﻣﺘﻮﻓﻲ ﻣﻦ ﺻﻐﺮﻩ ﻣﺘﻜﻬﺮﺏ ﻭﻋﺎﻳﺸﻴﻦ ﻋﺎﻟﺘﻘﺎﻋﺪ ﻣﺎﻟﺘﻪ ﻭﻫﻢ ﻳﻄﺒﺨﻮﻥ ﻭﻳﺨﻴﻄﻮﻥ ﺍﻫﻠﻪ . ﻭﻫﻮ ﺍﻟﻮﺣﻴﺪ ﻻﻫﻠﻪ ﻭﺧﻮﺍﻟﻪ ﺑﺴﺎﻣﺮﺍﺀ ﻳﺸﺘﻐﻠﻮﻥ ﺑﻤﻌﻤﻞ ﺍﻻﺩﻭﻳﻪ ﻭﺍﻟﺒﺎﻗﻲ ﻛﻞ ﻣﻌﺮﻓﺘﻲ ﺑﻲ ﻋﻦ ﺍﻟﺠﺎﻣﻌﻪ ﻭﺩﺭﺍﺳﺘﻬﺎ . ﺟﺎﻥ ﻳﻄﺐ ﻭﻳﻄﻠﻊ ﻣﻦ ﺑﺎﺏ ﺍﻟﺼﺎﻟﻪ ﻭﺑﺎﻟﺼﺎﻟﻪ ﺣﻤﺎﻡ ﺍﺑﺪ ﻣﻴﻘﺒﻞ ﻳﻄﺐ ﻟﻠﻬﻮﻝ ﻟﻮ ﻟﻐﺮﻓﺘﻲ ﻭﺧﻄﻴﻪ ﻧﻨﻪ ﺗﻐﺴﻞ ﻫﺪﻭﻣﻪ ﻭﺗﻜﻮﻳﻬﺎ ﻭﺗﻌﻠﻜﻬﺎ . ﻫﻮ ﻳﺘﺨﺒﻞ ﻟﻴﺶ ﺗﺘﻌﺒﻬﺎ ﻛﺎﻡ ﻳﺘﺴﻮﻙ ﻭﻳﺎﻳﻪ ﺗﻌﻠﻤﺖ ﻋﻠﻴﻪ ﺣﻴﻞ ﻭﺗﻌﻠﻘﺖ ﺑﻲ ﻭﻫﻮ ﻫﻢ ﻟﺤﺪ ﻣﺎﺗﺨﺮﺟﻨﺎ ﺭﻭﺣﺘﻨﺎ ﻭﺟﻴﺘﻨﺎ ﺳﻮﻩ ﻃﻠﻌﺖ ﺭﻭﺣﻨﺎ ﻟﺤﺪ ﻣﺎﺗﺨﺮﺟﻨﺎ ﻭﺻﺎﺭ ﻭﻛﺖ ﺍﻟﻮﺩﺍﻉ ﺗﺎﺫﻳﺖ ﺣﻴﻞ ﻭﻫﻮ ﺻﻠﺐ ﻣﻤﺘﺎﺛﺮ ﻣﺒﺘﺴﻢ ﻳﺤﻀﻦ ﺑﻴﻪ ﻭﻳﻜﻮﻝ
ﻳﻮﻟﻞ ﺍﺛﻜﻞ ﻭﻟﻚ ﻣﺎﻋﺎﻳﻔﻚ ﻛﻞ ﺳﺒﻮﻉ ﺍﻣﺮ ﻟﻠﻮﻻﻳﻪ
بيج قصص عراقيه حقيقيه من واقعنا.روعه الطائي
ﻭﺍﻧﻲ ﺍﺑﺠﻲ ﻣﻦ ﻛﻞ ﻋﻘﻠﻲ ﺣﺘﻰ ﻧﻨﻪ ﺑﺠﺖ ﺭﺍﺡ ﻭﻋﺎﻓﻨﻲ ﻛﻠﺸﻲ ﺑﺎﻟﻐﺮﻓﻪ ﻳﺨﻨﻚ ﺣﺘﻰ ﺗﺨﺮﺟﻲ ﻣﻔﺮﺣﺎﻥ ﺑﻲ . ﻣﺤﺴﻴﺖ ﺭﻭﺣﻲ ﻓﺮﺣﺎﻥ ﻛﺪ ﻣﺎ ﻣﺨﻨﻮﻙ ﺑﻔﺮﺍﻛﻪ . ﻣﻦ ﻳﻮﻣﻬﺎ ﻭﺍﻣﻲ ﺑﺪﺕ ﺗﻠﺢ ﻋﻠﻴﻪ ﺑﻤﻮﺿﻮﻉ ﺍﻟﺰﻭﺍﺝ
ﻟﺞ ﻳﻮﻡ ﺷﺘﺰﻭﺝ ﻭﺍﻧﻲ ﻣﻜﺮﻃﻒ ﻏﺮﻓﻪ ﻣﺎﻋﺪﻱ ﻓﻠﻮﺳﻬﺎ
ﻳﻤﻪ ﺑﺖ ﺧﺎﻟﺘﻚ ﻣﻮﺟﻮﺩﻩ ﺗﺘﺤﻤﻞ ﻭﺗﺤﺒﻚ
ﻫﻢ ﺭﺟﻌﺖ ﻋﻠﻰ ﺩﻋﺎﺀ ﻏﻴﺮ ﻣﺴﺘﺠﺎﺏ ﻟﺞ ﻳﻮﻡ ﻣﺎﺍﻫﻀﻤﻬﺎ
ﻭﻟﻚ ﺻﺎﺭ ﻛﻢ ﺳﻨﻪ ﺍﺑﺘﺴﺎﻣﺎﺕ ﻭﺿﺤﻚ
ﺍﻳﻴﻲ ﺻﺢ ﻭﻳﺎﺝ ﺍﻧﻲ ﻭﻳﺎﺝ ﺑﺲ ﻣﺎﺩﺭﻱ ﻭﺍﻟﻠﻪ ﻳﻤﻪ ﻣﺎﺩﺭﻱ ﺩﺧﺖ ﺍﻧﻲ ﻣﺎﺍﺣﺲ ﺭﻭﺣﻲ ﺟﺎﻫﺰ
ﻻ ﺗﺨﺮﺝ ﻭﺗﺨﺮﺟﺖ ﺷﻤﻨﺘﻀﺮ . ﺑﻌﺪ ﺍﺭﺟﻊ ﻟﺸﻐﻠﻚ ﻟﻠﻤﻜﻮﻯ ﻭﺧﻠﻴﻬﺎ ﻋﻠﻰ ﺍﻟﻠﻪ ﻭﺍﻧﻲ ﻭﻳﺎﻙ . ﻫﻢ ﺑﺎﻟﻤﺼﺮﻑ
ﺍﺑﺎﻭﻋﻠﻬﺎ ﻭﺟﻬﻪ ﺑﺪﺕ ﻋﻼﻣﺎﺕ ﺍﻟﻜﺒﺮ ﺑﻲ ﻭﺻﻠﺖ ﺍﻻﺭﺑﻌﻴﻦ ﺣﺒﻴﺒﺘﻲ ﻛﻮﻥ ﻳﻮﻛﻒ ﻋﻤﺮﻫﺎ ﻭﻣﺎﻳﻜﺒﺮ ﺑﺎﻭﻋﺖ ﺑﻌﻴﻨﻲ ﺍﺑﺘﺴﻤﺖ ﻛﺎﻟﺖ
ﻳﻤﻪ ﺍﻧﻲ ﺗﻌﺒﺖ ﺍﺭﻳﺪ ﻭﺣﺪﻩ ﺗﻌﺎﻭﻧﻨﻲ ﺑﺎﻟﺒﻴﺖ
ﻧﻨﻪ ﺍﻧﻲ ﻭﻳﺎﺝ ﻓﺪﻭﻩ ﺍﺳﺎﻋﺪﺝ ﺷﻴﻠﻲ ﻫﺎﻟﺴﺎﻟﻔﻪ ﻣﻦ ﺭﺍﺳﺞ ﻟﺘﺠﻠﺒﻴﻠﻲ ﻭﺗﻮﺭﻃﻴﻨﻲ
ﺍﺯﻋﻞ ﻋﻠﻴﻚ ﻭﻣﺎﺣﺎﺟﻴﻚ
ﺑﻘﻴﺖ ﺻﺎﻓﻦ ﻋﻠﻴﻬﺎ ﻣﻬﺘﻤﻴﺖ ﻛﻠﺖ ﻳﻮﻣﻴﻦ ﻭﺗﻔﻚ ---
٣ ﺍﻳﺎﻡ ﻭﻣﻔﻜﺖ ﻭﺍﻧﻲ ﺑﺪﻩ ﺍﻟﻨﻔﺲ ﻳﻀﻴﻖ ﻋﺪﻱ ﺑﻠﻴﻞ ﻣﺎﺍﻛﺪﺭ . ﺍﻧﺎﻡ ﺷﺘﺎﻗﻴﺖ ﺍﺣﺎﺟﻴﻬﺎ . ﺍﺿﺤﻚ ﻭﻳﺎﻫﺎ . ﺍﺻﺪﻗﺎﺀ ﻣﺎﻋﺪﻱ ﻭﺭﻩ ﻣﺴﺎﻓﺮ ﺻﺎﺣﺒﻲ ﻛﻢ ﻣﺮﻩ ﺍﺗﺼﻞ ﻭﺑﻌﺪﻫﺎ ﺍﻧﻜﻄﻊ ﻓﺘﺮﻩ ﻭﺑﺪﺕ ﺍﻟﻤﺸﺎﺣﻨﺎﺕ ﺑﻴﻨﻲ ﻭﺑﻴﻦ ﺍﻣﻲ ﻋﺮﻓﺖ ﺑﺖ ﺧﺎﻟﺘﻲ ﻫﺎﻟﺴﻨﻪ ﺛﺎﻟﺚ ﻭﺍﻣﻲ ﻣﺴﺘﻤﺮﻩ ﺑﺎﻟﻨﻜﻮﻯﺼﻠﺖ ﻟﺤﺪ ﻫﺪﻭﻣﻲ ﻣﺘﻐﺴﻠﻬﺎ ﻋﻠﻰ ﺍﻧﻪ ﻣﺎﺑﻴﻪ ﺣﻴﻞ ﺗﺰﻭﺝ ﻭﺧﻞ ﻣﺮﺗﻚ ﺗﻐﺴﻠﻬﻦ ﻭﻛﻤﺖ ﺍﻧﻲ ﺍﻏﺴﻠﻬﻦ ﻭﺟﻬﻪ ﺛﻜﻴﻞ ﻭﺍﻧﻲ ﻛﻠﺒﻲ ﻓﺮﻓﺢ ﺍﺧﺮ ﺷﻲ ﺻﻴﺤﺖ ﻋﻠﻴﻬﺎ ﻭﻻﻭﻝ ﻣﺮﻩ
ﻳﻮﻭﻭﻡ ﺍﻫﺞ ﻣﻦ ﺍﻟﺒﻴﺖ ﻭﺑﻌﺪ ﻣﺘﻠﻜﻴﻨﻲ ﻭﺍﻟﻠﻪ ﻫﻴﺞ ﻛﺎﺭﻫﺘﻨﻲ ﻟﺘﺠﻠﺒﻴﻠﻲ ﺑﺴﺎﻟﻔﻪ ﺩﻋﺎﺀ ﺍﻟﺒﻨﻴﻪ ﺣﺘﻰ ﻣﻤﺘﺨﺮﺟﻪ
ﻫﺎ ﻳﻌﻨﻲ ﻣﻦ ﺗﺘﺨﺮﺝ ﻧﻤﺸﻴﻠﻚ ﻋﻠﻴﻬﺎ ﻟﻚ ﻳﻤﻪ ﻣﺪﺍﻡ ﻗﺎﺑﻠﻪ ﺑﻮﺿﻌﻨﺎ
ﻭﻋﻨﻨﻬﺎ ﻣﻘﺒﻠﺖ ﻳﻤﻪ ﻟﺘﻠﺤﻴﻦ ﺑﺮﻭﺡ ﻋﻤﻮ ﻋﻠﻲ ﺗﻌﺒﺘﻴﻨﻲ
ﺍﻧﻲ ﺍﻟﺘﻌﺒﺒﺒﺖ ﺍﺭﻳﺪ ﻭﻳﺎﻳﻪ ﺍﺣﺪ ﻳﻌﻴﻨﻨﻲ
ﻣﻮ ﻛﺘﻠﺞ ﺍﻧﻲ ﺍﺻﻴﺮﻟﺞ ﻋﺸﺮ ﻧﺴﻮﺍﻥ ﻭﺭﺟﺎﻝ ﺑﺲ ﺷﻴﻠﻲ ﺳﺎﻟﻔﻪ ﺩﻋﺎﺀ . ﻣﻦ ﺭﺍﺳﺞ
ﺍﺑﺪ ﺍﻧﺖ ﻻﺯﻡ ﺗﺘﺎﻫﻞ ﺟﻮﺍﺭﻳﻨﻪ ﺍﺻﻐﺮ ﻣﻨﻚ ﺯﻭﺟﻮ
ﻻ ﺣﻮﻝ ﻭﻻ ﻗﻮﻩ ﺍﻻ ﺑﺎﻟﻠﻪ
ﺟﺮﻳﺖ ﻧﻔﺲ ﻣﺎﻳﺲ ﻋﺮﻓﺖ ﻣﻴﻔﻴﺪ ﺍﻟﺤﺠﻲ . ﺳﻜﺘﺖ ﻛﺘﻠﻬﺎ
ﻳﻤﻪ ﺍﻟﺘﺮﺩﻱ ﺳﻮﻱ
ﺍﻧﺖ ﻟﻴﺶ ﺗﻜﺮﻫﻪ
ﻭﻣﻦ . ﻛﺎﻟﺞ ﻛﺎﺭﻫﻪ ﻣﻌﻮﺩﻫﻪ ﺑﻨﻴﻪ ﻋﺎﺩﻳﻪ ﻭﺣﻠﻮﻩ ﺑﺲ ﻣﺎﺑﻴﻪ ﺣﻴﻞ ﺯﻭﺍﺝ ﻭﺍﻟﻠﻪ ﻳﺎﻫﻮ ﺍﻻﺷﻮﻓﻪ ﻣﺘﺰﻭﺝ ﻣﺸﻠﻮﻉ ﻛﻠﺒﻪ
ﻻﻣﺎﻣﺎ ﻫﺎﻱ ﺑﺴﻴﻄﻪ ﻣﺜﻠﻨﺎ ﻭﺿﻌﻬﺎ ﻭﺍﻧﻲ ﺍﺧﺎﻑ ﻋﻠﻴﻚ ﻣﻦ ﺍﻟﺴﻮﻙ ﺍﺷﻜﺎﻝ ﺍﻟﻮﺍﻥ ﺷﺒﺎﺏ ﺧﺎﻑ ﻳﺤﺮﻓﻮﻙ ﺣﺘﻰ ﺗﺒﻘﻰ ﻟﺒﻴﺘﻚ ﺑﺎﺟﺮ ﻳﺼﻴﺮ ﻋﺪﻙ ﻃﻔﻞ ﺗﺸﻮﻑ ﺍﻟﺪﻧﻴﺎ ﺑﻌﻴﻮﻧﻪ ﺷﻮﻥ ﻣﺎﺍﻧﻲ ﺍﺷﻮﻑ ﺍﻟﺪﻧﻴﺎ ﺑﻴﻚ ﺣﺒﺒﻴﺒﻲ
ﺻﺎﺭ ﻧﻨﻪ ﺍﻟﺘﺮﺩﻱ ﻳﺼﻴﺮ ﺑﺲ ﺧﻞ ﺍﺗﻌﻴﻦ
ﻫﺎﻫﻲ ﻣﺎﺍﻓﺘﺢ ﺍﻟﻤﻮﺿﻮﻉ ﺣﺪﻣﺎ ﺗﺘﻌﻴﻦ
ﺍﻱ ﻭﺍﻟﻠﻪ ﻫﺎﻱ ﻫﻲ ﺍﺗﺰﻭﺝ ﺑﻌﺪ ﺷﻌﺪﻱ
ﻓﺪﻭﻩ ﻟﻜﻠﺒﻚ ﺍﻟﻠﻪ ﻳﻔﺮﺣﻚ ﻧﻔﺲ ﻣﻔﺮﺣﺘﻨﻲ ﺍﺭﻭﺡ ﺍﺳﻮﻳﻠﻚ ﺗﺸﺮﻳﺐ ﺍﺑﻴﺾ ﻳﻠﺰﻡ ﻛﻠﺒﻚ
ﻫﺎﺍﺍ ﻫﻬﻬﻬﻪ ﻫﻴﺞ ﺻﺎﺭﺕ ﺍﻟﻠﻪ ﻻﻳﺤﺮﻣﻨﻲ ﻣﻨﺞ ﻳﺎ ﺍﻃﻴﺐ ﻛﻠﺐ ﻟﺞ ﺍﻧﻲ ﺷﻌﺪﻱ ﻏﻴﺮﺝ ﺍﻧﺘﻲ ﺍﻣﻲ ﻭﺍﺑﻮﻳﻪ ﻭﺍﺧﺘﻲ ﻭﺍﺧﻮﻳﻪ ﻭﻛﻞ ﺣﻴﺎﺗﻲ ﻣﺎﺭﻳﺪ ﻏﻴﺮ ﻭﺣﺪﻩ ﺗﺎﺧﺬﻧﻲ ﻣﻨﺞ
ﺍﻧﻲ ﺍﺭﻳﺪ ﺍﻓﺮﺡ ﺑﻴﻚ ﺍﺭﻳﺪ ﺟﻬﺎﻝ ﻳﺘﺮﺳﻮﻟﻲ ﺍﻟﺒﻴﺖ
بيج قصص عراقيه حقيقيه من واقعنا.روعه الطائي
ﺍﻟﻠﻪ ﻳﺴﻬﻞ ﻧﻨﻪ ﺩﻛﻮﻡ ﺳﻮﻱ ﺍﻛﻞ ﻣﻮ ﻣﺘﺖ ﺟﻮﻉ
ﺗﻌﺎﻝ ﺳﺎﻋﺪﻧﻲ
ﻭﻣﺸﺖ ﺍﻻﻳﺎﻡ . ﻭﺍﻟﺮﺍﺗﺐ ﻣﺎﻝ ﺗﻘﺎﻋﺪ ﺍﻧﻜﻄﻊ ﻭﻣﻜﻠﺖ ﻟﻨﻨﻪ ﺧﺎﻑ ﻳﻀﻞ ﺑﺎﻟﻬﺎ ﻛﻤﺖ ﺍﺷﺘﻐﻞ ﺍﻱ ﺷﻐﻠﻪ ﺣﺘﻰ ﻋﺮﺑﺎﻧﻪ ﺍﺩﻓﻊ ﻋﻤﺎﻟﻪ ﻛﻤﺖ ﺍﻃﻠﻊ ﻳﺎﻫﻮ ﺍﻟﺠﺎﺏ ﺷﻐﻠﻪ ﺭﻛﻀﺖ ﺑﻴﻬﺎ ﺍﻟﺴﻮﻙ ﻋﻠﻤﻨﻲ ﻋﺎﻟﺸﻐﻞ ﺍﻟﺴﺮﻳﻊ ﺍﻟﻨﻀﻴﻒ ﻛﺎﻣﻮ ﻳﺴﻤﻮﻧﻲ ﻫﺒﻪ ﺭﻳﺢ ﻭﺑﻴﻮﻡ ﻣﻦ ﺍﻻﻳﺎﻡ ﺩﺍﺍﺷﺘﻐﻞ ﺑﺎﻟﻜﻬﺮﺑﺎﺀ ﺑﻌﻤﺎﺭﻩ ﻣﻦ ﻋﻤﺎﻳﺮ ﺳﻮﻛﻨﺎ ﻃﺎﺑﻖ ﺍﺭﺿﻲ ﺟﻮﻩ ﺍﻟﻜﺎﻉ ﻧﺰﻟﻪ ﺩﺭﺝ ﻭﻣﺴﻮﻳﻦ ﻣﺤﻼﺕ ﺟﺪﻳﺪﻩ . ﻭﺩﺍﺷﺪﻟﻬﺎ ﻛﻬﺮﺑﺎﺀ ﻭﻱ ﻭﻟﺪ ﺻﺎﺣﺒﻲ ﺩﺍﺍﺷﺘﻐﻞ ﻭﻧﺰﻝ ﺍﺑﻮ ﺍﻟﻌﻤﺎﺭﻩ ﺻﺎﺣﺒﻬﺎ ﺿﻞ ﻳﺘﻔﺮﺝ ﻋﻠﻰ ﻃﺮﻳﻘﻪ ﺷﺪﺩﻱ ﻟﻠﻜﻬﺮﺑﺎﺀ ﻭﺍﻟﺘﺮﺗﻴﺐ ﻣﺎﻝ ﻛﺎﺑﻴﻨﻪ ﺳﺎﻟﻨﻲ ﻭﻻﻧﻲ ﻣﺎﻋﺮﻓﻪ ﺻﺎﺣﺐ ﺍﻟﻌﻤﺎﺭﻩ ﺟﺎﻭﺑﺖ ﺑﺎﺧﺘﺼﺎﺭ
ﻫﺎﻱ ﺷﻐﻠﻚ
ﺍﻱ ﺷﺪﺗﺸﻮﻑ ﻳﻌﻨﻲ
ﺍﻧﺖ ﺷﻨﻮ ﺗﺤﺼﻴﻠﻚ ﺍﻟﺪﺭﺍﺳﻲ
ﺧﺮﻳﺞ ﻧﻔﻂ ﺭﻓﻌﺖ ﺭﺍﺳﻲ ﺑﺎﻭﻋﺘﻠﻪ
ﺍﻧﺖ ﻣﻨﻴﻦ
ﻫﻨﺎ ﻣﻦ ﺍﻟﻤﻨﻄﻘﻪ
ﻣﺸﺎﻳﻔﻚ
ﻭﻻ ﺍﻧﻲ ﺍﻟﺸﺎﻳﻔﻚ ﺷﻨﻮ ﻳﺴﻤﻮﻙ
ﻳﺲ ﺍﻻﺷﻴﻜﺮ
ﻫﺎﺫ ﺍﻧﺖ ﻫﺒﻪ ﺭﻳﺢ
ﺍﻱ ﺑﺎﻟﻀﺒﻂ ﻫﻬﻪ
ﺑﻌﺪﻙ ﻣﻤﺘﻌﻴﻦ
ﻻ ﻭﺍﻟﻠﻪ ﺻﺎﺭ ﺍﺭﺑﻊ ﺳﻨﻴﻦ ﻣﻄﺎﻟﻊ ﺗﻌﻴﻴﻨﻲ
ﺯﻳﻦ ﺍﺫﺍ ﻋﻴﻨﺘﻚ ﺷﻜﺪ ﺍﻟﻲ ﻋﻼﻭﻩ
ﺑﺎﻭﻋﺘﻠﻪ ﻛﺒﺴﺖ ﺍﻟﻜﺎﺑﻴﻨﻪ ﺑﺎﻟﺤﺎﻳﻂ ﺍﺑﺘﺴﻤﺖ ﻭﺍﻧﻲ ﺍﺑﺎﻭﻋﻠﻬﺎ ﻓﺘﺤﺘﻬﺎ ﻭﺳﺪﻳﺘﻬﺎ ﻭﺍﻧﻲ ﺳﺎﻛﺖ ﺍﺗﺎﻛﺪ ﻣﻦ ﻃﺒﻜﺘﻬﺎ ﺍﻟﻤﻀﺒﻮﻃﻪ ﻭﺑﺎﻭﻋﺘﻠﻪ
ﻭﻻ ﻓﻠﺲ ﻭﻋﻔﺘﻪ ﻭﺻﻌﺪﺕ ﻓﻮﻙ ﺩﺍﺍﺣﺠﻲ ﻭﻱ ﺍﻟﻮﻟﺪ ﺍﻟﻠﻲ ﺩﺯ ﻋﻠﻴﻪ ﺍﺳﻮﻳﻠﻪ ﺍﻟﻜﻬﺮﺑﺎﺀ ﻭﺻﻌﺪ ﺍﺑﻮ ﺍﻟﻌﻤﺎﺭﻩ ﺍﻟﻮﻟﺪ ﻛﺎﻝ
ﻣﻌﺮﻓﺘﻪ ﺻﺎﺣﺐ ﺍﻟﻌﻤﺎﺭﻩ
ﻓﻜﻴﺖ ﻋﻴﻨﻲ ﺍﻋﺘﺬﺭﺕ ﻣﻨﻪ
ﻳﺎﺑﻪ ﺍﻟﻤﻴﻌﺮﻓﻚ ﻳﺠﻬﻠﻚ
ﻻ ﻋﻤﻲ ﺍﻧﺖ ﻣﺤﺘﺮﻡ ﻋﻠﻰ ﺷﻨﻮ ﺗﻌﺘﺬﺭ ﺑﺲ ﻋﻠﻤﻮﺩﻙ ﺍﻧﻲ ﺍﺣﺴﻦ ﻣﺪﺍﻳﺦ ﺑﺎﻟﺴﻮﻙ ﺗﺘﻌﻴﻦ ﻳﺼﻴﺮﻟﻚ ﺭﺍﺗﺐ
ﺟﺮﻳﺖ ﻧﻔﺲ ﺷﻜﺪ ﺗﺮﻳﺪ
ﻛﺎﻝ
ﺭﺍﺗﺐ ﺷﻬﺮﻳﻦ ﻭﺑﻌﺪﻫﺎ ﺍﻟﻠﻪ ﻭﻳﺎﻙ
ﻭﺷﺸﺘﻐﻞ ﻭﻣﻨﻴﻦ ﺍﻋﻴﺶ
ﺍﺑﻘﻰ ﻭﺭﻩ ﺍﻟﺸﻐﻞ ﺑﺎﻟﺴﻮﻙ ﺷﻮﻥ ﻫﺴﻪ ﻟﺤﺪ ﻣﺎ ﺗﻜﻤﻞ ﺍﻟﺸﻬﺮﻳﻦ ﻭﻭﺭﺍﻫﺎ ﺍﻟﺘﺰﻡ ﻭﺍﺭﺗﺎﺡ ﻣﻦ ﺍﻟﺴﻮﻙ
ﻫﺰﻳﺖ ﺭﺍﺳﻲ ﺍﻭﻙ
ﺟﻴﺐ ﺍﻭﺭﺍﻗﻚ ﺑﺎﺟﺮ ﺍﺳﺘﻨﺴﺎﺥ ﻛﻠﺸﻲ ﺑﻄﺎﻗﻪ ﺗﻤﻮﻧﻴﻪ ﻫﻮﻳﺎﺕ ﺟﻨﺎﺳﻲ ﺻﻮﺭ ﺳﺘﻪ
ﺍﻭﻙ
ﻳﺎﺳﻨﻪ ﻣﺘﺨﺮﺝ
ﺳﻨﻪ ____
ﻣﺎﺷﻲ ﺍﻟﻮﻳﺎﻙ ﺗﻌﻴﻨﻮ
ﻭﺍﻟﻠﻪ ﻣﺎﻋﺪﻱ ﺍﺧﺒﺎﺭ ﻋﻨﻬﻢ
ﻫﺎﻫﻲ ﺗﻮﻛﻞ ﺑﺎﻟﻠﻪ
ﻣﺎﺷﻲ ﻭﻓﻌﻼ ﺛﺎﻧﻲ ﻳﻮﻡ ﺟﺒﺖ ﺍﻭﺭﺍﻗﻲ ﺳﺎﻟﺖ ﻋﻠﻴﻪ ﻛﺎﻟﻮ ﻋﺪﻩ ﻣﻌﺎﺭﻑ ﺑﺪﻳﻮﺍﻥ ﺍﻟﺮﺋﺎﺳﻪ ﺑﺬﺍﻙ ﺍﻟﻮﻛﺖ ﻭﺷﻬﺮ ﻭﺗﻌﻴﻨﺖ ﻣﻦ ﺍﺟﻪ ﺧﺒﺮ ﺗﻌﻴﻴﻨﻲ ﺭﺩﺕ ﺍﻣﻮﺕ ﻣﻦ ﺍﻟﻔﺮﺡ ﺑﺖ ﺧﺎﻟﺘﻲ ﺗﺨﺮﺟﺖ ﻛﻤﺖ ﻣﺎﺷﻮﻓﻬﺎ ﻟﺨﺎﻟﺘﻲ ﻣﻦ ﺗﺠﻲ ﻻﻥ ﻣﻦ ﺍﻟﺼﺒﺢ ﻟﻠﻴﻞ ﺑﺎﻟﺴﻮﻙ ﺣﺘﻰ ﺍﻛﺪﺭ ﺍﺩﺑﺮ ﺍﻟﻌﻴﺸﻪ ﻭﻟﻨﺺ ﺍﻟﺸﻬﺮ ﻣﻮﺷﻞ ﻓﻠﻮﺱ ﻭﺧﻴﺎﻁ ﻧﻨﻪ ﻭﻳﺎﻳﻪ ﺳﺎﻧﺪﻧﻲ ﺷﻜﺪ ﺣﺎﻭﻟﺖ ﺍﺭﺟﻊ ﺍﻟﺘﻘﺎﻋﺪ ﻣﺎﻛﻮ ﺭﺍﺡ ﺑﺲ ﻣﻦ ﺳﻤﻌﺖ ﺑﺎﻟﺘﻌﻴﻴﻦ ﺭﻭﺣﻲ ﻭﺭﺩﺕ ﺗﻌﻴﻨﺖ ﻭﺍﺭﺣﻊ ﻣﻦ ﺍﻟﺸﻐﻞ ﺍﻛﺮﺏ ﺑﺎﻟﺴﻮﻙ ﺷﻬﺮﻳﻦ ﻃﻴﺘﻪ ﺍﻟﺮﺍﺗﺐ ﻭﺍﺧﻴﺮﺍ ﺧﻠﺼﺖ ﻭﺍﺳﺘﻘﺮﻳﺖ ﻭﺑﺪﻳﺖ ﺍﺷﺘﻐﻞ ﺑﺮﺍﺗﺒﻲ ﺍﻋﻴﺶ ﺑﺮﺍﺣﻪ
ﻧﻮﻋﺎ ﻣﺎ . ﻣﺮﺗﺐ ﻣﺤﺘﺮﻡ ﺍﻟﻮﻳﺎﻳﻪ ﻛﻠﻬﻢ ﻣﺤﺘﺮﻣﻴﻦ ﺣﺴﻴﺖ ﺑﺘﻘﺪﻳﺮ ﻟﺸﻬﺎﺩﺗﻲ ﻭﺩﺭﺍﺳﺘﻲ ﻭﺗﻌﺒﻲ ﻣﻀﺎﻉ ﻭﺭﺣﻌﺖ ﺍﻣﻲ ﺗﻨﻚ ﻋﻠﻰ ﺳﺎﻟﻔﻪ ﺩﻋﺎﺀ ﻭﺣﺴﻴﺖ ﺭﻭﺣﻲ ﻓﻌﻼ ﺑﻌﺪ ﺍﺭﻳﺪ ﺍﺗﺰﻭﺝ ﻭﺗﻘﺪﻣﻨﺎ ﻭﺧﺎﻟﺘﻲ ﻓﺮﺣﺖ ﺣﻴﻞ ﻛﺎﻟﺖ ﻛﻠﺸﻲ ﻣﺎﺭﻳﺪ ﻣﻨﻚ ﺍﺧﺬﻫﺎ ﺑﻌﺒﺎﻳﺘﻬﺎ ﺑﺲ ﺍﻣﻲ ﺟﻬﺮﺕ ﺍﻟﺠﻬﺎﺯ ﺑﻴﺪﻫﺎ ﺍﻟﺨﻴﺎﻁ ﻭﺍﺧﺬﺕ ﻏﺮﻓﻪ ﺍﻣﻲ ﺻﺎﺝ ﻣﺴﺘﻌﻤﻞ ﺟﺪﺩﺗﻬﺎ ﻫﺎﻻﻛﺪﺭ ﻋﻠﻴﻪ ﻃﻠﻌﺖ ﺟﺪﻳﺪﻩ ﻫﺎﻱ ﻛﻠﻬﺎ ﻛﻌﺪﻩ ﻭﻱ ﺑﺖ ﺧﺎﻟﺘﻲ ﻣﻜﺎﻋﺪ ﺍﺑﻮﻫﺎ ﻣﻴﻘﺒﻞ ﺍﻻ ﻭﺭﻩ ﺍﻟﻌﻘﺪ . ﺫﻫﺐ ﻣﻦ ﻧﻨﻪ ﻛﻼﺩﻩ ﻧﺎﺯﻛﻪ ﻭﺣﻠﻘﺘﻬﺎ ﺟﻨﺖ ﺗﻮﻧﻲ ﻓﺎﻙ ﻋﻴﻨﻲ ﻣﺎﺍﻛﺪﺭ ﺍﺟﻬﺰ ﺍﻱ ﺷﻲ ﻳﻠﻪ ﺍﻟﺮﺍﺗﺐ ﻣﻜﻔﻲ ﻣﺼﺮﻑ ﺍﻟﺒﻴﺖ . ﻣﺪﺭﻱ ﺷﻮﻥ ﺟﻬﺰﺕ ﻧﻨﻪ
ﻭﻋﻘﺪﺕ . ﻭﻛﻌﺪﻧﺎ ﻭﺣﺪﻧﺎ ﺟﺎﻧﺖ ﻫﺎﺩﺋﻪ ﻭﻋﻴﻮﻧﻬﺎ ﺗﺎﻛﻠﻨﻲ ﻭﻣﺠﻨﺖ ﺍﻛﺪﺭ ﺍﺿﻢ ﺍﺑﺘﺴﺎﻣﺘﻲ ﻣﻦ ﺗﺒﺎﻭﻋﻠﻲ ﺣﺠﻴﻨﺎ ﺣﺠﻲ ﺑﺴﻴﻂ ﺟﻨﺖ ﺧﺠﻼﻥ ﺣﻴﻞ ﻣﻨﻬﺎ ﻭﻫﻲ ﺍﺟﺮﺍ ﻣﻨﻲ ﺣﺒﻴﺖ ﺟﺮﺍﺗﻬﺎ ﺍﻟﺨﻠﺘﻨﻲ ﺍﺧﺬ ﺭﺍﺣﺘﻲ ﺑﺎﻟﻜﻼﻡ
ﺷﻮﻧﻚ ﺑﺎﻟﺸﻐﻞ
ﺯﻳﻦ ﻟﻠﻪ ﺍﻟﺤﻤﺪ
ﺯﻳﻦ ﻫﻢ ﺍﻣﻮ ﻣﻮﺿﻔﺎﺕ
ﺍﻱ ﻃﺒﻌﺎ ﺍﻛﻮ
ﺍﺗﻤﻨﻰ ﺍﺗﻌﻴﻦ ﺍﻧﻲ ﻫﻢ
ﺑﻘﻴﺖ ﺻﺎﻓﻦ ﻋﻠﻴﻬﺎ ﻣﺒﺘﺴﻢ ﻛﺎﻟﺖ
ﺣﺘﻰ ﻧﺘﺴﺎﻋﺪ
ﺍﻟﻠﻪ ﻳﺴﻬﻞ ﺍﻧﺘﻲ ﻗﺪﻣﺘﻲ
ﺍﻱ ﻛﻮﻣﻪ ﺑﺲ ﺑﻌﺪ ﻣﻄﺎﻟﻊ
ﺑﻬﺎﻟﻔﺘﺮﻩ ﺍﻟﺪﺍﻭﻣﺖ ﺑﻴﻬﺎ ﺑﺘﻌﻴﻴﻨﻲ ﺍﻟﺤﺪﻳﺚ ﺑﻮﺯﺍﺭﻩ ﺍﻟﻨﻔﻂ ﻫﻢ ﻛﻮﻣﻪ ﺻﺎﺭﺕ ﻋﺪﻱ ﻣﻌﺎﺭﻑ ﻻﻥ ﺍﺭﻛﺾ ﻟﻠﻜﻞ ﻣﺎﻛﻮﻝ ﻻ ﺍﺑﺪ ﻛﺘﻠﻬﺎ
ﻫﺴﻪ ﺍﺷﻮﻑ ﻭﻟﺪ ﺻﺎﺣﺒﻲ ﺑﻠﻜﻦ ﻳﻌﻴﻨﺞ ﺑﺲ ﻣﺎﻭﺍﻋﺪﺝ
ﺍﻱ ﺣﺒﺎﺏ ﺣﺘﻰ ﺍﺭﻭﺡ ﻭﺍﺟﻲ ﻭﻳﺎﻙ
ﻣﻴﻬﻢ ﺑﺲ ﺭﺩﺕ ﺍﻛﻮﻟﺞ ﺷﻲ
ﻧﻌﻢ
ﺗﺮﻩ ﺯﻭﺍﺟﻨﺎ ﺣﻴﻜﻮﻥ ﺑﻌﺪ ﺷﻬﺮﻳﻦ
ﺍﻱ ﻋﺎﺩﻱ
ﻳﻌﻨﻲ ﻣﺎﻋﺪﺝ ﺍﻋﺘﺮﺍﺽ
ﻻﻻ ﺍﺑﺪ
ﺯﻳﻦ ﻭﻭﺍﻧﻲ ﺗﺮﻩ ﻋﻠﻰ ﻛﺪ ﺣﺎﻟﻲ ﺧﺎﻑ ﺍﻗﺼﺮ ﻭﻳﺎﺝ ﺑﺸﻲ
ﻻﻻ ﺍﻧﻲ ﻫﻢ ﻣﻮ ﻣﺘﻄﻠﺒﻪ
ﺍﻭﻙ ﺟﺮﻳﺖ ﻧﻔﺲ ﺑﺎﻭﻋﺘﻠﻬﺎ ﻣﺒﺘﺴﻢ ﻭﻭﺑﺒﺎﻟﻲ ﻫﻮﺍﻱ ﺷﻐﻼﺕ ﺍﺳﻮﻳﻬﺎ ﻭﻳﺎﻫﺎ ﺑﺪﺍﻳﻪ ﺣﻴﺎﻩ ﺍﺭﻳﺪ ﺍﺑﺪﻳﻬﺎ ﺑﺪﻭﻥ ﻧﻘﺺ ﺑﺤﻴﺎﺗﻲ ﺍﻟﻤﻠﻴﺎﻧﻪ ﻧﻘﻮﺻﺎﺕ ﻭﻟﺰﻛﺘﻬﺎ ﻧﻨﻪ ﺍﻟﻲ ﺣﺘﻰ ﻣﺎﺣﺲ ﺑﻨﻘﺺ
ﻛﺎﻟﺖ
ﻟﻴﺶ ﻫﻴﺞ ﺗﺒﺎﻭﻋﻠﻲ
ﺗﺪﺭﻳﻦ ﺩﺍﺍﻧﺘﻀﺮ ﻳﻮﻡ ﻳﻮﻡ ﻧﺘﺰﻭﺝ ﻭﻳﺼﻴﺮ ﻋﺪﻱ ﻋﺎﺋﻠﻪ ﻣﺜﻞ ﺍﻟﻨﺎﺱ ﻛﺎﻣﻠﻪ ﻣﺎﺑﻴﻬﺎ ﻧﻘﺺ
ﺍﻧﺸﺎﺀ ﺍﻟﻠﻪ ﺍﺍﻧﻲ ﻣﻦ ﺍﻭﻝ ﻛﻠﺶ ﺍﺣﺘﺮﻣﻚ ﻻﻧﻚ ﻣﺤﺘﺮﻡ
ﻫﻪ ﺷﻜﺮﺍ
يتبع
#روووعه
أنت تقرأ
النوك الحمر
General Fictionقريبااا للكاتبه مريم السعدي لايوجد شي اسمه فوات الاوان الا بعد فراق الروح عن،الجسد
