فلتغفري لي محبوبتي

part 27

كادت ان تتركه و تذهب الا انه امسك بيدها بقوة يوقفها و قال : نرجع عشان وردة

كريمة و هي تنفض يدها : قولتهالك قبل كدا كان فين خاطر وردة قبل كدا

عمران : طب نرجع و نعيش مع بعض في بيت واحدة ولا هقربلك و لا اي حاجة و كمان هتنامي في اوضة و انا في اوضة وردة بتكبر و محتجانة احنا الاتنين وردو بنت يا كريمة و محتاجة تتربي في بيت كامل اب و ام فكري يا كريمة عشان خاطر وردة

نظرت له كريمة مطولا ثم تركته و ذهبت و ذهب هو خلفها ليتحدث مع والدها

*************************
نوال و هي تطرق باب غرفة كريمة : كريمة يا كوكو بابا ماهر بيقولك المأذون تحت انزلي

فتحت كريمة الباب لتطل بذلك الرداء الجاكول العادي عبارة عن بنطال من خامة الجينز ممزق و فوقها بلوزة من اللون الابيض و تركت شعرها منسدل علي ظهرها و لم تضع اي مساحيق تجميل و تحمل وردة بيدها : انا جاهزة

نوال : جاهزة جاهزة اية دي هدوم لكتب كتابك

كريمة : كتاب اية انا راجعاله عشان بنتي و انتي عارفة كدا كويس

نوال : يا حول الله يارب انزلي يا كريمة عشان متعصبش عليكي انا هديت كريم بالعافية .

نزلت كريمة الي الاسفل لتنظر له لتجده في اجمل صوره لتتغاضة عنه و تجلس حتي اخذ المأذون موافقتها و امضتها و تمت الاجراءات و اصبحت كريمة زوجة عمران مرة اخري اقترب هو منها و انحني قبل جبهتها و جبهت ابنته فنظرت له كريمة بغضب فابتسم لها بحب و اخذ منها وردة ليحملها

عمران : يلا يا حبيبتي

كريمة : لو سمحت متقولش حبيبتي انت بالنسبالي ابو وردة و بس وانا تناديني ام وردة او مدام البنهاوي و متنطقش اسمي خااالص

عمران : نبقي نشوف الموضوع دا بعدين اية البنطالون دا انتي شحتاه ولا اية

كريمة : شحتاه في عينك دي موضة

عمران : موضة دا انا اول ما شوفته قولت دي اتنتش منك في الباب و انتي طالعة من الاوضة

كريمة بخفوت : ابو زرافة اهلك

عمران : كريمة اتعدلي احسنلك و بطلي عند

كريمة : و هتعمل اية تاني هتضربني يعني و لا اية

عمران : لا يا حبيبتي مش هضربك يلا بقي نمشي

وردة بنعاس : بابا وردة بردانة و عايزة تنام

عمران : حاضر يا حبيبتي

كاد يخلع جاكته الا ان كريمة جلبت جاكت ثقيل لوردة و ارتدت جاكتها و ذهبت مع عمران الي الفيلا مرة اخري

حين دلفت كريمة الي الفيلا نزلت منها دمعه ساخنة علي وجنتها لكن مسحتها سريعا حين خرجت الخادمة ترحب بها