ترويض الشرسه

البارت الثانى

قامت ألين باالأتصال  بصديقاتها واخبرتهما بأمر سفرها ليحضروا  لمنزلها

جينا : سفر ايه دا اللى طلع فجأه كدا

(كانت ألين مستلقيه على السرير وممسكه بهاتفها ولم تجب عليها)

ليسا : ممكن تسيبى الموبيل دا وتردى علينا ؟

ألين وهى مازالت على نفس الوضعيه : ارد اقول ايه ...انا قولتلكم اللى حصل بابى كلمنى وقالى حضرى نفسك للسفر ل مصر من غير اى تفاصيل ل هروح لمين ولا هعمل ايه

جينا :ايوا احنا عايزين نعرف دا كله هحصل ليه انتوا بقالكم اكتر من 22 سنه مانزلتوش مصر من اول ما جيتوا هنا لية دلوقتى يعنى؟

ألين : معرفش
(ألين ماقالتش لصحابها اللى حصل لان هما السبب الرئيسى ان والداها يزعل منها وانه مبيحبش صداقتها بيهم ...واكتر من مره كان بيطلب منها تبعد عنهم فمارضيتش تزعلهم )

ليسا : طيب وبعدين يعنى لازم تعرفى منه السبب على الاقل

ألين: قولتلك مادنيش اى فرصه اتكلم ومن وقتها مابيردش عليا اصلا

جينا : والدك دا غريب قوى بصراحه

ليسا : خلاص بقى ي جينا اللى حصل حصل ...(وجهت كلامها ل ألين ) المهم حضرتى شنطك ولا لسه

ألين بغيظ : لسه ومش محضرة حاجه

ليسا : هو ايه اللى مش محضرة حاجه اومال هتعيشى هناك ازاى ..بطلى شغل الاطفال دا وقومى حضرى شنطك

ألين : مش محضرة حاجه الدولاب عندكم اهو وحطوا اى حاجه ان شاء الله تحطوا لبس نوم

جينا : خلاص انا هحضرهالك 

(قامت الفتيات بتحضير شنط ألين وجلسوا معها حتى يحين موعد سفرها  )

____________________

عاد حمزة للمنزل وجد والدته فى المطبخ لينظر لساعته ليجدها الساعه 11 مساءا

=هتف بذهول: ماما ؟ بتعملى ايه ف وقت زى دا فى المطبخ

-(قالت بأبتسامه ) بطبخ لبكره

=(قال وهو يجلس علىى طاوله الطعام الموضوعه بالمطبخ ) اشمعنا كدا ؟ حضرتك مبتعمليش الحركه دى غير لما يكون عندنا عزومه

-(قالت وهى تجلس على الكرسى المقابل له ) ماا هوو..(صمتت لوهله )

=فى ايه قلقتينى ؟

-انت عارف انت اكتر شخص بحبة فى الدنيا دى كلها صح  وعمرى مافرقت بينك وبين ألياس وانك مش ابن جوزى لا انت ابنى ياحمزة

=(أجابها بأبتسامة ) اكيد طبعا عارف، انا وألياس ولادك ي ماما ومفيش بنى ادم فى الدنيا دى كلها يقدر يقول كلام غير دا

-وربنا وحده اللى عالم انى بحبك قد ايه وبعتبرك ابنى اللى من لحمى ودمى ..بس فى حاجه فى حاجه انا مقولتلكش عليها