معتز .. رحمه الاهلج كافي مو موتيني شنو غير ممكن حفظتها .ربي ..
دخلنا المول وهي فرحانه .. دخلت اشتريتلها قمصان طوال لان قمصانها للصره ..
وشالات واحتياجات وهي معبسه معجبنها .. تريد قميص قصير ..
تالي گلتلها جوعانه تعالي ناكل .. گامت تباوع للاكل مخلين منيو ع الطاوله ..
وترطن تركي .. بفتيك .. سلطه .. بردك سو .. والنادل يباوع ويضحك وبصفنا طاوله بيها هم شباب وبنات ويضحكون واني دمي يفور ..
احجي عدل فضحتينا فهمنا بس السلطه ..
زحل .. ستيك وسلطه وكاسة مي شنو مو مفهوم ..
معتز .. اتباوعت للنادل گوتله واني هم مثلها ..
جابو الاكل واگلت .. واني اباوعلها واضحك عبالك مماكله ..
سحرتني عيناها الخضراوان ..
اصبحت اسيرا لنضراتها ..
جننني عشقها وبرائة عينيها ..
جعلت دقات قلبي تتسارع ..
وفي لحظة لااقوى على التنفس…
اشعر بأن العالم كله بيديها وانا اسيرا لعينيها ..
اتباوعلها وهي تاكل بشراهه .. اشو عدنا تاكل قليل .. اتباوعتلي .. گالت اريد بطاطس ..
گولتلها من نطلع اشتريلج اتأخر الوقت خلينا نمشي .. احس الكل يتباوعلها .. دفعت الحساب وطلعنا..
اريد اضمها بضلوعي ..
هاي شبيك معتز .. انت الي متهمك الدنيا وظاربها طول عرض هيج توگعك وحده ..
گلتلها بعد اذا تردين تطلعين وياي بعد متلبسين هيج ملابس ..
اتباوعت النفسها گالت مو لابسه حجاب ..
گلتلها .. ههههه هم حاسبته حجاب شامرته وطالع نص شعرج البني ع عيونج ..
زحل .. افففف سنتر ..
معتز .. اني 😡
زحل .. جووووك
معتز .. هاي الجوك شنو ..
زحل .. سننانيه ..
معتز الحمد لله فهمناهه دصعدي بالسياره اروح اجيبلج بطاطس واجي ..
زحل .. اتباوعله من بعد شلون يمشي .. امممم حلو ووسيم ..
اجه جايب بطاطس و دوندرمة ..
گال شنو تفضلين ..
گوتله الاثنين .. اخذت الدوندرمه اكلتها حسيت نفسي شبعت .. خبيت البطاطس للبيت اكلهم ..
معتز .. اتأخر الوقت وابويه يدوگ موبايلات ويعيط ..
وصلنا ساعه عشره للبيت ..
گال ابويه ليش هيج قلقتوني ..
دخلت زحل تاكل بالبطاطس ..
سألتها دنيا .. هاي شنو تاكلين ..
زحل .. بطاطس تردين ..
دنيا .. وييييع مشايفه بتيته سويها هنا واكليها .. لو الا من بره ومعتز وراج جارته لو صاير عليه شي ..
زحل .. هاي رجعنا مصار شي ..
معتز دخلت لگيت دنيا تتناقش اعرفها السانها طويل ماتسكت ..
خزرتها سكتت ..
دور صاحنا ابوي للاستقبال واجتمعنا ..
امي واخواتي رانيا ورحيق
وام فرح ودنيا ولينا ..
واني وزحل ..الشيخ .. شوفوا هذي الايام الوضع مايعجب ..
وهواي تصير مشاكل بيناتكم ومنابز .. اسمعن اني مشاكل عشيره احلها بساعه دور مشاكل بيتي مااگدرلها زحل هنا حالها من حالج .. مثل ماانتن بناتي هي بنتي ..
الي تجرحها وتسمعها حجايه ميصير طيب وقبل كولشي هي مرت معتز ..
ومعتز هنا بمكاني كلمته تمشي بالبيت والي تعلي صوتها عليها اگص السانها واحرمها حتى من المدرسه وخاصه انتي دنيا ..
ام فرح .. ياحجي ودنيا شعليها فوگ ماحظها حرمها من مدرستها وخطيبها وصارت مكسوره خاطر هيج تحجي عليها ..
الشيخ .. ام فرح الكلام هم الج موجه تراني صحيح مگاعد بالبيت بس ادري شيصير لاتطلعوني من طوري كافي عاد
زحل .. عمي الشيخ حجى هوايه بس نص فهمته ونص لا
بس الي عرفته ماانطه بيه ..
لان دنيا تباوعلي بحقد ..
معتز .. گمت بست راس ابوي وگتله ولاتزعل نفسك حجي .. الي تگوله يمشي ..
واشرت الزحل تگوم تبوس راس ابوي ..
وزحل فهمت باست راس ابويه .. اشرتلها ع ام فرح ماقبلت وعندت هههههه
صعدنا للغرفه .. گلتلها مو گتلج بوسي راس ام فرح عيب ..
زحل .. لو گايل ابوس راس ماما ام معتز .. اي احبها حبابه ..
بس هاي السعلوه ما ابوسها ..
معتز .. ههههههه حتى انتو بتركيا عندكم سعلوه ..
زحل .. لا هذا بابا كان يسولفلنا سوالف بيبي ..
معتز .. ها اي صحيح بيبيتي كانت تخوفنا بالسعلوه ..
اگلج يله اني نعست متنامين ..
زحل .. نام واني شنو ..
معتز .. عادي انام ع السرير ..
زحل .. بس لحظه شوف هذا فاصل بيني وبينك مو تتجاوزه لان البارحه وانت نايم كل ساعه واجيت يمي
معتز .. هههه اوك ..
زحل .. ايي گجلار ( تصبح ع خير )
معتز .. ها بدينا
زحل .. تصبح ع خير ☺️
معتز .. وانتي من اهل الخير ..
نامت واني بقيت اتمعن بصفاتها .. هي اصغر مني بهواي يعني طفله… بس ساعات احسها تفهمني وساعات احسها اصغر من رحيق اختي الصغيره ..
احساسي يجرفني بأتجاهه .. اگول مو هذي الي اتمناها .. وساعه اگول بنت عمي وصغيره اربيها ع ابدي ..
وبين هذا وذاك ضاع قلبي واحتار .. واخذ يصرخ من الصميم رباه ارحمني .. وأنرلي طريقي ..
لعلني اجد من يواسي قلبي الصغير .. الذي لايريد من الدنيا سوى حب صادق يسري معه بداخله بشرايينه ولايغدر به .. هذا مطلبي منك ياربي…
واني هم غفيت ع انفاس زحل ووجناتها الورديه الصافيه وشعرها البني الي نازل على عيونها ..
اتقربت شويه مع انه هي محذرتني بس ماصبرت وبأطراف اصابعي سحبت خصلات شعرها دا ابعدهم عن عيونها ..
فتحت عيونها وابتسمت ابتسامه خفيفه .. خفت تراجعتي بس بقت نظراتها ببالي وابتسامتها ..
آه زحل آه .. شسويتي بيه .. مااعرف شنو مصيري وياج بس الظاهر گلبي صف عليه وراح الج ..
اني هم نمت وماادري بروحي الا وگعدت ع عياط ومشاكلهن ..
طفرت ياستار ياربي البارحه الشيخ اجتمع وحجى ..
اتباوعت المكان زحل ماكو ..
عرفت وي زحل .. اووووف زحل دنامي المن گاعده من الصبح ..
