ماذا افعل؟!

اكره نفسي !

أتمنى لو كنت قوية !
انا هالايام صايرة أغار من اختي ، هي ما تسوي طلبات اهلي ، فتحت تلفون امي و اشوف المحادثة بينها و بين اختي كثيرة و دايم امي تبدا فيها ، و تسألها عن حالها ، انا لما افتح تلفوني ما ألقى رسالة من امي و دايم انا رسائلي انا أبداً فيها ، و بس اقول فيها انا ترا بنام تبين شي ، و امي تقرا و ما ترد ، في يوم من الايام انفجرت ، و قمت من المكان الي كنت قاعدة فيه مع امي لان كانت تسالني عن اختي و انا كنت بسولف معاها عن يومي ، بس كالعادة مافي اهتمام ، كلمت صديقتي و هي الي شجعتني على اني اكلم امي ، قلتلها يما لا تسأليني عن اختي هي تعرف تهتم بنفسها هي اكبر مني ، قالت : انشاءالله ، بس بوقتها كنت ابكي لان حسيت اني سويت شي غلط ، بس الصراحة ارتحت ، المهم مرت الايام و بعد اسبوع صارت عندنا جمعة ، قعدت عند خواتي و كانت اختي نايمة ، و كل خواتي يسألوني عنها بس تحملت شوي ، طلعنا مع امي و اختي قعدت بالبيت ، المهم لما رجعنا كلهم قاعد ينادونها و انا ما سالو عني ، انا رديت البيت قبلهم بـ ٣ ساعات ، بس ما سالوا عني و كانوا ينادونها ، انا رحت عندهم لان ما حبيت اقعد بروحي ، قعدت معاهم و خواتي راحوا عن الغرفة ، قعدت انا و اختي و امي ، انا كنت جنب امي ، فأمي كانت تدلع اختي مع ان انا طول الوقت ما قالتلي كلمه حلوة!، انا ما قدرت أتحمل هالشي فكنت اوري امي صورة و ما كانت فاضية لي كانت تدلع اختي ، قلتلها بصوت عالي : يما ترا انا قاعد أوريك الصورة ليش ما تردين علي وولا تشوفين ، شافت الصورة و كملت مع اختي ...، قالتلي :ريم شوي وخري ابي امد رجلي قمت من مكاني رحت غرفتي ابكي ما قدرت أتحمل ..، أتمنى لو كنت قوية و أتحمل ..