ماذا افعل؟!

البداية:

السلام انا اسمي ريم عمري ١٤ ، في البداية انا واجهت مشاكل كثيرة و دخلت في اكتئاب ، من قبل فترة صارتلي مشاكل مع صديقاتي و كانوا يألفون قصص و يتنمرون ، و ما كان احد يحل المشكلة عدل ، المهم اهلي وقفوا معاي كثير ، في بداية المشكله امي كانت مسافرة بس قدرت أتحمل ، الاكتئاب كان قوي بالنسبة لي كاول مرة ، فكنت ابكي لما اقعد بروحي ، و كنت اخاف لما اقعد بروحي ، كرهت الليل مع انه كنت احب السهر اكثر من اي شي ، و كنت انام ساعتين باليوم و كنت اداوم بدون ما انام ، و كنت لما اداوم ما أتحمل المدرسة لدرجة اروح عند الممرضة و اخذ دوا ، و صارت الممرضة تعصب و ما تعطيني لان هالشي مو زين ، و ما كنت اقدر اكمل دوامي بسبة الاكتئاب و البنات الي حولي ، و كنت أتمنى اخلص و أعدي المدرسة على خير ، من بعد هالسالفة ما وثقت بأحد !!