......كيتمشى من وراها و في عقلو بزاف ديال الكلمات...كبرياؤ بغى يتحكم فيه إلا أن هنا سيطر على زمام الأمور. حط يديه بحنان....ضارت عندو بخوف تحول في نفس الأحظة لصدمة... ضحكات بلباقة و رموشها الطوال زادو فتنوه سعد:حشومة بنت قسمي تمشي بوحدها. ضحكات و شرقات السماء بنجمة فاتنة قنبلة يدوية بريئة كتختارق القلوب و كتفجرهم . ......:حتى انا كنقول كيفاش هاد لجوهرة غادة بوحدها. شاف فيها بصمت و هي كتحاول تقرا تعابير وجهو و كدقق فيه و سهات في ملامحو دقنو لي كيوحي برجولتو و عينيه الحادة نيفو لي مرسوم بإتقان و هالاتو السوداء لي كيعطوه جمال فوق جمالو عرقو البارزة و شفايفو الحمرة حتى فيقها صوت ضحكتو الرجولية لي كتبعت الراحة و الطمأنينة في الأرجاء. سعد:ههه واثقة من راسك . .....:هههههههه هاد الجمال كامل و ما يثيقش في راسو. سعد:جوهرة يا جوهرة خربقتي ليا الموازين ديال حياتي شافت فيه بدون فهم أو كتصنع الغباء و هو يبادلها نفس النظرات لي جبدوها و ختارقو قلبها . جوهرة:مغرور مع راسك سعد: بالطبع فأنا كنبقى رجل شرقي جوهرة: اوا شنو هما شيم لي خصها تكون في الرجل الشرقي سعد: الغيرة .... الكبرياء.....الشهامة...الحب التملك....الغرور...الكرامة......الجمال سمعات الكلمة الأخيرة و هي تخرج فيه عينيها بتاسم بشوية بحال الى كيحاول يكالمي فيها .
سعد:جمال الروح ..و بزاف ديال شيم اخرين كيتقاسمها مع الجنس الذكري كامل. جوهرة: بعد لمرات الغرور و الكرامة و الكبرياء كيكونو عند الأنثى الشرقية كذلك.
سعد: وي عارف و حتى الغيرة الزايدة و حب التملك و التمرد
جوهرة:هههه أنثى حرة بإمتياز سعد: ههه حرية في حدودها جوهرة: هاد المقولة كتطبق حتى على الذكر سعد: الرجل كيبقى رجل واخا يدير لي دار أما المرأة نضرة المجتمع كتقتلها بالعرض البطيء. شافت فيه و حسات بالحكرة و عينيها كيرشفو بسهام ديال النار و هو بدورو كيتسنى هضرتها و يشوف طريقة تحريك إديها و عينيها...شفايفها...وجهها...شعرها. جوهرة: بطبيعة الحال المرأة عارفة حدودها لأنها ناضجة و واعية و عقلها كيتحكم في كل المواقف و ما كتخليش زمام الأمور لقلبها حيت بطبعها حساسة و الذكر حتى هو عندو حدود و الى تخطاهم تأنيب الضمير كيأتر و حتى المجتمع نضرتو قاصحة بالنسب ليكم و أنثى وحدة بعفويتها و براءتها كتقلب الموازين كاملين . سعد:ههه نقدرو نقولو كلامك من واحد الناحية صحيح و لكن باش تكولي أنثى وحدة تقلب الموازين راه غلط بحد داتو حيت راجل شرقي من طبعو الكبرياء و هاد الشعور يقدر يوقف الأحلام كاملين لتبناو في لحظة. شافت فيه بتساؤل و كتحاول تحلل هضرتو لي كلها رموز و شبه مفهومة . وقفو في نص ديال طريق لجو مغيم و البرد كيطير شعرهم هواء منعش،جو رومانسي للعمقين و محبي الخريف أوراق الأشجار كيطيحو و نقطات ديال الشتاء كيختارقو الأرض أحاسيس و كلمات كيتقالو في اللاوعي ، جمالها الأخاد لي كيشوفو غير هو ، و ذكائو الفاتك لي قدر يقتلها غير هي... شراستها القاتلة و هضرتو الموزونة بالنسبة ليهم سم بطيء المفعول . ^^^نهاية الفلاش باك^^^
ضحكات على غبائها المكتسب و على تيقتها لي تخدلات من طرف محبوبها مسحات عينيها الباهتين و كتساؤل واش باقة مجريتهم قاتلة كيف قبل شافت في النافذة لي قدامها و كتقارنها مع قلبها جوهرة: هههه قلبي طلعتي بحال شي نافذة شفافة سهلة الكسر. ••كنت أظن أن الذي يحبني سيحبني حتى و أنا غارقة في ظلامي..حتى و أنا ممتلئة بالندوب النفسية..حتى و أنا عاجزة عن حب نفسي ..سيحبني رغما عن هذا..و لكن لا..لا أحد يخاطر و يدخل يده في جب بئر..كلهم يريدوننا بنسختنا السعيدة..الظلام لنا وحدنا••
^^^فلاش باك^^^
عينيه في عينيها ، و أحاسيس جديدة تفضحات تفاصيل كتيرة تزادت فهاد المدة و اخرى تمسحات اعترافات بين الكتم و القول إديها الصغار الباردين محتاجين للدفئ و القلب المنكسر خاصو سند ، الشفايف كيرجفو بالبرد و كيتسناو قبلتهم الأولى ، وقف الوقت كيتسنى الإعتراف . شاف فيها و الضحكة مسيطرة على شفايفو قرب ليها ..و في الداخل ديالو حرب بادرة بينو بين كبرياؤ. سعد: جوهرة يا جوهرة دخلتي لحياتي بحال شي معجزة...ستحوذتي على أفكاري و على عقلي...خربقتي ليا لمنطق...كنسمع صوتك كنحس بقلبي كيدق...عينيك شوفاتهم كتجرجرني..ضحكتك كتشفيني...وليت بحال شي أرض كتسنى شتاء تسقيها باش تعيش..هضرتك و تمردك غرورك كرامتك قتلوني و حياوني ... شعرك سماء و انا وسط منها بحال شي نجمة صغيرة و نتي كتحميني من كلشي..شراستك كتقويني...بيوضة قلبك و صفاء روحك هما الأمان و السلام... غرقت في مجرية عينيك...عروقك البارزة كتزيد لوحتك جمال...شفايفك الكرزيتين عطاو لحياتي مذاق...عشقت ريحتك السبسيال و دمنتها...حنانك الآمومي سطاني....نقدر نقول بلي كنبغيك بكل سهولة و لكن هاد الكلمة ما كفيش حيت أحاسيس أكتر من الحب وصلت لواحد المرحلة التعبير ما بقاش كافي.
YOU ARE READING
°°°شظايا أنثى°°°💙مكتملة💙
Paranormal♡♡مقطع تشويقي♡♡ سرحات في عينيه و شيء من الرغبة الدافئة تملكتها كانت كدمية مخدرة بعيونو و هو تايه وسط عالمها لدمنو و عطاه الحنان و الموطن....كانت بنسبة ليه الأم الحنونة و الطفولة المسلوبة و هو بنسبة ليها الجنة و الموطن و السند و نصف الروح بل الرو...
