((محطات من الماضي)) #الحب_الحقيقي الجزء الرابع /٤ ... بالبداية جان مجرد إعجاب او يمكن تقربت منه حتى اعرف اشياء عن ظافر وانتقم منه شويه شويه تعلقت بي بعد ما اصبر على فراگه من اشوفه احس بي أماني ووطني ومن ابتعد عنه احس بفراغ وضيگ واختنگ لحد ما التقي وياه يلا تردلي روحي معقوله هيج مشاعر هيه مشاعر الحب؟ مرت الايام وكل يوم تجدد علاقتنه وظافر مختفي ماله أثر خفت من اختفاءه هالمره يمكن يدبر سالفه جديدة لو منتظرني اراسله واعتذر منه لو تطلع روحه ماسويها حسن لازم يعرف كلشي مكدرت اضم عليه بعد اذا اسكت ضميري يأنبني وماريد اخدعه لحسن اتصلت بي ماتحملت حسن ضروري نحجي بموضوع مهم هلا بالحنينة هلا بهالصوت الحنين حسن دا احجي وياك شبيج حبيبتي صاير شي مو كل يوم يمج ياعمري وأخذج للدوام واليوم عفتج وردايه ومفتحه ارجوك باجر لازم نحجي بموضوع حساس شويه زين احجي هسه لا مااكدر باجر وره الدوام اوووف شيصبرني لباجر شيجيبك يباجر ضحكت حبيبي شنو راح تغني يلا خل اروح باجر نتلاگه نفس الموعد ماشي حبيبي ماشي حنونتي الليل كله افكر شلون افتح الموضوع وياه خايفه من ردت فعله مهما كانت بكل الأحوال اني استاهل اللي يجرالي راضيه بكلشي اهم شي ماخدعه ولااكذب عليه وبنفس الوقت خايفه من ردة فعله كملت الدوام ثاني يوم ورجعت صعدت بسيارته وگفنه بمكان كل مره نوگف بمكان شكل حتى لانلفت انتباه الاخرين تقرب مني باسني ااااخ شلون إحساس حضنته وبقينه نشم بعض دقايق حسن تحبني لدرجه تتحمل اللي راح اگوله هسه رجع بمكانه وعدل شعره گولي حنين اسمعج حسن اني حبيتك ومامكذبت عليك من البدايه بس ماتحمل اضم عليك بعد رفع حواجبه واشرلي يالله الكلام شلون صعب بذيج اللحظات غمضت عيوني ولزمت ايديه اثنينهم حسن اني بذاك اليوم اللي اجيت أنته وأخذتني من المستشفى ووصلتني لبيتنه جنت وي ظافر ب.. قاطعني وگلي.. اعرف .. فتحت عيوني وخنزرت عليه تعرف؟؟ وشتعرف بعد انتي گوليلي شصار وشنو اللي ردتي تگولي حسن تره ظافر غدر بيه واخذني للشقه أووو ... بقه جامد بمكانه حتى ايديه بقت لازمه ايديه بدون اي تصرف منه وخرت ايديه اني واستغربت حسن جنت تعرف كولشي؟؟ شدتحجين انتي طبعاً لا توني عرفت منج التفاصيل بس جنت اعرف ظافر يحبج وعدكم علاقه ويطلع وياج بس متوقعت يخدعج لدرجه إنه ينفرد بيج ويضحك عليج و... ايي؟؟ ليش هيج حنين؟؟ لييييش؟؟ انتهت علاقتكم لو بعدهي عفتي لو بعدكم سوة ؟ گولي لاتسكتين معرفت شجاوب سكتت بس صدوگ متألمه وقتها حتى الهوه مكدرت اتنفسه حسيته انقهر عليه حنين انتي هسه وياي والي وملكي طول الوقت سوه اني وياج وظافر عنده حياته الخاصه وموبحالج صدگيني ماوعدج بشي هوه گلك هالحجي ؟؟ جرني من متني وعصب لج بابا ظافر عنده عائلته زوجته وبيته وما فارغلج تسله بيج وخلاص عافج حسن شنو هالحجي نزلت دموعي بلا ماحس مسحهن بيده تبجين عليه؟؟ بعدج تحبي؟؟ اخذت نفس قوي لااا حسن أصلا ماحبيت غيرك انته اني حبيتك انته خلاص لعد انسي ظافر واني هم مايهمني اللي صار لان غصب عنج مو برضاج حسن بس ظافر اشششش كافي فهمت وماريد اعرف اي شي بعد واذا عندج مشاعر تجاهه روحي اله مامنعج بس صدكيني مايفيدج يعني ظافر خدعني هواي وطلع متزوج؟ حنين تره بسيارتي وصلت زوجته لمستشفى الولاده جابت ولد وشهر رايح راد اتسوگلهم للبيت لان مسافر جان بشغل ووصاني عليهم بجيت بالزايد خله راسي بحضنه قوي وباسني براسي اهدي وانسي فدوة اروحلج حنينتي رجع باسني وهالمره راح زايد حسيت بجنونه دفعته مسحت دموعي ورجعت ابتعدت عنه درت وجهي للشباك تردين ارجعج للبيت ياريت حسن وبسرعه ماشي مثل ما يعجبج رجعني حسن وراح وبقيت بيومها كله بس ابجي واراجع الايام والشهور اللي ضيعتها وي ظافر وشكد جنت مخدوعه بي ليش هيج غبيه اني ليش ليش ماانتبهت ولاسألته والغريب صاحبه حسن طلع يعرف كلشي مو بعيد مصورني لو حاجيله التفاصيل لو يمكن حسن منتظر دوره وياي والغريب اختفاءه بعد آخر مره حجينه بالواتس دماغي تعب وأحس بنفسي منهكه اتصلت بالمؤسسه طلبت اجازه ودزيت رساله لحسن كتله ماروح للدوام باجر طلبت اجازه هو هم قره الرساله ومارد النهار كله الوج ومامستقره اريد اراسل ظافر واهينه ببالي اجمعهم اثنينهم واواجههم واكشفهم بس ارجع اتذكر انو حسن ماضرني ولاأذاني وكلامه كله واضح بخصوص ظافر وكشفه الي جان بقيت مخدوعه بي كل شوي افتح الجهاز ماكو رساله من حسن لهيت نفسي ومضى اليوم بصعوبه ثاني يوم طلعت الصبح للدوام استغربت سياره حسن موجودة بس مو حسن بيها منو هذا اللي ديسوق !!! .... يتبع ..
Oops! This image does not follow our content guidelines. To continue publishing, please remove it or upload a different image.
