- انا مش صغيره عشان حد يجي يعلمني اعمل ايه واقول ايه انا مش صغيره عشان تقعد تتحكم فيا وتقولي اعمل ايه ومعملش ايه
- روما الناس هتتفرج علينا
قالها إيهاب وهو يحاول تهدأتها لتردف بحنق
- ملوش حق يتكلم معايا نص كلمه يا إيهاب آآآه
قالتها عندما امسك عضدها بعنف وهو يجز على أسنانه بعنف مكملاً
- احنا عيلتنا رجاله منسمحش لحريمنا حد يمسكها وإذا انتي فـ بلاد برا اتعلمتي غلط هنا هنربيكي
تقدم حسام للتفرقه بينهم وهو يردف بهدوء
- يا جماعه المطار هيتلم علينا عيب كده
أفلتها إياد رغماً عنه ثم ذهب الي السياره وركب دون ان ينتظرهم أخبر حسام إيهاب بأن يركب ويهدأ روع إياد قليلاً.
- انتو جايبني هنا عشان اتهزق يا جماعه
قالها حازم بضحك وجديه في نفس الوقت لتردف روما باعتذار خفيف
- انا اسفه يا حازم والله سامحني
- انتي مالك يا ستي
بدأ حسام يرفع الحقائب الي السياره بساعده حازم بينما جلس إيهاب بجانب إياد وهو يردف
- مينفعش تستقبلهم كده
- إيهاب بعد اذنك مش عايز اتخانق معاك انت ترضي ان حد يشيل اختك ولا حد كده
- لا مرضاش بس هفهمها براحه
- يا سيدي احنا دمنا حر معندناش تفاهم
ركب حسام في الأريكه الخلفيه بجانب رحمه والتي أمامهم ركبت روما بجانب حازم ثم بدأ إياد بالقيادة الي منزل والده قطع الصمت حازم وهو يردف بأنبهار
- واو يا رومي فعلاً مصر حلوة زي مانتي بتقولي!
- انت أول مره تيجي يا....
قالها إيهاب بتساؤل ليردف هو مستكملاً بابتسامه خفيفه
- انا حازم يب ديه اول مرة اجي هنا
- يابني انا عمري قولتلك حاجه وطلعت غلط؟
قالتها روما بفخر ليرفع هو طرف شفتيه بسخريه مستكملاً
- غلط؟؟ تحبي اقولك كل الحاجات اللي قولتيها وطلعت غلـ...
قاطعته روما وهي تمسك فمه مكمله بابتسامه سخيفه واستعطاف
- ياه يا حازم قد ايه انت جدع وطيب
- بص يا كابتن حازم احب مقولكش ان انت مستحلف لروما يعني انا بهدي النفوس عشان لو كنت ناسي ولا حاجه
الفصل الواحد وعشرون
ابدأ من البداية
