الحكيمة المجنونة

ثاااارد

ليلى : ايييي ماقلت والو

كملو تعشاو ليث راح للشومبرة تاع نجوى طبطب نجوى : ياااااو خليييييونييي نرقد على وجه ربي😠
ليث : دقيقة برك مانطولش

نجوى : امممم راني راقدة مثلاا🙃

ليث : اني داخل مثلاا

نجوى : بف اوك

دخل ليث و راح قعد توالها

ليث : واش مصيبة من وكتاه و نتي ماتاكليش معانا و ماتهبلينيش حتى تخرجلي الماكلة من نيفي اااه

نجوى ( وهي ماهزتش رأسها طول بسك جامي تبهدلت معاه ) : امممم جعت كليت برك ماقدرتش نستنا

ليث : دنقي في وجهي

نجوى ( في داخلها ): ياحبيبي دورناها الإخوة الاتراك اوفف اخر همي اااااع😫

ليث : شوفي عمبالي راكي حشمانة مي معليش بسك هاد الحاجة دارها ربي ( مود أخينا )،و ديجا قوليلي يسما كون ميش الطماطم هاديك قصدي الطفلة كون تبهدلتي مع الناس اوكل ياك

ياختي كون اوموان قلتيلنا روحو وحدكم نشري عفايس و نجي و ان شاء الله ماتلحقيش لهاد المواقف نعرفك حاجة ما تغيبلك

نجوى ( في داخلها ) : زيد كمل على جدي نتا تاني اعععع ميسيز الارض معليش تتحلي حابة نشوف البؤرة تاعك بغك باليز

نجوى : اممم اوك la dernier foit

ليث : هههههه اوك و بالشفا

نجوى تبسمتلو و رقدت و هو خرج

[صح هوما كي الخاوة بسك ترباو مع بعض و ديما يتمهبلو مع بعض مي مدايرين احترام و قيمة لبعضاهم مالغري مابيناتهمش بزاف]

راح لبرا يشوف صحابو و النسا لمو الحالة و راحو يتفرجو مع بعض

ركب ليث لمبرغيني تاعو لي دارتلو ثقب الاوزون في قلبو باه قدر يشريها  و

راح طيااارة توال صحابو

هبط ليث : سلام لي زوووم 😀

تيم : اووووووووووووووو شكوووون جاااااا اهلا اهلا ليزوووم سافااا توحشناك اسيدي

أمين : واش لغيبة هادي ماتعيط ماتسقسي شكون نساك فينا ياوحد الكلب ااااه

( تيم و أمين ليزانتيم تاوع ليث مع بعض من يامات السيام)

ليث : سكت علينا لانجيبلك على الراسة نتا

شوف أتعلم من تيم الأدب يقطر يامحينك

المهم واش لاباس

تيم و أمين : خير منك

ليث : هههه بيان و لخدمة مريقلة

تيم : كنت راح نتشوكا كيفاه ليث ماهدرش على الخدمة مي نتا بسلامتك ماتحبش تخليني نتشوكا واوو

ليث : نخاف تطلعلك لاطونسيون عمري😉

أمين :😑هل أصبحت gay

واقيلا اثرت فيك لبلاد بزااااف تيم غدوة نروحو نرقيو للطفل ياك🤔

تيم : ياااحوجي وخضوني في صاحبي يااااا حي عليااا

ليث : تسكتو ولا نولي منين جيت 😐

تيم و أمين : بابااااي😏😏

دار ليث و هو يحسب منا للعشرة يستنا في الضربة منين جيه

.. ربعة....... تسعة عشر...

ليث(وهو حاكم راسو) : اي ن&&@"٩£٧٧ 😠😠 شكون الحلوف فيكم لي خبطني يا الرب صرعتوني ريحة التقاشر تكتل😷😷 اووووو للدرجة هادي لاعلاقة بالنظافة يعني

أمين ( وهو يلبس في صباطو) : باه تتربا و

ماتزيدش تعطينا بظهر كي نعودو قاعدين

ليث : الشيعة طبيب هايا قوللي كون جاني ارتجاج في المخ

أمين : ريح بركا من التخلاط😒😑

ليث : بفف اوك هايا نروحو لكاش بلاصة عييت من الوقفة

راحو لجماعة للحانوت تاع اخ تيم و قعدو سهرو مع بعض سوجي يجبد في سوجي تقرعيج و لهدرة كثرمن النسا حتى خلاااص عياو و كل واحد راح لدارو رقد، الا ليث بسك كي روحو ضربها بغيبوبة ماقدرش يرقد ايا قرر يضرب تور للبيرو تاعو مالغري راهو كونجي مي حب يروح

ليث : جاءك الموت ياتارك الصلاة(تحية لاناناسة) 💀💀

نوووووض مسلكك باه ترقد

العساس : ااا موسيو ليث اسمحلي غفات عيني

ليث( تخنزر فيه ): مام انا واقيلا راح تغفا عيني عليك اخر مرة سمعت

العساس : حاااضر

ليث شخصيتو في الخدمة ميش كيما شخصيتو مع اهلو و صحابو تقدرو تقولو كل بلاصة عندها كارها مقدرها يعني و في الخدمة مزير لدرجة لا توصف ديجا كي سمح للعساس هادا حقو عرس
المهم دخل راح للبيرو تاعو ديراكت لقاه نظيف و كيما خلاه( يعرفوه مهبول و ماعندو وين يدورلو) شاف دي دوسي و عاود سقمهم و خرج روح للدار

دخل راح لشومبرتو ديراكت. حل تيليفونو دخل قرعج شوي كان راح يرقد و تفكر بلي نسا ماعيطش ل ........

In algeria

....

---------------------

يوهوهوهوهووو مليحة تاع تحبسي في لقطة مهمة المهم قوليلي في رأيكم واش نسا

طشاااو