الم العشق 💔

part 3

لين . طلعت من الامتحان جان اشوف 😳

flash back.
محمد. خابرني ولد وكلي عندي شغله الك تعالي الساعه ب10 طلعت ب10 سلمت عل امي بس امي وجهه مخطوف

سهر. كعدت لكيت لين رايحه ابوها طلع ب7 وخوانها نايمين كمت اشتغل ب9 ونص ولين ماكو وجان يجي محمد وجهي صار اصفر بكللبي ( شكعدك من الصبح ) كلي عندي شغله نص ساعه وراجع كتله الله وياك

محمد. طلعت وفتت من يم مدرسه لين وجاي اشوف لين تحجي وتشاقه ويه البنات اندارات شافتني كاعد بالسياره نزلت وكتلها تعاي هنا

لين . من طلعت من المدرسه جاي نحجي اني وصديقتي اريدها تخلص علمود اروح خاف اتاخر نداريت لكيت اخويه محمد صاحني اجيت عليه

محمد. اصاعدي بالسياره ماريد اسمعلج لا صوت ولا نفس

لين. محمد بس افهمني بس يخلصن امتحاناتي وحق الله اني بعد ماداوم

محمد . واني شكلت عمرج 18 سنه وتكسرين كلمه ابويه
(الاحداث قبل سنتين )

لين . صعدت بالسياره وإني اعرف شنو نهايتي كلش زين وصلته للبيت صليت بس استشهد واستهدي ياالله بلكت تعدي عل خير وصلت لزمني محمد من شعري وسحلني سحل وإمي تبجي وتعيط عليه وهوه ولا جنه موتني تموت أخر شي فقدت الوعي

سهر. عزا العزاك كتلت البنيه لان راحت تمتنحن المفروض تخاف عل مستقبلها مو تكتلها كوم امشي نروح للمستشفى كوم عزا العزاك

محمد . بعد ماكتلتها ونغمه عليها خفت ورجعت ليوره امي كامت تصيح سندناها اني وامي ودينها للمستشفى

الدكتور. البنيه متعرضه لحالت صدمه وضرب عنيف حتى رأسها يجري دم منو كتبلها هيج لو جانت مخطوفه هاي الشي يضل يم الشرطه هيه تتفاهم وياهم وتحجيلهم القصه

محمد. إن شاء الله دكتور خفت لا تكلهم عليه واروح بالرجلين من ورا هاي العار دخلتلها الغرفه بس تبجي كتلها والخلقج بعدج مشايفه شي اذا حجيتي عليه كلمه وحده صدكي طلقه وحده براسج هواي عليج

لين. اجه محمد يهدد بيه خفت ومحجيت اساسا

علي. رحت للمدرسه لين ضليت بس ارقبها اخاف عليها خاف البنات يكلولها شسوين واكفه يمه ضليت اباوع عليها بعدها تغيرت ملامحها وبين عليها الخوف لكيتها تباوع عل اخوها تذكرت هيه كالت راح امتحن وارجع بدون ميدرون اهلي تخبلت راح هالمره يخلصون عليها ضليت امشي وراهم طبو للبيت ماكو صوت معقوله عافوها ومسولها شي والله ضليت بساعتين ادك عليها متشيله ادز رسايل ماكو كلت الا تجاوب عليه عاد كمت اريد اخابرها جان يطلع اخوها وامها سانديها وجها صاير ازرك من الكتل وجهي نخطف كلت الا اندمه ضليت امشي وراهم وكتلهم اني اشوف سالفه هالبنيه وفعلا رحنه اني واثنين ولد وصلته للمستشفى

محمد. وصل الضابط كشخه هذا شكله

ملاحظه (صوره هذا الضابط حقيقه بس ماله اي علاقه بالقصه بس شكل تقريبي للبطل لان القصه اساسا من نسج الخيال )
علي. انت اخو البنيه الجو المتعرضه بضرب عنيف

محمد. اي نعم اني اخوها

علي.امم خوش ابقه برا ولااحد يدخل بين ما اخذ إفادتها دخلت جوه وسديت الباب ورايه دايره وجهه عل الجامه وتبجي كتلها شبي الحلو يبجي

لين. سمعت صوت الباب نفتح مدرت راسي سمعت صوت علي يكول شبي الحلو يبجي كتله علي

علي. عيون علي بعد كلبي منو مسوي بيج هيج

لين. يمعود اطلع والله اذا درو بيك يكتلوك ويكتلوني اطلع ماعايزه كتل

علي. شبيج اكلتيني بكشوري اني اساسا الضابط المسؤول عل قضيتج

لين. قضيه شنو

علي . قضيه ضربج منو ضربج اكيد هذا اخوج البرا مبين من شكله متوتر

لين. علي الله يخليك عوفه والله اذا أخذته يموتني خلاص الله يخليك

علي. عايفه بس شمسوي بيج صايره كمر ازرك 😂😂.

لين. هيه وما تحشيش متشوف اخيتك شلون مكتوله كتله

علي.ضجت من كالت اخيتك وكمت هاهيه راح اكلهم وكعتي واكتب اي شي بالسجل مابيج غير العافيه ومن توصلين خابريني عفتها وطلعت ردت اكلها ( مابيج غير العافيه المابيه 🙁🙁💔)

لين. شو هذا طلع ضايج مدري شبي اني هم مالي خلك

علي. محمد

محمد. نعم حضره الضابط

علي. تفضل ويايه

...........................................................................
معقوله علي حياخذ محمد للسجن ؟