إيهاب:يافرخة رواند يافرخة
رواند:نعم خيرك🙄
إيهاب :ساهرة حتى انتي اليوم
رواند:اي قاعدة😊
إيهاب:هيا امالا شغلي فيلم
رواند:اهوا رعب عادي مانخافش منه
إيهاب ضحك:عارفك انا را
رواند مدتله حكة مشروب:خود هاك
إيهاب خداهم:حقا ب
رواند:لالا لين ايجي الفاصل ماتقاطعنيش
إيهاب تأفأف: اهي بتبدا في جو الإدمان من توا😒
بعد نص ساعة
إيهاب:حبي ،اسمعني بنقولاك
رواند:غير من امتا😉
إيهاب:يا هبلة انتي عندي موضوع فراسي
رواند:خطوبة😉
إيهاب:تفهميها وهي طايرة😌،انا قلت لجوجو وقتلها من هيا ،وانتي
رواند:حتى انا تبيني انفكر😝
إيهاب:لالا عارفتها انتي
رواند:اهه،ميرال😌
إيهاب:ومن غيرها
رواند:خلاص غدوة نفاتح ماما ب الموضوع واكيد هي مش ح ترفض،تمام هكي،وعارفتكم انت واياد تطوني ع الموتضيع اهيا😂💔
إيهاب من فرحته جبد رواند ليه وقعد يدغدغ فاها😅:نجك ليا انتي يا احلى اخت،سمعتك شن قلتي را ،المهم ما انكدش فرحتي😌
رواند تضحك:خلااص يا إيهااب ،يااساار ،ووواك بطنيي،ندمت اني وافقت تعرف🤐
*********************************الساعة 8:30 صباحا
عند نورس
ناضت ورتبت سريرها،دارت عليها الوضوء وخدت دوش،فتحت دولابها طلعت منه بلوزة عنابية لفوق الركبة وكمامها مشدودات ،و سروال سماوي مع ساعة سماوية،إشاربة بيضاء و عليها ورد وفراشات بالعنابي والسماوي،مع شنطة ظهر بيضاء وشوز أبيض وخدت أدواتها وفونها وطلعت
فتحت باب جناحها ونزلت للفطور
صبحت على أمها وبوها وفطرت شوية وطلعت
اليوم كأنه أول يوم كلية بالنسبة ليها
تفكر كيف حتفوت غدير وقت ما حتسألها إنتي خيرك متغيرة معاي يانورس🤔
أو ممكن تنجر وراها وتتبعها في كارثة 🔥 وحتقعد تهدد فيها بيها في حالة رفضها🗣
إرتباك وسرحان مع خذلان من أقرب شخص🙍
كان هدية ليها من الدنيا🎁
قعدت تمشي وتمشي لعند كا وقفها صوت نزار ينادي
نزار:يا نورس تعالي
مشتله نورس وهي خايفة
ومتحشمة من آخر عمايلها ومنزلة راسها لوطة وعيونها تحتها
نزار قاملها راسها وباسها منه:صباح الخير نونا
نورس:صباح النور
نزار:من بكري وانا انادي فيك وين كنتي سارحة؟
نورس:أنا
نزار ابتسم:اي انتي امالا انا ،يتهنى الي واخد عقلك😉
نورس :لالا مش هكي😄،ماه انا كنت ندور عليك وهكي،نزار
نزار:نعم
نورس:تعرف يانزار انه انا مهما غلطت فيك وحاولت اني نديرلك مشاكل تقعد انت خوي ومافيش من أطيب وأحن منك،نزار انا آسفة
نزار:لالا عادي ما ادوريش،جل من لا يخطئ وحتى انا غلطت في حقك بأني ضربتك ،تعرفي كان المفروض أنه نتعامل ةعاك بطريقة غير،حقا بنقولك
نورس:نزار أنا
نزار:اسمعيني قبل وبعدها تكلمي
نورس:نعم
نزار:انا حولت ملفك وسحبته لكلية ثانية غير اللي كنتي تقري فاها
نورس انصدمت:لالا انا مانبيش ننقل لمكان ثاني،انا قداش تعبت وعانيت باش نقرا قانون من الأخير انت تحرمني منه 😢،لالا انا مانبيش هكي يانزار علاش ماقلتش قبل ما اديرها?
نزار:لا يانورس مش هادا كان قصدي
نورس:امالا شن
نزار:أنا سجلتك لكلية ثانية غير اللي تقري فاها انتي،كلية جديدة ومكانها قريب وأقل مشاكل ودوشة،تقدري اديري فاها صداقات جديدة وأفضللك من غدير صاحبتك الي جراتك وراها
نورس فرحت وتعنقت نزار:ايي😊،شكرا شكرا ،يا أحلى أخ في العالم
YOU ARE READING
ثامن عجيبة💓Eighth Wonder
Teen Fictionرواية باللهجة الليبية تحكي عن فتاة طموحة ولاتهتم بشيء سوى دراستها، وبينما كانت تطاردها عصابة في أرجاء مدينة نيويورك🛠🗽 أنقذها ذاك الشاب العسكري😍💓 suddenly بدون سابق إنذار يقعان في حب بعضهما 💘 ولنهما يكابران ولا يريد كلا الطرفين أن يعترف للآخ...
الُبّارت الرابع والعشرون24
Start from the beginning
