لمياء : الحق يا استااااذ كريم الاستاذ مصطفي اغمي عليه في المكتب
كريم وساره : اييييييييييييييييييييييييييييييييه
كريم : انتي بتقولي ايه بابا وقام بسرعه جري علي مكتبه
ساره طبعا هي كمان وراه ...
كريم جري علي ابوه وزعق اتصلو بالاسعاف بسرعه : بابا رد عليا انت سامعني
ساره : فيه نبض متقلقش هو مريض بحاجه
كريم : عنده القلب
والاسعاف جت واخدته
في المستشفي كريم وساره منتظرين وسمر ونهي عرفوا وجم كمان
الغريب بقي ان نهي وسمر كانو متماسكين وبيقروا قران لكن كريم كان عصبي ومش طايق حد وبعد فتره الدكتور خرج
الدكتور : الحاله مش هكدب عليكم كان انسداد في الشريان والحمد لله لحقنا نتصرف بس طبعا لسه الخطر موجود لازم يفضل في الانعاش شويه
كريم : انت بتقول ايه يا دكتور انت بتكدب صح اه بابا عنده القلب بس عمره محصل كده له
الدكتور : للاسف ده الي حصل والانسداد فعلا لانه اول مره قدرنا نتصرف الحمد لله احنا هنعمل عمليه وهيبقي كويس بس هو يخرج من النعاش عشان نقدر نعملها بس
كريم : انا ممكن اسفره بره
الدكتور : صدقني بره زي جوه ربنا بس يقدم الي فيه الخير
كريم حس ان الدنيا بتتهز قدامه قعد علي الكرسي وهو حاسس انه مش شايف قدامه
نهي وسمر قعدوا يدعوا ربنا ويطمنوا نفسهم
ساره راحت لكريم لما لقته منهاااااااار كده : اهدي يا كريم ان شاء الله خيييييير
كريم : بقولك ايه ابعدي عني مش ناقصك خاااااااالص
ساره : طب ممكن اطلب طلب
كريم : عايزه ايه مني
ساره : قوم صلي ركعتين لله كده
كريم : نعممممممم انت فايقه وجايه تتنططي عليا ساره ابعدي عن وشي الساعه دي
ساره : انا مش فايقه انا بقول قوم صلي ركعتين ومش هسيبك غير لما تقوم رخااامه بقي
سمر ونهي : قوم يا كريم اسمع الكلام يا ابني
كريم محسش بنفسه قام واتوضي وراح يصلي في مسجد المستشفي
واول ما خلص سجد لربنا وقعد يبكي جاااااااامد وطلع كل الي جواه من توتر وقلق وخوف
وساره كانت منتظره بره واول ما خرج
ساره : بقيت كويس دلوقتي
كريم : انتي مين عرفك اني ههدي لما اصلي
