صعيدى اقتحم حياتى ( بقلم اميرة جمال )

بارت 5

#صعيدى_اقتحم_حياتى
#الحلقة 5
بعد كلام سماح ادم مابقاش عارف يعمل ايه بالظبط يشك فى جانا فعلا ولا كلام سماح ده بسبب غيرتها مش اكتر لانه عارف انها كانت بتحبه من زمان وهو اللى مش راضى يتجوزها فضل فى تفكيره كتيير لحد ماقطعه عليه صوت الغفير بيطلب منه يروح لجده محسن
ادم:نعم ياجدى
محسن:فينك اكده ياولدى
ادم:كان عندى تليفون للشغل مهم مش اكتر
محسن:شغل ايه بس الليله دخلتك يغور الشغل
ادم:خلاص ياجدى خلصته وفضيت اهو
محسن:مالك ياادم صوتك مش عاجبنى كأنك مهموم
ادم:لا ياجدى انا بخير الحمد لله
محسن:انا هتوه عنك ياولدى ده انت تربيتى
ادم:بيفكر يقول لجده لكن اتراجع لانه ممكن يكون كلام سماح كله كدب وكمان ماينفعش يقول حاجه زى كده على بنت عمه حتى لو كان حقيقى..تسلملى ياجدى انا بخير صدقنى
محسن:بشك يارب تكون بخير دايما ولو فيه مشكله ولا حاجه اركنها ياولدى وافرح ماتخليش اى حاجه تعكر مزاجك ابدا
ادم:حس بالراحه من كلام جده وراح باس ايده وقاله ربنا يخليك لينا ياجدى انا هطلع لجانا بقا
محسن:تمام ياولدى وماتنساش ترمى المنديل انت عارف بقا عوايدنا سماح بنت عمتك اول ماوصلوا عملوا اكده وانت كمان لازم تطمنهم على جانا
ادم:لا ياجدى جانا مش متربيه هنا مش هتعرف الكلام ده وكمان هى لسه ماتعرفنيش ماينفعش اطلب منها حاجه زى كده انا اكده هكون بأذيها
محسن:ماتخليش حبك لجانا يخلى قلبك ضعيف كده ياادم
ادم:حس انه بقا فى دنيا تانيه من كلمة جده(حبك)معقول انا احب جانا ازاى وامتى لالا مستحيل دى كمان ممكن تكون كانت بتحب حد قبلى مش هنسي برضو انها مهما كانت عاشت فى امريكا وفاق ادم على صوت جده
محسن:هتعمل ايه ياولدى
ادم:انا مش موافق ياجدى
محسن:واهل البلد هنسيبهم يقولوا بنت عمك فيها حاجه عفشه لانها تربيه بره
ادم:تنفس بضيق وقاله حاضر ياجدى حاضر هتصرف واستأذن وطلع عند جانا
ادم خبط على الباب ودخل
جانا:كانت متوتره واول ماشافت ادم قلبها فضل يدق بقوه
ادم:اول ماعينه وقعت على جانا مااقدرش يشيل عينه من عليها وشافها فى الفستان شبه الاميرات وقلبه فضل يدق بعنف وكأنه بيعلن عصيانه مابعدش نظره عن جانا الا لما لقاها بصت فى الارض وحس بكسوفها من خدودها اللى بقت شبه الفراوله
ادم:تنحنح مبروووك ياجانا
جانا:بكسوف الله يبارك فيك ياادم
ادم:شوفى انتى هتغيرى هدومك هنا وانا هدخل الحمام ولما تخلصى قوليلى علشان نتوضا واصلى بيكى
جانا:انت خليك هنا وانا هدخل الحمام هاخد وقت عنك
ادم:تمام اللى يريحك
جانا:اخدت هدومها ودخل الحمام فضلت عشر دقائق تحاول تفتح فى سوسته الفستان لكن مافيش فايده كانت معلقه معاها وحست بكسوف انها تطلب من ادم ففضلت تحاول تانى واخر مازهقت خرجت من الحمام
ادم:لقى الباب اتفتح وجانا خارجه زى ماهى قلق تكون تعبانه او حاجه كان متسطح على السرير قام بسرعه ناحيتها وبقلق واضح فى صوته...مالك ياجانا تعبانه او حاجه
جانا:بسرعه لالا كويسه
ادم:طيب ليه ماغيرتيش هدومك وزى ماانتى كده
جانا:بااحراج عضت على شفايفها وقالتله وهى وشها فى الارض مش عارفه افتح السوسته من بدرى ممكن تناديلى واحده من الخدم
ادم:ابتسم من كسوفها وقالها بخبث انادى حد وانا موجود برده وماستناش ردها ووقف وراها وبدأ يفتحلها السوسته بالراحه وايده بتلمس جسمها وانفاسه عند رقبتها وجانا حاسه انها هتموووت من الكسوف واول ماخلص
جانا:بتلعثم..ش شكرا وهى باصه فى الارض وبتعض على شفايفها
ادم:ممكن بلاش الحركه دى
جانا:بصتله حركه ايه
ادم:شفايفك لانها هتخلينى اتهور كده
جانا:فهمت قصده وبسرعه سابته ودخلت الحمام ووقفت ورا الباب تاخد نفسها
ادم:ضحك على طفلته المدلله وكسوفها لقى تليفون جانا بسرعه افتكر كلام سماح واخد التليفون لقاها فعلا متصله برقم اخير مش متسجل ومكلماه اكتر من10دقائق اخد الرقم بسرعه عنده وساب التليفون تانى والشك بدأ يدخل لقلبه لكن افتكر كلام جده ونفض الافكار دى من دماغه وقال لازم اتأكد بنفسي قبل مااعمل اى حاجه تتحسب عليا وكمان انا عارف تربيت عمى فارس كويس ان شاء الله كلام سماح يبقا غلط اخرجه من تفكيره خروج جانا وهى لابسه الاسدال وشبه الملايكه راح صلى بيها وبعدين خلعت الاسدال وكان لابسه بيجامه كات وتحتها بنطلون برمودا واطلقت لشعرها العنان وقعدت على السرير وكانت متغطيه علشان مكسوفه من ادم هو فهم ده وكان بيضحك على طفولتها وقطع تفكيره خبط على الباب
ادم:ايوه مين
احدى الخادمات:سى محسن بيقولك ابقى ابعت اللى قالك عليه ياادم بيه
ادم:بضيق ماشى
جانا:فيه حاجه
ادم:مش عارف سمعتى عن عادات الصعيد ولالا بس هنا ليلة الدخله لازم ارميلهم منديل علشان يطمنول عليكى للاسف تفكيرهم كده ومش بيتغير ابدا وسماح برضو عملت كده اول ماوصلت وجدى عايز ده برضو يحصل علشان اهل البلد
جانا:بصوت مبحوح اقرب للبكاء وقد اجتمعت الدموع فى عينيها اه سمعت عن كده بس انا كنت عايزه اطلب منك ناجل موضوع الدخله دى لحد مانأخد على بعض بس كده مش هينفع ونزلت دمعه حاره من عنيها
ادم:مش عارف ليه قلبه وجعه ومااستحملش  دموعها قام قعد جنبها واخدها فى حضنه وفضل يمسد على شعرها وضهرها بحنان وجانا مستسلمه وحست بالامان فى حضنه
ادم:خلاص بقا ياجانا ماتعيطيش
جانا:بصوت طفولى ماليش دعوه ياادم اتصرف
ادم:بابتسامه حاضر هتصرف..ياربى تسيت تليفونى تحت عند جدى
جانا:خد تليفونى اتصل باللى انت عايزه
ادم:هتصل بواحد صاحبى من عندك ياجانا واتكلم بغضب
جانا:محاوله تخفيف الامر كلمه وابقا قوله يمسح الرقم وابقا احذفه من عندى ياادم
ادم:وقد هدأ ماشى واخد التليفون واتصل
ادم:الو ايوه يايوسف عايزك تجبلى فرخه دلوقتى حالا وسكينه
يوسف:هتقتل العروسه ياادم
ادم:عروسه ايه اللى هقتلها ياعبيط انت
جانا:ضحكت بصوت عالى على كلام ادم فنظر لها كى تصمت علشان صاحبه مايسمعش صوتها فحطت ايدها على بوقها
ادم:ابتسم لاارادى على حركتها
يوسف:امال عايز الفرخه ليه
ادم:هديحها لمراتى بدل القطه اتهديت اخلص بقا بسرعه وتعالى من الباب اللى ورا للقصر واول ماتوصل كلمنى وماتخليش حد يشوفك
يوسف:حاضر حالا
ادم:واحذف الرقم ده من عندك
يوسف:ليه بتاع مين
ادم:مالكش دعوه بتاع مين اسمع الكلام وانت ساكت وقفل مع صاحبه
جانا:حست بالامان مع ادن وارتاحت اووى لتصرفه
ادم:جانا قومى يلا اغسلى وشك ولما يوسف ييجى انا هتصرف
جانا:مين يوسف ياادم
ادم:جاناااااا بغضب
جانا:طيب طيب وطلعت تجرى على الحمام تغسل وشها
ادم:دى شكلها هتجننى بس هى ادتنى تليفونها عادى يعنى لو بتعمل حاجه غلط كانت المفروض تخاف تدينى تليفونها اصلا وزفر بضيق وبعديين بقا يارب نور بصيرتى وشاف يوسف وهو داخل من الباب اللى ورا القصر من الشباك نزله بسرعه