#صعيدى_اقتحم_حياتى
#الحلقه 2
سافرت انا وبابا على البلد بعد ماوصلنا مصر بيومين كنت منبهره جدا بكل حاجه فى البلد الارض والخضره الجميله اللى كانت ملفته اووى ومريحه للعين بابا لاحظ شرودى
فارس:واضح ان البلد عجبتك ياجانا
جانا:جدا يابابا شكلها مبهج اووى ماتوقعتش تبقى بالجمال ده
فارس:دى اجمل ياحبيبتى بناسها الطيبين هنا عايشين على الزراعه فى الاغلب فكل اهتمامهم بالارض وازاى يخلوها فى صحه كويسه علشان انتاجها يزيد
جانا:اه تمام
وصلنا اخيرا نزلنا من العربيه قدام بيت جدى بس ده مش بست ده شبه القصر وشكله ملفت جدا كأنه قطعه اثريه على الارض والزخارف اللل بره بتدل ان البيت من زمن فعلا وان العيله دى تراث
فارس:يلا ياجانا ندخل
جانا:بابا ماتدخل حضرتك الاول تمهد كده للوضع انا جدو عمره ماشافنى فهتبقا مفاجأه حضرتك ادخل صالحه الاول وكلمه وبعدين انا ادخل
فارس:هز راسه بتفهم يمكن معاكى حق ياحبيبتى بس اوعى تتحركى من هنا نهائى
جانا:حاضر يابابا ماتقلقش
دخل فارس للقصر واول ماشافته والدته الحاجه فاطمه حضنته وفضلت تبوس فيه وطلع محسن على صوت فاطمه اتفاجأ بابنه فارس كان نفسه يشوفه من زمان رغم كده مااتحركش من مكانه لانه رغم حنيه قلبه عنده قوه وهيبه دايما محافظ عليهم فضل واقف مكانه من غير مايتكلم وجه فارس عليه لانه عارف كبرياء ابوه باس راسه واعتذرله وكل ده ومحسن ماتحركش
فارس:ايه ياابوى مش عايزنى افضل هنا ولاايه امشى
محسن:ماانت مشيت جبل (قبل)كده يافارس
فارس:لكن مااقدرش اعرف انك تعبان وماجيش اطمن عليك
محسن:لسه فاكر انك ليك اب وام يافارس
فارس:اللى فات مات ياحاج وانا برضو ولدك ولاايه
محسن:بنبره حانيه تعالى فى حضن ابوك ياواد
فاطمه:اول ماسمعت كده اطلقت زغروطه عاليه نزل على اثرها كل اللى فى الدار
ادم:خير ياستى حوصل ايه
فاطمه:تعالى ياولدى عمك فارس رجع بالسلامه
ادم نزل وحضن عمه وسلم عليه بحراره(دقيقه بقا نعرفكم باادم هو اول احفاد عيلة عباد اللى رباه جده محسن بعد موت ابوه فى طار بينهم وبين عائله الغازى شاب طويل وعريض يمتاز بالبشره القمحيه رغم كده يمتلك كثير من الوسامه التى تجذب الانظار اليه ليه هيبه مثل جده ورأيه بيمشى على الكل الاجده وجدته عنده30سنه دارس كليه زراعه ورفض يشتغل بالتدريس فى الجامعه علشان يفضل فى البلد ويراعى اراضى جده اللى مالهاش اول من اخر)
فارس:ما شاء الله ياادم كبرت ياحبيبى وبقيت راجل يفرح القلب
ادم:تسلم ياعمى ربنا يخليك امال فين مرات عمى
فارس:بحزن حقيقى على زوجته الله يرحمها يا ولدى
محسن:ربنا يرحم امواتنا جميعا ياولدى لكن قولى ماخلفتش ولاايه
فارس:يا نهار ابيض فرحتى بيكم نستنى جانا واقفه بره قالتلى ادخل الاول
محسن:اخص عليك سايب البنيه واقفه بره شوفيها ياحاجه فاطمه
فاطمه:حاضر ياحاج
شويه ودخلت فاطمه:مافيش حد ياحاج
فارس:اكيد بتتمشى فى الارض كان عاجيها شكلها واحنا جايين
محسن:ادم شيع حد من الغفراء يشوفها لتتوه ياولدى هى لسه ماتعرفش حاجه هنا
ادم:حالا ياجدى..عبد الصمد بسرعه روح شوف اكده بنت عمى كانت بره بتتمشى شوفها وصلت لفين واياك تتاخر
عبدالصمد:حاضر ياادم بيه
وبعد مرور ربع ساعه
عبدالصمد:الحق ياادم بيه
محسن:جرى ايه ياولد
عبدالصمد:ست جانا وصلت وهى بتتمشى لارض عائله الغازى وهى عندهم هناك دلوقتى وشكلهم مش هيسيبوها تمشى وراحوا بيها على دوار العمده كمان
ادم:جهزلى الرجاله ويلا على دوار العمده طوالى
محسن:استنى ياادم ماتاخدش حد معاك من الرجاله هروح انا وانت وعمك فارس بس
ادم:اللى تشوفه ياجدى وانطلقوا جميعا الى دوار العمده
محسن:ااسلام عليكم يارجاله
الجميع:وعليكم السلام ووقفوا جميعا فمهما كان الخلاف فمحسن كبيرهم وتظل له كلمه مسموعه
محسن:تعالى هنا ياجانا
جانا:حاضر ياجدو وراحت قاعده جنبه
ادم:اول ماعينه وقعت على جانا ماقدرش يبعد عنيه عنها(جانا متوسطه الطول على درجه عاليه من الجمال شفايفها مثل حبات الكرز عيونها بلون الخضره التى فتنت بها واوقعتها فى تلك المشكله عندها27سنه وتعمل كطبيبه)وفيه اللى لاحظ عيون ادم اللى مابعدتش لحظه عن جانا
قطع الصمت ده صوت عبدالرحمن الغازى كبير عائله الغازى:مش متفقين ياحاج محسن ماحدش يدخل ارض التانى ولا لينا دعوه ببعض
محسن:بهدوء حصل
عبدالرحمن:طيب تفسر بايه ده
محسن:جانا بنت فارس ولدى لسه واصله وماتعرفش حاجه عن الموضوع ده ايه نجتلوها(نقتلوها)
عبدالرحمن:لا ياحاج بنتك بنتنا برضو واهى عندك صاغ سليم ماحدش يدوسلها على طرف
محسن:تسلم ياحاج عبد الرحمن
العمده:مش جه الوقت بقا نعمل صلح وننهى التار ده
عبدالرحمن:انى موافج وماانساش واصل ان الحاج محسن عشرة عمر واللى عملوه ولادنا طيش شباب وراحوا فيه هم الاتنين
العمده:ايه رايك ياحاج محسن
محسن:ماعنديش اعتراض ياعمده
نبيل(اول حفيد لعائله الغازى):طيب اكده انا طالب ايد جانا وده يبقا ربط بين العيلتين
ادم:اتصطدم وكان هيقومله لولا عيون جده اللى حظرته
محسن:ماتغلاش عليك ياولدى بس للاسف جانا مخطوب لادم طلبها من عمه
عبد الرحمن:االف مبرووك ياحاج يبقا ناخد سماح بنت بنتك
محسن:وانى ماعنديش اعتراض تشرفونا فى البيت فى اى وقت
عبد الرحمن:تسلم ياحاج
نبيل كان هيموت من الغيظ طوول عمره بيحقد على ادم ومش عايز سماح لان جانا احلى منها بكتيير
ادم:فرح من جواه مش فاهم ايه السبب
جانا:فضلت مصدومه مش بتتكلم وباباها فضل حاضنها لحد ماخرجوا وراحوا للقصر تانى
