عـــشگــت بــت عــمي (رويـــحتــي)

❤البارت الثالث عشر❤

زينب' بعد ماخلصنه اكل اني ومرتضى صعدت للغرفه حسيت مرتضى نعس

زينب /مرتضى نعسان

مرتضى يفرك بعيونه/اي عمه نعسان

زينب/يلا تعال نام عل جربايه

بمجرد ماخله راسه نام اووي اشكد الاطفال بريئين

نام وكعدت بلكاع طلعت دفترو اصباغ اني احب ارسم ضليت ارسم ماحسيت غير نعست كمت نمت يم مرتضى .

بليل

ام زينب /يمه هدى وين زينب

هدى/فوك عمه

ام زينب/ماشي

زينب . كعدت مالكيت مرتضى سمعت حس اهلي اجوي ضليت متمدده ودكت الباب

زينب /فوت

ام زينب /يمه شلون صرتي

زينب /بلا رد

ام زينب /اتعشيتي يمه

زينب /معليج بيه اني محد مهتملي تاخذون كولشي اتقررون مصيري وحياتي عل كيفكم خليني اموت بلكي ترتاحون مني

علي /احجي عدل ويه امج غير هي خايفه عليج

زينب كمت من جربايه ابجي

زينب ببجي /محد دافعلي ولا احد وكف وياي كلكم ويه عباس

علي بصبااح/ابن عمج وغصبن ماعليج اتوافقينن افتهمتييي

ام زينب/يمه عل كيفك وياهه

سديت الباب قغلتهه ماريد اشوف احد
ضليت كاعده بلكاع منتجيه عل باب الغرفه وبعدين جعت نزلت صبيتلي عشه جانو كلهم نايمين اتعشيت ونمت

ماحسيت غير احد يكعدني

ام زينب/يمه زنوبه اكعد يلا عباس جوه منتضرج اتروحون اتعقدون

كمت شبكت ماما

زينب /اسفه البارحه جرحتج بكلامي

ام زينب/يمه حقج يلا حبيبتي غسلي وبدلي

زينب /تجين وياي مو

ام زينب /ابوج ماقبل هوه يروح وياج

زينب /ماما بس قاطعتني

ام زينب /يمه مريد مشاكل اني يمج ابوج راح يجي وياج هوه البارحه كام يبجي يحبج انتي بس بنيتنه

زينب/ماشي

طلعت ماما رحت غسلت وجهي ولبست فستان طويل مستور وشال وحذاء ونزلت جوه بديوان طبيت

زينب /صباح الخيرر

عباس /صباح النور

الكل/صباح النور

ام عباس /الله مصلي عل محمد جنتي اجنن شنو هل لبس الحلو

علي /هوه الحلو كولشي يلوكله

حسين /عيني اختي اتخبل

عباس /كااافي عاد متستحون تتغزلون ورجلهه اكبالكم

حسين وعلي/خهههههه

حسين/اختنه وبكيفنه

عباس/هااا صدك مو هسه اكم اطيح حضك

علي/ههههه

ضلو يلغون اني ماهتميت ضليت واكفه باب الديوان

كامو ابو عباس وعباس وبابا

اشكد اتمنيت ماما تجي وياي بس شسوي

طلعنه وركبنه بسياره
نسيت اكلكم احنا عدنه معرض سيارات وعباس عده اربع سيارات والله هواي شايف نفسه 😑😑

صعدنه بسياره عباس اني وبابا وره وعباس وابو ليكدام ومشينه وصنه للمحكمه بلكوات اشم الهوه كمت نزلت وكمشت يد بابا

ابو زينب/لتخافين باباتي يمج اني

زينب/ماشي

طبينه للمحكمه عقدنه وطلعنه وصرت مرته بلقانون طلعت ماحجيت ولا كلمه كام يباركونه باس عباس يدين ابو وراسه وبابا اني مابست يدهم

عباس /مبروك زينب

زينب /بلا رد

ابو عباس/هسه الف مبرروك

ابو زينب /انشالله الذريه الصالحه

عباس بفرح/بوجودكم

زينب بكلبي/صدكني يعباس لخليك تندم عل ساعه لزوجتني بيهه اسطبرر مستحيل اصيرر الك عل جثتي

جانو يسولفون احنا ونمشي صعدنه بسياره وماحجيت ولا كلمه حسيت عباس خايف عليه خل لمرايه عليه مابوعت عليه ضليت اباوع عل شارع

وصنه بمجرد ماوكف السياره اكبال بيتنه نزلت كلهم صلو ساكتين عمي وبابا

طبيت جوه وام عباس طشت جكليت وبوستني وطب عباس ورايه باس يدهه وراسه

ام عباس /واخيررر راح اشوف احفادي انشالله يتمم عل خير يمه

ماحجيت ولا كلمه

ام عباس /يمه اشبيج ليش ساكته

ضليت ساكته

نور/يمكن زينب تعبانه امشي حبيبتي

اخذتني نور صعدتني فوك تحجي واني ساكته ماحجيت ولا كلمه

نور/ولج احجي كافي زينب هذا نصيبج شسوين
صدكيني يحبج يثوله

زينب /بلا رد

نور/عل راحتج اني راح انزل

راحت كمت بدلت ونمت حسيت روحي خدرانه جسمي متكسر تكسير 😪😪...

يتبع ....