حنين عاشق .. بقلم { ريحانة الجنه🌹}

الحلقة الثانية (مهاب و نغم)

(((( حنين عاشق ))))
(((حلقة خاصة بعيد الحب))
*الحلقة التانية*
((((لأبطال مهمة حب ))))

🌹بقلم ريحانة الجنه🌹

طبعاااا مهاب بطل استثنائي راجل مختلف...حبيب مجنون ...عاشق بيعشق بقوة ..بشدة...بقلب قوي ومغامر...حتي في احتفالاته...في مفاجأته...في هداياه...دايما متجدد....مختلف...غير روتيني بالمرة....وهو وعائلته زيهم زي غيرهم...مرت عليهم سنين..واحداااث...افراح ...اوجااع...
بس هل يا تري لسة الحب المجنون  موجود...!!؟ لسة روح المغامرة عايشة وحيا...هنشوف..

في ڤيلا مهاب....وفي اوضته

مهاب.. حاطط راسه و عالمخده و ضهره لنغم ومتصنع  النوم....واول ما حس بنغم دخلت السرير.. تنام جنبه وقربت منه..وبتهمسله..برقة.

نغم.:حبيبي وحشتني..اوي طول اليوم النهاردة.. وحضنته..بقوة...بس ما لقتش منه اي رد فعل...استغربت..هوبا انت نمت..هوبا.. حبيبي..

مهاب ببرود مصتنع: ايوة  نعم يا حبيبتي.. في حاجة..

نغم.. بيأس من رد مهاب اللي مش اول مره يحصل منه..
اتعدلت نغم وولعت النور وبعصبية:. لو سمحت يا مهاب ممكن تقوم عاوزة اتكلم معاك ضروري...

مهاب ولسه بيصطنع البرود:
نغم حبيبتي.. في حاجة.. انا عاوز انام..

نغم بغيظ:انت اللي فيك ايه.. انت بقيت بتتجنبني ليه.. انت مش حاسس انك اتغيرت معايه وبقيت بتبعد عني.. وبدموع . مهاب انت بطلت تحبني.. هو انا بقيت كبيرة اوي كدة.. ومش حلوة.. عشان كده بقيت مش بتقرب مني.. وعيطت.اكتر

مهاب غصب عنه ما اتحملش دموعها.وقلبه رق ..لفلها واخدها في حضنه.:تؤ تؤ طبعا انتي لسه حلوه واجمل ست في الدنيا. وهتفضلي حبيبتي..

نغم بعتاب في حضنه.: اومال ليه بتبعد عني كل ما اقربلك.. انا مابقتش فاهماك!؟

مهاب غصب عنه مش قادر يتحمل وبيحاول يتماسك قدامها ومش عاوز يضعف وينسي اللي ناوي ينفذه.. وهو شايفها هتجنن عليه.. وهو حاله ما يقلش عنها..شوق ولهفة.. بس ما ينفعش يضعف الوقت ده.

مهاب خرجها من حضنه بهدوء:نغم حبيبتي مش عايز اسمع منك الكلام دا تاني .. انتي حبيبتي وكل حياتي وعمري ما شوفت غيرك.اتطمني  وباسها فجبينها بحنان.. يلا حبيبتي نامي وارتاحي انتي عندك شغل وبتصحي بدري نامي عشان تعرفي تصحي بدري ... تصبحي علي خير حبيبتي..ونام هو وبعد عنها ..بيحاول ما يقابلش غضبها ..علشان متأكد انها نفسها تقتله..

نغم بنظرات كلها غضب وغيظ من رد فعل مهاب وتعمده يبعد..وازاي عرف يهرب منها .وبينها وبين نفسها.. كدا يا مهاب كدا.. معقول!!!.. انت اللي بقيت بتبعد عني.. طب ليه.. ما هو يا انا بقيت مش حلوة في نظرك.. يا بتعرف واحدة تانيه.. ايو ممكن تبقي لسة بتحبني بس انا كبرت وانت ممكن تكون عايزة واحدة صغيرة.. ..وبنفي للفكرة الممؤلمة دي ..
بس لا لا  مهاب بيحبني مستحيل يفكر يخوني... يااا يااااا...اما يكون ..يكون..... تؤ تؤ مستحيل يكون دا السبب.. يا خبر طب لو كدا.. يبقي هو حالته حبيبي ازاي..تلاقيه بيبعد عني علشان ما يحرجش نفسه قصادي...حبيبي يا هوبا.. طب انا اتأكد من كدا ازاي....اوفففف يارب بقي ..