انجبرت اكون زياد لجل اعيش (مكتمله )

البارت الثاني

عبدالله : تعال معي اعرفك على المدرسه الا وش اسمك ؟!
ريم : زياد
عبدالله : عاشت الاسامي
ريم : تعيش ايامك
عبدالله وهو يقرب منها : بس ما كانك تشبه البنات ؟!
ريم بعدت عنه بتوتر : لا لا عندي اخت توام علشان كذا
عبدالله : اها يالله تفضل
ومشو وانظار الطلاب كلها عليها
ريم تمشي وتناظر يمين ويسار : وش فيهم يناظرون ذيلي ؟!
عبدالله ضحك : عادي لانك طالب جديد وثاني شي لانك تشبه البنات
وكملو مشي وعرفها على المدرسه ووصلها للغرفه
عبدالله : هذي غرفتك طبعا كل اثنين يسكنون بغرفه
ريم وهي فاتحه فمها : هااا مافي بروحي
عبدالله ابتسم : لا يالله استئذن برجع لشغلي وترا اغراضك صارت بالغرفه
عطاها المفتاح وراح
ريم وقفت شوي وصارو طلاب يروحون ويجون وانتبهت
الشاب ١ : اووه اتوقع مايجلس يومين او ثلاث عنده
الشاب ٢ : الله يعينك والله
الشاب ٣ : اتركوه وامشو بعدين تعرفون بالاحداث
وراحو
ريم وهي تفتح باب الشقه ايش قصدهم لما قالو ماتوقع يجلس اكثر من ٣ ايام ؟!! يالله ان كل شي يمشي صح يارب
دخلت راحت للغرفه مشتركه تاففت ودخلت فتحت الدولاب وفتحت الدولاب اللي بجنبه واحد فيه ثياب واشياء قفلته وبدت ترتب اشيائها شوي شوي
وجلست بالسرير ماحست بنفس الا وهي نايمه
صحت من النوم وشافت الساعه ١ الليل غريبه اللي معي لسه ماجاء وانا وش علي منه خليه احسن اخذ راحتي
وراحت للمطبخ اخذت فطيره وعصير وراحت تتابع فلم
الصباح صحت وانتبهت انها نامت وهي تتابع الفلم صحت راحت تروشت وبدلت وتعطرت وطلعت لمجلس الطلبه علشان تعرف ايش شعبتها وطبعا بها الوقت كل الانظار عليها لسبب شكلها
ريم : لو سمحت
الشاب : هلا
ريم : امم وين مجلس الطلبه ؟!
الشاب ابتسم : تمشي لاخر الممر وبعدها يجيك سلم روح للدور اللي فوق
ريم قاطعته وبابتسامه الولد خق عليها : عادي تدلني لاني دايم اضيع
الشاب : اي عادي
وهم يمشون
الشاب : معاك فهد
ريم يارب وش سويت الحين بتبداء تعارف وصداقه وهالخرابيط : هلابك يافهد انا زياد
فهد : عاشت الاسامي
ريم : تعيش ايامك * وبعد فتره صمت * اقول فهد
فهد التفت عليها مايدري ليه كل ماناظرها فيه شي يجذبه لها : هلا
ريم وهي تناظر الارض وماسكه اصابعها سوا : ليش الكل يناظر فيني ؟!
فهد ناظرها فتره : ههههههههههههه ماتدري يعني
ريم وهي تحك راسها منحرجه : لا والله وش فيه
فهد : اول شي والسبب الرئيسي انك تشبه البنات وثاني سبب انك طالب جديد
ريم : اهااااا الحين فهمت
فهد ياشر على باب : هذا اهو
ريم : يعطيك العافيه
فهد : الا تعال يا زياد وين ساكن وعادي لو نكون اصحاب
ريم ابتسمت وفهد قلبه يدق : اي عادي رقم غرفتي ٣٣٠
فهد شق الابتسامه : مع خويي
ريم بستغراب : جددد؟!!
فهد: اي امس ماجاء للغرفه صح ؟!
ريم : اي ماكان موجود
فهد : كان ماخذ اذن يطلع بس ماعلينا تعال نشوف اي صف انت لانك شكلك بنفس سني ؟!
ريم : باول ثانوي
فهد : ايي كلنا الشله
ريم : اجل يالله نروح
دقت الباب
عبدالله وهو واقف وماسك اوراق بيده : تفضل
دخلت : السلام عليكم
عبدالله : وعليكم السلام ياهلا بزياد
ريم : هلابك امم اسف على الازعاج بس كنت بسالك اي شعبه انا ؟!!
عبدالله وهو يتوجه للمكتب : دقيقه بس شعبتك صف اول ثانوي شعبه ب
ريم ببتسامه : مشكور ومعليش على الازعاج
عبدالله وهو يبتسم : مابيينا
طلعت وعلى طول ضمها فهد وهي وقفت مصدومه
ريم : وش فييك
فهد : طلعت معنا بنفس الصف
ريم : جدد ؟
فهد : ايي