دخل عليه بالليل متاخر كلش جنت احجي وياه بس يجاوبني من وره خشمه جان اول مره يعاملني هيج معامله
تركته ونمت بالليل حسيت عليه حضني فتحت عيوني ابتسمت بوجهه اخذت ايده خليتها على بطني كتله مفرحان لان حيصير عندك طفل
بعد ايده من بطني بسرعه كال اني ماريد هذا الطفل
اني هنا راحت الضحك من وجهي كلتله شنوو !!
ضرغام ... ماريد هذا الطفل هسه مصارلنا جم شهر زوجنا ليش مستعجلين عالجهال
سمر ... هذا مو استعجال هذا رزق
صرغام .... اي ماريده
سمر .... كمت من نومتي كتله انت تحجي صدك لو تشاقه
ضرغام .... لاماشاقه ماريده
سمر .... ضحكت ضحكه استهزاء كتله انت تحبني وتموت عليه ومتريد طفل لو متحبني جان سويت
ضرغام ... لان احبج ماريد طفل
سمر ... شون بله فهمني
ضرغام ... ماريده يجي واني هيج فهميني يجي وياخذج مني
سمر ... ظليت اباوع عليه وماعرف شجاوبه
نمت ونطيته ظهري وغطيت وجهي رفع الغطه مني وخل راسه على راسي كلي... سمر حاجيني
سمر .... ضرغام عوفني بحالي
عافني وطلع من الغرفه ظليت كاعده ومقهوره من كلامه اكو واحد ميريد طفل وهذا اول فرحته
نمت مقهوره كلش ومخنوكه من كلشي حلمت حلم جان كلش يخوف
جان ضرغام واكف يريدني امسح الدرج ودرج جان خشب قديم متكسر
واني ميته خوف بالحلم وكل ماصعد بايه تنكسر القبلها
جان يعيط وعصبي حتى اصعد عالدرج
فزيت من النوم اول كلمه كلتها الحمدلله حلم الحمدلله حلم على الخوف العشته بالحلم
شفت الساعه بسته الصبح وضرغام نايم حتى ماحسيت شوكت دخل نام كمت من الفراش واني كلش كارهته من وره الحلم لان جان بعده بالي رحت للحمام غسلت رجعت للغرفه طلعت ملابسي مال دوام لابست ونزلت جوه جانت ام ضرغام كاعده وياسين يتريكون كعدت اتريك وياهم
اجه الخط عليه وطلعنا اني وياسين للدوام
مر اليوم عادي كمل الدوام بطلعه دزيت مسج لضرغام ( حنزل بيت جنه )
خليت الخط ينزلني تغديت يمها نفسيتي ترتاح يمها كعدت اسولف وياها كتلها ... جنه اذا صار عدكم طفل ايوب يفرح بي
جنه ... شنو هالسؤال اكيد يوميا يكلي اسمي ابني هيج اذا اجه
سمر ... زين من شوفين ضرغام هم تحسي مو طبيعي
جنه ... شون يعني
سمر ... ماعرف طريقه كلامه حركاته
جنه ... لا والله ليشوفه يكول يازين الشباب بس الي يسمع شمسوي بيج يكول هذا انسان ثاني
سمر ... تعبت جنه ماعرف شنو اسوي
جنه ... ياعمري لاتبجين يجوز من يجي طفل يتغير وياج
سمر ... شيتغير ميريد الطفل
جنه ... عزه ليش
سمر .... حتخبل والله تصرفاته مال مخابيل حتى صايره اخاف منه
جنه ... تريدين اكول لايوب يحجي وياه
سمر ... لا دخيلج ماريد
جنه ... من زوجتي وانتي على هالحال شوكت مثلا حشوفج مرتاحه
سمر ... اذا اكو غلطه بحياتي فهي زواجي منه عوفيني منه كليلي شونه علاوي
جنه ... زين يوميه ايوب من يرجع من شغل يجيبه يمي بالليل يجي مثنى ياخذه
سمر ... ومثنى شونه
جنه ... يحاول يصير زين البارحه اجه تعشه يمنا متغير كلش كلامه على كد السؤال وتحسي مال الحياه وكارهه
سمر ... الله يساعده وفاه فرح صدمه اله جانت وتركت اله ابن بعده بالكماط
جنه ... اي علاوي كاسر كلبي اكله بقي يمي ميقبل
سمر ... هو عرف اني حامل
جنه ...سعاده كايله لبيت جدو ايوب جان ميدري بيج من رجع للبيت هو سئلني سمر صدك حامل كتله منين عرفت مقبل يحجي
ВИ ЧИТАЄТЕ
هل مازلت في قلبك
Романтикаمــــــــــــــن طـــــبــع العــطر تشتمه گـــل الناس.... بس عطـــرج غــــريب امــــدوخ انفــــــاسي.... نـــاس تحط عطـــر ســاعـه زمـــن ويـروح.... وانتي سنــين عطـــرج نايــم بــراسي....
