هل مازلت في قلبك

البارت28

نعيمه ... باعي هاي حجي بنات بغداد ماريده باجر اخذج لدكتوره شوفج يجوز عاكر

جنه... اني ضحكت بوجهه كتلها اي صح يجوز بس عادي ايوب يحبني بكل حالاتي

نعيمه ... اي اكيد سحرج قوي بله مادكوليلي عد ياسحاره مسويته

جنه ... كتلها بكل برود ليش تريدين سوين لعمي واحد
نعيمه هنا رادت تموت كالت ... ايا ماتستحين يادبسزز اني مثلج ماخاف الله حتى اسوي سحر واخلي ابن الناس يمشي ورايه مثل الطلي
اني جن واكفه كبالها هي باب وراها صاير وجانت مفتوحه شويه هسه دافقد اعصابي عليها اكو شي بداخلي كلي سكتي لخاطر ايوب خليها تحجي الي تريده

كتلها ... خاله نعيمه ليش دايما انتي كارهتني ترى اني ماخذت ايوب منج هي هاي سنه الحياه الولد يزوج وصير عنده حياه خوما يظل يمج
وهو ماعتقد مقصر وياج قبل مايرجع من شغل يمر عليج ظهر وبالليل

نعيمه ... وانتي حاسدتني لان متريديه يجي يشوف امه
جنه ... لا بالعكس اصلا كل مايرجع اسئله مريت على خاله اني ماحبج واحجيها كدامج وتعرفين هواي اسباب لهذا الشي بس بنفس الوقت ماكرهج لان انتي ام رجلي
محد واكع بينا غير ايوب واذا انتي تحجين حجي اليه كله تجريح حتى احجي وصير مشكله بيني وين ايوب فاحب اكلج اني كلشي ماحجي لايوب حتى لايضوج لان احبه وماعتقد اكو ام متحب ابنها

نعيمه ... لو تنطبك هذه السمه عالكاع مااحبج ومابقيت على ذمه ايوب مادام انه عايشه

جنه .... باوعت عليها يعني احجي وياها بطيب مترضى احجي وياها بخبث مترضى حرت شسوي عفتها وطلعت تفاجئت باايوب واكف باوعت عليه وابتسمت كتله .. هاحبيبي كعدت بيبي

ايوب... اي كعدت تريدج جيت اصيحج
جنه ... اوكي هسه اروح اشوفها عفته ورحت لبيبي حجيتلها الصار بيني وبين نعيمه هي ظلت تتوعد الها
كاعدين اني وبيبي سمعنا صوت ايوب عالي رج البيت رج
اني طلعت بسرعه وبيبي ورايه تمشي على كيف
فرح واكفه كتلها شكو

فرح ... مو انه من طلعت رحت كلت لايوب خالتي وجنه بقوا وحدهم وانه اعرف خالتي كلتله حتى يجي يخلصج منها
بس من جاي يمكن سامع حجي خالتي وياج لان هسه سمعته يكللها تهددين مرتي متبقيها على ذمتي ليش شمسويتلج كله لان احبها

هي صدك كالتلج هيج

جنه ... اي
بيبي دخلت للاستقبال عليهم هي وعمتي ام جاير وايوب ماسكت جنت اسمعه يحجي بحركه مو بس لان يحبني وامه حجت عليه لا بس لان هي امه والمفروض اكثر وحده تريده مرتاح

طلع ايوب من الاستقبال نار باوع عليه كال امشي نولي منا

عافني وطلع اني اخذت جنطتي وبسرعه طلعت وراه حتى مسلمت على احد
ركبت بسياره واخاف احجي وياه جان عصبي كلش وصلنا لبيتنا ونزلت هو طبعا دخل للغرفه وركع الباب
عبودي وسمر صافنين شبي لان دخل حتى مسلم عليهم
كتلها سمر متعارك ويه امه بعدين افهمج كعدت يمهم عفته بالغرفه شويه يهدء عشر دقايق ودخلت عليه جان مدد وخال ايده على عيونه حتى منازع حذائه
نزعت حجابي ورحت كعدت يمه نزعته الحذاء هو بسرع شال ايده باوع عليه ورد رجع ايده نزعت الحذاء الثاني رحت مددت يمه شلت ايده من على عيونه هو باوع عليه عرفته مقهور عدلت نفسي واشرتله على صدري هو بسرعه كام خله راسه على صدري
ماحجيت وياه كلمه ظليت العب بشعره وبخده مرت نص ساعه هيج
كال ... سمعت كلشي حجته

جنه ... حاوطت ظهره بيدي بس ماحجيت
ايوب... ليش هيج سوي حتخبلني اكو ام متريد ابنها فرحان
تعبت جنه تعبت اعرف هي كل مشوفج تحجي عليج وجرحج بكلامه ومن نرجع متحجيلي بس فهميني شسوي لابويه حجيت وياه وحجه ومفاده لاخالاتي حتى لخوالي رحت حجيت وياهم حتى يحجون وياها
ذاك اليوم من طلعنا اني وياج نتعشى وشفت صديقي ماخذ عائلته يعشيهم
امه ومرته كاعدات يسولفون ويضحكون تعرفين حسدتهم والله كلت ليش امي متعامل مرتي هيج

جنه ... احبك رفع راسه عليه كلي
ايوب... لاظلين ساكته احجي الي يضوجج
جنه ... ماكو شي مضوجني والله بعدين اني وياك سوه وهذا كافي اني وانت تعبنا طول هالسنين وافترقنا من وره نفس هاي المشاكل ماريد هالمره تاثر علينا كافي اني وياك سوه وحتى لو خالتي حجت لعبالك اضوج لا اصلا هي سوي هيج لان تحبك وتغار عليك

ايوب... تغار عليه

جنه ... اي غير ابنها وحتى ويه فرح هيج مسويه صح اقل مني بس لان هي الجايبتها

ايوب... وانتي اذا اجاج ابن هيج سوين

جنه ... هههههه مادري يجوز اصير نعيمه 2
ايوب... ههههههه اروح فدوه لضحكتج اني

بالليل جنت اقري عبودي هو كاعد كبالي يشرب جاي ويباع علينا
دك تليفونه  رفعه طلع عمي سمعته كله تأمر هسه جاي
كام
كلي ابويه يريدني حروح اشوفه  بدل وطلع   اني صراحه خفت لان اعرف عمي صاحه علمود امه واعرف ايوب بسرعه يعصب
صراحه ظليت بقلق
لحد مرجع وجان وجهه عادي ممعصب اصلا كلي رادني بشغل

ثاني يوم رحنا للمستشفى علمود فرح جنا ننتظر خروجها صراحه الدكتور جان خايف عليها من البنج ظلينا ننتظر خروجها

طلعت تشوف ايوب سمعته يحجي ويه مثنى على امه وسوت البارحه بس مثنى بسرعه انتبه عليه واشرله بحواجبه
ندار عليه ايوب
كتله ... ماكو اخبار على فرح
ايوب... لا بعدها  بالعمليات
اجه وكف يمي كلي ... تعبتي

جنه ... لا
ايوب... جوعانه
جنه ... لا
ايوب... تعرفين ماريدج جيبين طفل
جنه .... ليش
ايوب... اني هسه بس هيج تخيلت انتي جوه خفت عليج ون لو صدك
جنه ... ههههه عود اكول للدكتوره دخلك ويايه
ايوب... اي الاجانب احسن منا

اجتي سستر شايله بيدها طفل ملفوف متوجهه علينا مثنى ظل يباع عليها اجتي كالت وين ابوه اسرتلها على مثنى راحت يمه كلتله مبروك ونطته جاهل
مثنى  كام يبجي هذا مثنى الي كلنا نخاف منه كام يبجي من شاف ابنه

سمر ... طلعت من الغرفه شفت مثنى لازم طفل ويبجي اني ماحسيت الا دموعي نزلت وياه مجنت اعرفه هيج حيتأثر بيه
ندار على السستر كلها فرح شونها

كلتله هسه يجي دكتور يكللكم حالتها شويه واجه دكتور جان وجهه ميبشر بخير ابد ...... يتبع ❤️