2 part
.
.
تشرق شمس صبح اخر علي ابطالنا لنجد ان نورا مستيقظة بكل نشاط وتفيق صديقاتها
نورا : اصحو بقي
بيلا بتأفف : طبعا ف ناس صاحية ماهو مش فارق معاكي
نورا بمرح : قري عليا بقي
جنة : وتقر عليكي لي يستي الله يسهلك
نورا متحمسة : طب يلا
وتذهب نورا لتفطر قبل نزول الجامعة
نورا بابتسامة : صباح الخير
سمية وهي تبادلها الابتسامة : صباح النور ي حبيبتي
نورا بمشاكسة : ازيك يبابا ازيك ي قرد
محمد بحب : كويس ي حبيبتي
عمر وهو يخرج لها لسانه : احسن منك
سمية بتحذير : اوعي تتاخري انهارده
نورا بفرحة وقد تذكرت ما منتظرها الليلة : وانا اقدر
ثم ذهبت نورا الي الجامعة مع اصداقها لتقول جنة : اوعي يبت يحس انك مدلوقة
بيلا بتحذير ممزوج بمرح : ايوا متفضحيناش كدا وخليكي راسية وطولي رقبتنا
لتردف نورا وهي تضحك : يجماعة نت بتوصوني علي زوجي قرة عيني
لتضحك جنة وبيلا بصوت عالي
وذهبوا جميعا الي البيت
..........................................................
عند عائلة نادر
مني بهدوء : اوعي تتاخر انهارده ي نادر
نادر بتأفف : يوهه ي ماما
لتقول مني ببعض من الاستعطاف : يا ابني نا مش بقولك روحو اكتب كتابها نا بقولك شوفها لعل وعسي ربنا يهديك
نادر متسائل : ومالها ال معايا
قبض قلب مني فور ذكر سيرتها : مش مرتاحلها ي نادر هتكدب امك
مل نادر من محادثة امه ثم قال جملته لعلها تزيل عنه القيد الذي وضعته حوله : مش كل الناس شبه بعضهم وهترتاحلهم
مني بهدوء وهي تربت علي كتف ابنها : معلش تعاالي علي نفسك وتعالي معايا
نادر بملل : طيب
احمد ممازحا : صباح الخير يا عريس
نادر : والنبي بس يا بابا
وغادر نادر
احمد وهو يوجه كلامه لي مني : بطلي تضغطي علي الولد يا ام نادر
مني وهي تبرر لزوجها ما تفعله : ي حج نا عايزاله بنت صالحة تشيله انت مش شايف ال هو مختارها
احمد بهدوء وعقلانية : شايف وعارف بس هو ال هيتجوزها مش احنا
مني منافية : ونا مرداش لابني التعاسة
احمد وهو يحاول ان يراضيها ويراضي ابنه : ي ام نادر ربنا م يجيب تعاسة مش يمكن تطلع نظرتك غلط
مني محاولة اقناعه : طب بزمتك مش شايف انها مش هتعمر معاه
صمت احمد لدقيقة ثم قال : خلاص ربنا يقدم ال فيه الخير
........................................................................
التقي نادر باصدقائه
اقترب مازن منهم ليردف قائلا: ازيكو
فارس وهو يلوح بيده : خراا
نادر متأفف : زي الزفت
مازن بهدوء : اه بدانها بقي قرف مالك يعم انتو وهو
تذكر فارس جنة وفعلتها ثم قال : مش طايق البت بتاعة امبارح
نادر متسائلاً : بت ايه
وقد قص عليه ما حدث ليضحك نادر ويقول : احسن مش انت ال بتدلق نفسك عليهم تستاهل الصراحه
فارس متوعد لها : حتي انت ماشي اشوفها تاني بس مش هسبها ف حالها
مازن وهو يضحك علي صديقه : يشيخ اتنيل دانت كنت عامل زي الكتكوت المبلول لم هزقتك ونت ينادر مالك ؟
فارس مكملا : لا والله طب اشوفها بس وهتشوفو هعمل ايه قولنا ي نادر ف ايه .
وقد حكي لهم نادر ما دار بينه وبين والداته بالامس واليوم
فارس بهدوء : ما امك عندها حق الصراحه
نادر وهو ينظر له بحدة : هو نا جايبك عشان تقطمني
فارس بهدوء : اهدي بس نا مش قصدي بس الصراحه وسوف يكمل كلامه قطعه مازن بقوله
مازن : الصراحه يعني ان الامهات ليهم نظرة كدا ممكن ربنا يكون شايلك الخير مع البنت دي
نادر وهو ينظر امامه : ونعم بالله بس نا عايز اكمل مع مريم وقطعت مني كلام نادر باتصالها
مني وهي تستعجل نادر : يلا يحبيبي هتاخرنا
نادر : حاضر ي ماما جاي
مني : وهات علبة جاتوه معاك
نادر وهو يزمجر : حاضر حاضر
مني وهي تدعو له: سلام الله يهديك
نادر : سلام
وانهو المكالمة
نادر : هسبكو انا دلوقت يلا سلام
مازن و فارس : سلام
بعد مغادرة نادر ليقول مازن : انت كنت هقول ايه انت عارف انو مبيطيقش كلمة عليها
فارس بعقلانية : بس انت عارف ونا عارف انها مش كويسة ومش هتنفعه وهو مش شايف كدا
مازن : مراية الحب عامية ومفيش في ايدينا حاجه
فارس وهو يفكر في صديقه : نوضحله ع الاقل
مازن داعيا له : ربنا يسهل ربنا يجعل ف البنت دي الحل
فارس : يارب
..........................................................
قد حان الموعد المنتظر لتجهز نورا وترتدي فستان باللون الاحمر الغامق ( النبيتي ) المطرز ببعض الفصوص السكرية من عند الخصر وعليه خمار باللون الاوف وايت لتدخل سميه وتقول : يبنتي حطي اي حاجه ف وشك
نورا رافضة : لا يماما هو لس ميجوزليش ونا عايزاه يشوفني ع طبيعتي وبعدين اصدك اي يا ست ماما اني وحشة
سمية وهي سئمت من كلام ابنتها : خلاص خلاص نا خارجة
لتذهب نورا لتحادث اصدقائها
نورا بتوتر : يا بنات انا متوترة
بيلا بمرح : اوعي بس تقعي ونت بتقدمي الحاجه تفضحينا
لتضحك جنة
نورا : خفة يبت
يلا يلا الباب بيرن باي
ارسلت بيلا : ايو بقي من لقي احبابه نسي اصحابه
جنة : الله يسهلووووو
وتذهب نورا لتقف خلف ابيها وامها
ودخلت مني والقت التحية علي سمية ومن ثم نورا لتقول : نسخة من امك يحبيبتي قمر
ويلقي احمد التحية علي محمد ليقول : ازيك ي استاذ محمد ليرد محمد : استاذ اي هي محمد
محمد : ازيك ي نادر ي حبيبي
نادر : الحمدلله اهلا ي عمو
ويري نادر نورا ليسحر بجمالها وبفستانها الوردي وبخمارها الابيض المضي لوجها الجميل ومن ثم يفيق علي صوت ضميره ليقول بداخله : فوق يا نادر نت بتحب مريم ليمد يده باستعلاء لتقول نورا : اسف يا باشمهندس مبسلمش علي رجالة
ليحترق نادر بداخله ويقول بداخله : بدأنها بقي
ثم جلسو جميعاً لتقطع مني الصمت بقولها : وانتي يحبيبتي جامعة ايه
نورا بابتسامة بشوشة : جامعة الازهر كلية صيدلة
وتنظر مني الي نادر كأنها تقول : شوف مجايبي
نادر بغرور واستعلاء يريد ان ينفرها منه : ونتي تعرفيني بقي ولا مبتفرجيش علي تلفزيون ومقضيها حرام ومش حرام
لترد نورا بقوة : والله يا استاذ نادر الدين مبيحرمش التكنولوجيا والبرامج الا لو فيها اساءة او شيء محرم ومش معني اني ازهر اني جاهلة
ليصمت نادر ويشتعل الغضب بداخله فكيف لتلك الفتاة اثارة غضبه بكلماتها وردها عليه لتقول مني مهدا للجو : ماشاء الله ي حبيبي ربنا يزيدك وتردف موجه كلامها لسمية
مني متسائلة : الا ي سميه مش هتوريني الشقة
سمية وهي تقوم وتاخذ بيد صديقتها : تعالي ي حبيبتي
مني : يلا
ويقول محمد لاحمد
محمد وهو يربت علي كتف أحمد : تعالي ام نقعد ف البلكونة وانتي يا ام نورا علقي علي الشاي
احمد : يلا بينا تعالي ي عمر تعالي ي كايلا
لتمسك نورا يد والداها
محمد مستغرباً : نعم
نورا بهمس : متبعدش يبابا وخلي البلكونه مفتوحة
يؤمي محمد براسه قائلا : حاضر
______________________________________
ليتبقي نادر و نورا ولاكن هناك عيون تراقبهم
ثم يقطع الصمت نادر عند تاكده بأن لا احد يسمعه
نادر بصوت منخفض نسبيا وببعض الغرور والاستعلاء : بقولك ايه احنا عارفين كويس القعدة دي ليه فا بلاش استعباط
لتحملق نورا في نادر بسبب قوله ليستكمل كلامه .
نادر بحدة : م الاخر كدا نا مش عايز الجوازة دي نا بحب حبيبتي .
ليتفتت قلب نورا الي اشلاء ولكن هيهات الضعف لتقف بقوة مصطنعة قائلة ....
•
•
•
•
قولولي رايكو عشان اكمل
اعملولي فولو عشان تتبعو اي رواية جديدة
*بقلم : ايمان فتحي*
VOUS LISEZ
وقعت في عشقك
Roman d'amourنادر بحدة : نا مش عايز الجوازة دي ....... ليتفتت قلب نورا ولكن هيهات الضعف لتقف بقوة مصطنعة وتقول : نت كمان مفكش المواصفات ال بتمناها .....
