#لن_أتركها_لغيري ❤

البــــــــــــ15ــــــــــــــارت الخامس عشر 🌙

من رواية
# لن_أتركها_لغيري ❤

قراءة ممتعة🌸

إسحاق بصدمة:: رااااااامي
رامي أصبح في خبر كان
شرطي:: عفوا ضروري نرفعوع للمشفى
إسحاق:: راااامي لااااا.....
::::::::🌸🌸:::::::
عند جمانة
ناضت الصبح وضمت الحوش هي ونهد بما أن اليوم جمعة ف نجمة عزمت خواتها بما أن عبد الرحمن روح
نهد:: جمون خيرك
جمانة:: بسم الله ترا كيف قلبي انخصني مش عارفة لكن ... ربي يستر
نهد:: هاك أشربي اميه
جمانة:: بابا وين
نهد:: في الدار راقد قاعدة 10 خيرك مزال مينوضش توا
جمانة:: اه يارب. حاسة حاجة خانقتني .....
خلي نتصل برامي .. نهود ترا فوني من جنبك
نهد:: تفضلي
اتصلت جمانة برامي مرة واثنين وثلاثة والرابعة
::::::::🌸🌸:::::::
في المشفى
إسحاق:: والله موقتك ياجمانة توا. ... ألو
جمانة:: اهلا ... من معاي مش هذا رقم رامي ولا كيف
إسحاق::  اي هو هذا رقمه وأنا صاحبه إسحاق
جمانة:: أهلين بيك ... بس وين رامي
إسحاق:: والله راقد الحق
جمانة:: اها. . عادي تنوضه
إسحاق:: الحق توا كيف رقد
جمانة:: اها بالله قله أول مينوض يتصل بيا
إسحاق:: حاضر
جمانة:: شكرا ومع السلامة
إسحاق:: لا ولايهمك ..مع السلامة
...
في غرفة العناية
أجهزة الإنعش وصوت جهاز النبض متع القلب
رامي فتح عيونه
الدكتور:: الحمد على السلامة جت سليمة
رامي مش قادر يتكلم من يفتح في عيونه ويسكر
الدكتور:: الحمد لله ان جابوك بسرعة .... وتوا أرقد وبعدين تو انجي اندير عليك دورة
رامي ساكت يسمع في كلام الدكتور ويشوف ل السقف
......
البرا
إسحاق:: شن يادكتور
دكتور:: الحمد لله على سلامته .. جت سليمة إنت صاحبه
إسحاق:: ايه إعتبرني حتى خوه
دكتور:: تعالى معاي كمل الإجرئات بش نحولوه ل غرفة عادية 
إسحاق:: هي نمشي معاك
::::::::🌸🌸:::::::
في حوش رامي
زينب:: وليد شوف خوك وين طلع من بكري نتصل وميردش وبعدين أعطاني مقفل
وليد:: أكيدة مع إسحاق
زينب:: سلم ولدي كلمه
وليد:: هي توانشوفه
وقعد يتصل بإسحاق وإسحاق ميبيش يرد
بعث إسحاق لوليد رسالة إنهم في المشفى التعليمي
وليد فوت على أمه دسكة إن إسحاق ورامي في السوق وأمورهم ماشية وهاكا وين زينب اطمنت
ومشي وليد للمشفى
::::::::🌸🌸:::::::::
لقى إسحاق في الإسعاف بعد ماكمل الإجرئات
وليد:: خير قلي شن صاير
إسحاق:: هو في ولد إسمه صابر و و و و و ... وحكاله كل القصة من طقطق ل السلام عليكم
وليد بعصبية:: هالتافه الحيوان والله لما نقتله
إسحاق:: هدي راك في مشفى
وليد:: يدير في خويا هكي وتبيني انهدي
إسحاق:: شدوه هما ومتخافش مش رح يطلقوه لين نجيهم
وليد:: مفهمتش
إسحاق:: ولاد عمي خيرك توكتهم اليوم كلمتهم وجونا
وليد:: قصدك متفاهم معاهم
إسحاق:: لما كلمني رامي الصبح. . كلمتهم وقلتلهم استنونا في الجزيرة ... وبعدين تعرف شن صار
وليد:: مكنتش نعرف إن دماغك حربي ياولد
إسحاق:: ميناخفش عليا😉 
جاهم الدكتور المشرف على حالة رامي وكان إسمه سالم
د سالم:: أووو أهلا وليد
وليد:: سلووماا
د سالم:: كيف حالك
وليد:: اهو ماشية .. قلي كيف حال رامي
د سالم:: تمام كويس... الحق متوقعتاش يعيش بعد منقص الدم علينا والله خوك متعلق بالحياة
إسحاق في خاطره:: مش منه من المدام اللي متعباته وشاف ل وليد لقاه مبتسم يشوفله شوي إسحاق ضحك
وليد:: اي هي اللي تفكر فاها
إسحاق:: ههههههههه دماغك زيني
وليد:: بالنسبة ل رامي فكلنا انفكرو نفس التفكير ههه والله حالة
د سالم مفهم شي:: هيا الحمد لله على سلامته وان شاء الله هذا حد السو
وليد:: بارك الله فيك ... نقدرو نشوفوه
د سالم:: توا لا لأن حالته قاعدة مش مستقرة لكن غدوا ممكن
وليد:: ان شاء الله
ومشي د سالم وطلع وليد وإسحاق من المشفى
وليد:: المشكلة مش هني المشكلة كيف بنقلهم
إسحاق:: فكر شغل مخك ياولا .... أنا بنمشي انظف روحي من الدم
وليد:: برا برا بلا كلام مصري يرحم ولديك
إسحاق:: اي هاك تليفون رامي وأسمع سيارته عندي
وليد:: تمام
إسحاق:: اي حاجة أخرى
وليد:: شني
إسحاق:: كلم المدام متع خوك وقلها حتى هي من بكري تتصل
وليد:: مش ناقصني أنا
إسحاق:: مش دخلي دبر راسك
وليد:: تي ماشي ماشي
إسحاق:: هي سلام
وروح وليد وإسحاق
:::::::🌸🌸::::::
عند جمانة
تغدو كلهم في حوش نجمة وعزمت حتى عيلة فادي وعيلة لبنة ودارو قهوة وشاهي وحلويات وكيكات كل وحدة من البنات دارت حاجة وجو جدهم وجداهم
" أكيدة كلكم تسألو وين عمام جمانة .... هي معندهاش عمام  لأن جدها وجداها دارو حادث لما كان صالح صغير فلذلك منذكرش فيهم الله يرحمهم ''😊
المهم خلي نرجعو
في دار جمانة ونهد
مروة:: جمانة خيرك من بكري شاردة
جمانة:: ولا شي غر تعبانة مرقدش أمس
مارية:: سلامتك حبها
لبنة تشوف لجمانة وساكته مش مصدقة الكلام اللي تقول فيه
حميدة:: خيرك حتى إنتي خطيبة خوي ساكتة
لبنة:: ع الأساس من بكري وأنا نهدرز قوليه ب زهور اللي عقلها مش عندها
زهور:: نعم كلمتوني
رانيا:: خيرك حماتي فيك شي
نهد:: أيوا أيوا حماتي
رانيا:: أسكتي إنتي ومافالحة كان في التعليق
نهد:: طالعتلك حبيبتي
نجمة تنادي:: جمانة جمانة تعالي إنتي ولبنة شوي البرا لجنان
جمانة:: نعم ماما ... هي جايات
لبنة:: هي أقفي
وطلعو جمانة ولبنة من الدار
لبنة:: خير عمك قالبة كشختك إنتي
جمانة:: ههههه عليك أسلوب شباب ملخير  ... حسيت روحي انكلم في رامي
لبنة:: خيرك بجد انتكلم حبها
جمانة:: تعرفي من بكري وأنا نتصل 4 مرات وبعدين رد عليا صاحبه وتوا فونه مقفل
لبنة:: أكيد بلا شحن خيرك
جمانة:: زعما مريض
لبنة:: قهرتك وعازتك وقلة عناك
جمانة:: أكيدة ترا شن صاير
لبنة:: تي تفائلو خيرا تجدوه ... تفائلو شرا تلقوه مقولات الكحيم أيمن
أيمن:: خيرني
جمانة:: مخيرك شي
لبنة:: هي أمشي عمتي نجمة تسنى
أيمن:: اي هي وامي وأمك ياهانم
جمانة:: تقصد عمتي رجاء وخالتي رجاء
أيمن:: شفتي مكتوبين لبعض حتى أمي وامها أسماؤهم زي بعض
جمانة:: ومتنساش تاريخ الميلاد
لبنة:: ماشاء الله
أيمن:: هيا أمي تستنى
وطلعو 3 من الحوش ل الجنان
أم أيمن:: ربي يحفضكم
أم لبنة:: ماشاء الله عليكم
جمانة:: احم احم نحن هنا
نجمة:: غاليتي إنتي تعالي جنبي خليهم هما بس يقفوا
لبنة مش فاهمة شي:: خير شن في ماما
أيمن:: لبنة
لبنة:: نعم
أيمن:: هاتي يدك
لبنة:: علاش
أيمن مسك يد لبنة ولبسها دبلة طرفين توهبل
لبنة مصدومة
أم أيمن:: مبروك عليكم
لبنة:: شن شن تقولو
أيمن:: توا إنتي وبشكل رسمي خطيبتي
لبنة دموعها بدو زي المطر معاد يبو يقفو
جمانة:: مبروك حبيبتي وحضنتها وقعدو يبكو
أيمن:: سادكم عاااد إنتي ويها
أم أيمن:: خليهم ديما البنوت هكي
أيمن:: المفروض يفرحو يايام
أم لبنة:: دموع الفرح ياغالي
أيمن:: تسلمي ياعمتي
جمانة:: نزيد نعاودها يأيمن ... والله تجيتي تشكي منك .. حسابك مش رح يكون يسير ... وقلتها قدام الكل فهمت
أيمن:: متخافيش ... متوصي حريص بنت خالتي
وكملو يومهم عااادي ودارو البنات جو القهوة وحركات ..
:::::::🌸🌸::::::::
في المشفى
دخل إسحاق للإستعلامات بيسأل على الدكتور سالم وقالوله في غرفة العمليات عنده حالة
طلع الدكتور سالم
إسحاق:: أهلين ياكتور
دكتور سالم::.........
إسحاق علامات الصدمة. على وجهه ... # يتبع
إستنوني في حلقة جديدة من رواية
# لن_أتركها_لغيري ❤

شن تتوقو يصير 🙊..؟