#لن_أتركها_لغيري ❤

البــــــــــــ13ــــــــــــــارت الثالث عشر 💓

من رواية
# لن_أتركها_لغيري ❤

قراءة ممتعة🌸

جمانة طلعت لجنان
صوت من وراها:: جمانة
جمانة لفت وحطت ايدها على فمها ودمعها بدو ينزلو لا إراديا
:: جموووون
جمانة ودموعها على خدها:: عبدو
مشتله تجري وحضناته
عبد الرحمن:: عاااد خلاص يادلاله
جمانة تبكي:: عبدو إستاحشتك
أسماء:: إستاحشتيه هو بس
جمانة بعدت على عبد الرحمن ومشت ل أسماء وحضنتها
أسماء:: إستاحشتك ياحماتي ههه
جمانة وهي تمسح في دموعها:: هههه سوما ليك وحشة بصغارها ههههه
أسماء:: اي والله وأنا بأحفادها😃
عبد الرحمن:: منا أمي ونهودة وبوي وين
جمانة:: غر أدخلو وتو انقلكم
ودخلو للحوش
أسماء:: وينهم
جمانة:: نهود وماما عندهم مدرسة .... وبابا في الشركة
عبد الرحمن:: اها
جمانة:: والله فرحانة وااااااااجد عبدو روح .... خزيه عليك خيرك مكلمتناش راهو مشينالك للمطار
أسماء:: خوك قلي متكلميهمش
جمانة شافت ل عبد الرحمن
عبد الرحمن:: خليتها مفاجئة ياجمونة
جمانة:: اي اي
أسماء:: هي عبدو خلي نمشو نشوفو ماما وبابا والله إستاحشتهم
جمانة:: اقعدو زيادة والله مشبعت منكم قعدة
عبد الرحمن وقف:: متخافيش مش هاربين قاعدين غر بنطلو على عمي وخالتي
جمانة توصل فيهم للباب:: سلمولي على خالتي
أسماء:: يوصل من عنوني
جمانة:: يسلمولي عيونك حبيبتي هي سلام
أسماء:: باااي
ومشو عبد الرحمن وأسماء
تلفون جمانة تن تن تن تن وصلتها رسالة من رامي😉😉
{ حبي بري ل الطاولة اللي في الجنان متعكم بسرعة ...نحببك❤❤}

طلعت جمانة وتلقى بوكى ورد وفيه كرت فتحت الكرت لقت مكتوب {{ استنينا اليوم أمي بتجي تشوف عروس ولدها 😉❤ نحببببك }}
جمانة كانت فرحانة وفرحتها توا بدت فرحتين إن عبد الرحمن روح وتوا أم رامي بتجي تشوفها وحتى الأرض مش سايعة فرحتها
ودخلت جمانة للحوش فطرت وبعدين بدت ترتب فيه لييين روحت أمها من المدرسة
:::::::🌸🌸:::::::🌸🌸::::::::🌸🌸:::::::::
عند رامي
رامي:: اليوم بتمشو أمي باهي
زينب:: باهي ولدي مدامك تبها
رامي يحب على رأس أمه:: تسلمي يانبع الحنان توا أنا طلع تبي شي
زينب:: انت توك مروح بسم الله
رامي:: والله بنمشي نشوف خويا الحق خليته اليوم ومشفتاش
زينب:: اممممم باهي سلملي عليه واجد
رامي:: تأمري أمر
وهو كيف طالع يدخلو محمد واسراء وسلوى
رامي:: أهلا
إسراء:: لامي ((رامي ))
رامي:: حبيبة رامي إنتي
محمد:: طالع
رامي:: أكيد
محمد:: أسمع هاك سيارتي وفي شورك عبي بنزين ليها
رامي:: حاضر
سلوى:: أيوا أيوا ... بيموت ايهودي اليوم
وليد:: السلام عليكم
كلهم:: وعليكم السلام
وليد:: من بيموت
سلوى:: ايهودي .. رامي قال باهي اليوم
وليد:: مش منه من اللي واخذة عقله
رامي:: هههههه حقا اليوم بتمشي إنتي وأمي راه
سلوى:: وأخيرا بنشوف سلفتي
محمد:: بشوية وإنتي مفجوعة ....
رامي:: إن شاء الله
وليد:: ربي ايتمم على خير
رامي:: الفال ليك
وليد:: إن شاء الله مش بعيد هلبة
سلوى:: آمين
ودخلو ورامي طلع
::::::🌸🌸::::::::::🌸🌸:::::::🌸🌸::::::🌸🌸
مشي رامي لإسحاق
إسحاق:: ااااا ياولد أمي ..... اي أدخل للمربوعة ...... باهي تو انقلهم ..... عربية راه ..... تمام
.....
إسحاق:: ياام بالله بنتعبك ديرلنا قهوة عربية أنا ورامي
غالية:: حاضر ولدي
عز الدين:: برا بروحك أمك رجلها تعبانة
غالية:: عادي عادي تو انديرهاله
إسحاق:: خلاص أصلا بنطلعو بعد شوية بنمشو للشباب في القهوة
عز الدين:: قهوة شني وإنت ادور من تركينة ل تركينة
إسحاق:: تشاميز ليق (( دوي الأبطال )) بادي خيرك ياحاج من يوم يومي وأنا انتابع فيه
عز الدين:: ....
غالية:: دير بالك على روحك ياولدي
إسحاق:: حاااضر هي أنستو بعض
عز الدين:: في أمان الله
.......
إسحاق طلع مشي لرامي
رامي:: شكلها شارفة القهوة
إسحاق:: أقف بالك بنمشو للقهوة بسرعة دوري الأبطال بادي
رامي:: باهي هي بنمشو ل الشيل قبل محمد يبي بنزينة
إسحاق:: أصلا بنمشو لقهوة الشيل جوهم سمح في القهوة هاكي واليوم تتقهوى على حسابي
رامي:: اووو ملا أقف
...
مشو رامي وإسحاق للقهوة
إسحاق طول الطريق شارد ومقالش ولا كلمة وهذي مش من عاداته .... ''غريبة''
رامي قعد يعبي في بنزينة وإسحاق دخل قعمز في وحدة من الطاولات فتح نت لقي رسالة من سراب الحياة '' صفاء😉''
صفاء:: مرحب. .. انستك
إسحاق رد:: هلا ... أنستي ونورتي
صفاء كانت تقراء لكن لما وصلتها وشافت إنها من إسحاق ردت
صفاء:: تسلم
إسحاق:: توقعتك مسكرة
صفاء:: لا والله كنت مكسدة نشوف في المنشورات لين كلمتني ''كذابة عاجبها لكن بتثقل روحها هكي حني البنوت دايرن روحنا ثقال وحني مع أول نفخة أنطيرو'' خلي انولو😉😊
إسحاق:: امممممم باهي كويس
صفاء:: كويس
قعدو ساكتين شوي وبعدين
صفاء:: الووووو قاعد
إسحاق:: منا وين بنمشي
صفاء:: سؤال
إسحاق:: جواب ... تفضلي
صفاء:: علاش خذيت ايميلي
إسحاق من الأول تردد لكن رد:: نقلك لكن متقصيش على كلامي
صفاء:: تمام
إسحاق:: على خاطر عاجبتني يابنت من هاكا اليوم اللي كانو الولاد في الكلية أمتا شفتيلنا وقلتي احترم نفسك إنت وياه أحسن .... وبعدها بديت انتبع في أخبارك في الكلية والحق عجبتيني حسيتك صعبة ولكن حنونة ...... وبعدين كلمت صاحبتك سهى عليك وقتلي إنك معندك حد في حياتك ... ومتضلميش صاحبتك لأني وصيتها متقلك .... المهم راك دخلتي قلبي يابنت
طبعا صفاء تقراء في كلامه ومش مستوعبة شن يقول هذا ....
صفاء:: امممممم
جي رامي وقعمز جنب إسحاق
إسحاق:: هذا ردك امممممم على كل اللي قلته
صفاء:: به شن تبيني انرد
إسحاق:: مش عارف عصبي ديري لقطة لحياتك
صفاء:: خلينا أصدقاء أحسن
إسحاق:: في شخص في حياتك بش تبي تبعديني
صفاء:: هو. لا . ولكن
إسحاق بدي يعصب:: لكن شني شني قولي
صفاء:: منبي اندخل حد لحياتي توا
إسحاق:: به علااش ... مش عاجبك أنا ولا نااقص ولا كيف
صفاء:: لا حشاك. ...... بس أنا الحق منبيش توا
إسحاق خلاص عصب :: أسمعي يابنت الناس ... أنا أمتا جيت كلمتك قلتلك كل اللي عندي من يوم اللي شفتك فيه وراني منلعبش عندي أمي نخاف عليها ... بس حبيت تتعرفي عليا قبل منجي انكلم أهلك ... فهمتي ... وحطاها في راسك أنا مش من النوع اللي يلعب ب بنات الناس .. وصلت
صفاء:: بالشوية عليك إنت خيرك عصبي هكي بسم الله الصبح خذيت ايميلي وتوا تبي تخطبني غر بالشوية عليك
إسحاق:: أسمعي أنا جيتك بأسلوب لكن والله ميمشي معاك أنتم هكي
صفاء:: كان من بدايتها هكي .. خلي انسكراها خير من الأول
إسحاق وصلت حدها عنده حدف التلفون من ايده وجي على الحيط وانكسر

رامي:: بسم الله عليك .. خيرك
إسحاق:: اوووووووف ... خيرهم هكي البنوت الززززح
رامي:: بالشوية تبيلهم بالسايسة قبل
إسحاق:: اوووف
رامي:: شكلك خرطت من أولها وسكرتها . صح
إسحاق:: هي سكرتها مش أنا
رامي:: غر هدي توا وبعدين ساهل
إسحاق:: شني هدي هذي
رامي:: صدقني والله لما ترد عليك غر تبيلهم بالهدواة هما هكي يبانو ثقيلين لكن لا ره
إسحاق:: به شن بندير توا
رامي:: أمتا تروح كلمها تو ترد عليك لكن وسع بالك معاها خليك هادي عاد مش تعصب طول
إسحاق:: عارفني منقدرش عصبي عصبي شن بندير
رامي:: الطبع يغلب التطبع
::::::🌸🌸:::::
عند صفاء
اللي قاعدة مصدومة من كلام إسحاق ... قصدكم توا إسحاق عز الدين يبيني أنا .... ت لا لا تحلمي ياصفو عاااد .... إسحاق عاجباته أنا .... حتى في الحلم مكنتش نحلم باها .... لكن لما نخليه يتعذب على خاطري .... حتى أنا صفاء ال#### ....واللي يبي الورد يتحمل شوكه وأنا الحق شوكي هلبة...... وقعدت صفاء أفكار تجيبها وأفكار تردها.
:::::🌸🌸::::::
خلي نمشو لجمانة اللي تجهز في روحها ... كيف عاد أم رامي بتجي تشوفها ... ضروري كل شي يكون على أحسن مايرام ...
طبعا عبد الرحمن جي سلم على نهد وامه وبوه هو وأسماء ..... المهم
جمانة كلمت لبنة بش اتجي لكن لبنة طلع عندها موعد مع الدكتور
نهد:: جموووونة الوووو خيرك سرحانة
جمانة:: بيجو اليوم عندنا بيخطبوني
نهد:: أمه بتجي اليوم
جمانة:: اي كلمني الصبح
نهد:: أيوا أيوا أختي بتولي عرووووس أيوا
جمانة:: غر يولد ويسموه بسم الله ... ومرات منعجبش امه
نهد:: غر سكري سكري .. أولا إنتي مخاصك شي تهبلي ثانيا بيتزوجك هو ولا أمه ... ثالثا من زيهم هما يحصلو زيك مرت ولدهم ... ماشاء الله عليك ربي يحفضك أخيتي
جمانة:: عارفة روحي نهبل ولكن خايفة
نهد:: خفي علينا شوي
::::::🌸🌸:::::
خلي انسرعو الأحداث للعشية
وجت العشية وجمانة على أعصابها جو أمه ومرت خوه ( زينب و سلوى )
نجمة:: تفضلو تفضلو انستو ونورتو
زينب:: تسلمي مأنسين باوجودك
نجمة:: والله ليك وحشة يازينب
زينب:: تسلمي والله عارفة عاد مشغولة من حد لحطوني مديرة
نجمة:: هذي سلوى مرت محمد صح
سلوى:: اي هي أنا مرته
نجمة:: ماشاء الله عليك ربي يحفضكم ويخليكم لبعض
سلوى:: تسلمي
نجمة:: وكيف حال وليد و ... ''قعدت تتفكر''
زينب:: رامي
نجمة:: اي رامي
زينب:: هذا علاش جيانكم حني
نجمة:: إن شاء الله خير
زينب:: خير خير... غر والله نبو بنتك جمانة لولدنا رامي كان ربي كتب وسخرلنا
نجمة:: والله قلت مايجي من وراك كان الخير ... إن شاء الله مايصير الا كل خير. . لكن الشور الأول والأخير للبنت
زينب:: هو الحق جايين نبو انشوفاها من بكري نشوفو في الصغيرة
نهد كانت مقعمزة جنبهم
نجمة:: اي هذي بنتي الصغيرة نهد .. نهودة بري نادي أختك
نهد:: حاضر
نهد مشت لجمانة
زينب:: حقا كيف حال ولدك المسافر
نجمة:: والله كويس روح اليوم كانو تعبانين هو مرته شوي مشو لحوشهم بيرقدو
جمانة:: السلام عليكم
كلهم:: وعليكم السلام
زينب وسلوى:: ماشاء الله ربي يبارك
جمانة مشت تسلم وهي متحشمة
وبعدين قعمزو يهدرزو
{خلي نخلوهم ياخذو راحتهم ههههه😉😉}
::::🌸🌸::::::
عند رامي
:: اووووو أهلا برامي
رامي لف هو وإسحاق
:: ......#يتبع
إستنوني في حلقة جديدة من رواية
# لن_أتركها_لغيري

به فرحوني بتعليق صغنوون هكا 🙈🙈