تزوجت ولكن...
... اليوم جنت كاعده يم البنات والحجيه﴿ام فهد﴾
شويه واجه حسام ومحمود وفهد همات كعدو يمنه واني رحت سويتلهم جاي وجبته
زهره: اكول امينه شنو انتي حضرتي روحج حضرتي ملابسج للعرس
امينه: ياعرس
زهره: يااا ولج العرس مثنى ابن عم الولد شبيج
امينه: اهاا
سرور: اي تروحين للعرس لو لا
امينه: ﴿ضليت صافنه اني ماادري اصلا ومااعرف اكول اي لو لا ضليت اباوع على فهد بمعنى داسأله اروح لو لا ﴾
وهو فهم الموضوع
فهد: اي تروح ليش متروح
امينه: اني كولش تونست اريد اروح شويه اغير جو متت من الخنكه مال البيت
.... ضلينه كاعدين شويه ورحنه نحضر العشه وتعشينه
....ثاني يوم كعدنه تريكنه وخلصنه وراحن البنات يحضرن روحهم علمود العرس واني همات رحت طلعتي فستان طويل ماروني كولش حلو ونازك
لبسته ودترتب بنفسي شويه ودخل فهد
فهد: شنو هذا
امينه: شنو
فهد: شنو هالبس هذا
امينه: فستان عادي شبي
فهد: شنو عادي ولج تردين تطلعين بي
امينه: اي راح البس عبايه فوكاه حلو😊
فهد: لا والله امشي روحي بدلي احسلج ماطلعين هيج
امينه: ليش مالبسه اصلا حلو عليه
فهد: خاب انجبي امشي بدلي بدون كلام زايد
امينه: مراح ابدل وراح اطلع هيج اوك
فهد: ليش تخليني امد ايدي عليج انتي صدك مو مال احترام اذا ماتبدلين ماترحين للعرس
امينه: اووف يربي ﴿شكد مكروه يالله﴾😡
فهد: شكلتي
امينه: هيج ماكو شي😒
... رحت بدلت ملابسي ولبست فسان عادي بس همات طلع كولش حلو عليه ولبست وياه كعب وطلعت
زهره: هاي شنوو عمي طالعه تخبلين
سرور: اي والله صدك حلوه
امينه: فدوه عيونكم الحلوات (تفاجئت من سرور تكول عليه حلوه وتضحك بوجهي بس ميخالف تونست اني )
... طبعا فهد واخوانه همات بدلو وطلع فد شي
ورحنه للعرس جان بيت بمزرعه كولش جبير ومتروس عالم وصايره هوسه المهم رحنه وكعدنه وفهد راح يم الزلم وجنت كل شويه واسمع الناس تكول هاي الفصليه وهاي الفصليه كولش ضجت بس كلت ميخالف هذا قدري من الدنيا بس المهم كلهم كالو عليه حلوه 😊😊
صارت الزفه والزلم دخلت علينه بالصاله مال النسوان وكلها لبست حجابات وعبايه اني همات خليت الحجاب على راسي بس مالبست عبايه
زهره: امينه روحي لبسي راح يدخلون الزلم هنا
امينه: اي حبي لبست
... دخلو الرياجيل علينه وشفت فهد هو وجماعته يشاقون ودخلو ضل بس يخزر بيه
امينه: ﴿شبي هذا بس يخنزر عليه عابت مو صوجه صوجي اني اباوعله﴾
... جنت واكفه على صفحه شفت فهد اجي يمي مبين عليي عصبي
فهد: هيي هاي شنو
امينه: شنو شبيك
فهد: ليش مالابسه عبايه وبعدين شنو هذا شعرج نصه طالع
امينه: ﴿كمت اعد بالحجاب علمود اغطي شعري ﴾
فهد: امشي روحي لبسي عبايه لا ادفنج هنا
امينه: انت شبيك تحجي هيج ويايه هيج شنو هالاسلوب هذا
فهد: لا بله شلون تردين احجي وياج روحي لبسي عبايه يلا مااريد اعيد كلامي
امينه: ترى فساتني طويل ميحتاج عبايه
فهد: فهمي زين انتي صح فصليه بس محسوبه عليه فهمتي يلا لبسي عبايتج لان فستانج ضيك
فهد: رحت جبت العبايه ولبستها وفهد بعد وكف بمكانه رحت وكفت يمه
حسام: اووف اووف شالوكفه هاي والله يرادلكم صوره 😂😉
فهد: خاب ماتولي منا ارعن
حساب:لا لا اعصابك فهودي😂 هاا امينه بس كون تونستي اليوم
امينه:ههههه اي حلوه الاجواء كولش
فهد:اكلك ماتسكت احسلك انه رايح يم الزلم وانت حاجي امي علمود نرجع للبيت
حساب:خوش
... خلصت اجواء العرس ودنريد نرجع للبيت وشفت خالتي
امينه: هاا خاله شوكت نروح للبيت
خاله: هسه فد شويه علما تجي السياره..شنو شبي وجهج اصفر يمه
امينه: لا ماكو شي بس شويه تعبانه من الهوسه
خاله: اي بنيتي هسه نروح وترتاحين
امينه: انشالله
محمود: هاا يمه يلا صعدوو انه اوديكم
خالتي: هلا يمه هاا ليش انت جا وين فهيدان
محمود: راح يبات هنا يم الولد واني راح اوصلكم
خالتي: هاا زين يمه يلا جاامشينه
...ورحنه صعدنه بالسياره وصلنه للبيت واني بس وصلت وبدلت ونمت من التعب وثاني يوم كعدت مصخنه ومابيه حييل كوه كمت
يتبع...
