سارة : اوكى مع السلامة (ومشيت)
*_____________________________________________**___________________________*
فى بيت سارة ...
مُعتز : انتِ ليه مخلتنيش اجى اخدك من النادى
سارة : افرض سلمى كانت لسه ممشيتش تشوفك بقى وكل اللى عملناه يبوظ
مُعتز : يا جامد انت ايوة كده شغلى دماغك معايا
سارة : بس تصدق طلعت لذيذة
مُعتز : اتكلمتوا فى ايه
سارة : كلام عادى جداً عن العيلة والدراسة
مُعتز : مسألتيهاش مرتبطة ولا لا
سارة : اكيد لا يعنى مش من اول قعدة
مُعتز : طيب
سارة : المهم انى خدت رقم موبايلها وقالتلى لما اروح النادى هبقى اكلمك نتقابل
مُعتز : بجد يا سو
سارة : اه والله بجد
مُعتز : يارب الموضوع يظبط يا سارة
سارة : يارب يا وزة ، انا هدخل بقى اذاكر شوية
مُعتز : طيب انا هنزل مش عايزة حاجه
سارة : سلامتك (ونزل)
*_____________________________________________**___________________________*
فى احدى الكافيهات ....
مُعتز : سنة عشان تجى تقابلينى
لليان : شو بدك
مُعتز : عايز افهم فى ايه
لليان : انا اللى بدى افهم انت شو بتريد
مُعتز : هو عشان اتكلمت معاكى بصراحة تبقى الدنيا اتهدت
لليان : هيدى وقاحة مو صراحة ، تقلى انك ما عدت تحبنى وبدك تبعد عنى وتقلى صراحة
مُعتز : مش احسن ما اشتغلك وامثل عليكي
لليان : انا قلتلك قبل ، لو راح تتركنى ما راح اسيب حقى
مُعتز : انت بتهددينى
لليان : ايه (اه) عم هددك
مُعتز : كده يعنى ، خلاص اعلى ما فى خيلك اركبيه ومن اللحظة دى يا لليان مفيش حاجة بينا عن اذنك (ومشى)
*_____________________________________________**___________________________*
تانى يوم فى شغل مُعتز ....
رامى : انت مجنون
مُعتز : ليه يعنى
رامى : مكنش ينفع تعمل معاها كده كان لازم تسايسها
مُعتز : استفزتنى لما لقيتها بتهددنى
رامى : ماهى قاصدة تستفزك يا ابنى لليان ممكن فعلاً تعملك مشكلة
YOU ARE READING
عذراء فى ليلة الدخلة
Mystery / Thrillerقصة شبابيه باللهجة العاميه المصرية تدور عن احداثها عن فتاتين عذروات رغم زواجهما ، سنتعرف فى هذه القصة عن الاسباب التى ادت الى ذلك ..
الحلقة الثانية
Start from the beginning