جا جاك معاهو بت وشاف صفا بترقص مع واحد فاكر ده صحبها مشى سحبها من يدها برة لمن شفت كدة ما رضيت اتدخل بس راقبت من بعيد شايفة صفا جايطة فيهو وهو منزل راسو بعدو عاينت ليهو من فوق لي تحت وجاتني قالت لي يلا مشينا ركبنا العربية ساكتين و الغريبة هي قالت لي ارح مطعم مشينا مطعم هي طلبت اكل وانا عصير وبعاين ليها وهي بتاكل شافتني مركزة معاها بقت تضحك انا. ما كنت قايلة نفسي يضحككصفا. لا بس اصلك نظراتك ليا مضحكة واكيد عايزة تعرفي اللي حصل انا. صفا احكي لي ومن غير ضحكصفا. حاضر اتكلمت معاه وقلتلو اني عرفت خيانتو واني خلاص مش عايزة اشوف خلقتو ووووووووبسانا. عشان كدة سقتيني معاك رغم انك عارفة اني ما بحب ادخل اي بار صفا. ايوة عارفة بس مش كنت عايزة امشي لوحدي انا. خلاص يا صفا وانا معاك للموت ان شاء الله صفا. ربنا يخليك ليا يا رب انا. طيب يلا وبعدو طلعنا لفينا شوية بالعربية ورجعنا البيت صباح اليوم التاني صفا. ايثار يلا قومي انا. ياخي يا صفا ما ممكن عايزة انوم صفا. طب خلاص انا رايحة البيت عايزة حاجة انا. امممممممممممم صفا. يعني فهمته يلا سلام بعد شوية صحيت اخدت دش وصليت مشيت قلت لي نانا (دي الشغالة )عايزة نسكافيه اتصلت على صفا عرفت انها مشت عايزة تجهز لامتحاناتها وانا الحمد لله خلصتها لي يومين شلت النسكافيه ومشيت لي بكري اخوي انا. بيكو يا بيكو بكري. وين يا ايثو مختفية مالك من بعد امتحاناتك انا. ظروف سياسة والله بكري. يا بت لا والله اتطورنا انا. انت يا بكري نازل السودان متين بكري. ما عارف غالبا الاسبوع الجاي ويمكن امي وابوي يجو انتي ما تحاولي تجي انا. والله يا بكري انا زاتي ما عارفة وكمان كل ما اتصل لي حبوبة تحلفني الا اجي حننتني عديل كدة بكري يا اصلية انا ما بعصرك تمام المهم أخدنا ونستنا تمام بس لا حظت جوالو بضرب كتير وبكري ما عايز يرد انا. شنو التقل ده ما ترد على المزة دي بكري لا والله بس هي معاطة هي لبنانية شافتني في الشركة بقت لصقة بس انا ما جادي والله هو في كدة طيب ماشة بكري الله معاك في أثناء ما انا مارة بي اوضة ماما وبابا سامعة بابا ببكي وامي بتصبرو دخلت ليهم في شنو
يتبع.....
