#مسارات_حياتنا_ستتغير
الحلقة 12
بعد مرور ايام
هيما : كنت مقعمز علي التلفزيون نتفرج جت اماني جنبي
اماني : شن صار في موضوعنا فكرت
هيما : اماني خلاص راهو سماطيتها وانا بروحي مش رايق الله يربحك فوتيني احسن
اماني : بس ﻻزم نحكوا والله وبعدين سمعت اعميمه تحكي علي زواجك مع اختك وبعد جيت سكتت تحكي من ورايه وخايفه نسمعها وانت تماطل
هيما : نعممممم شن قلتي اول شي ياابله امي ماتخافش منك هيا ماتبش تزعلك وخايفه علي مشاعرك عرفتي مش منك انتي وبعدين هيا تحكي في موضوع واعتقد انا مادسيت عليك شي وقلتلك حكتلي يعني مش سر هو وشي اخررر امي مستحيل تجي تحكي معك علي الزواج عشان ماتتحمل تزعلي منها وحتي بعد عديتي لاهلك وقعدتي اسبوع شكت في موضوع وكل يوم تقولي كنك ماجبتها وعرفتك تسبلي باختك وتهيالي كلماتك حتي انتي سالتك يعني هيا خايفه عليك وعلي مشاعرك مش خايفه منك فهمتي
اماني : كنت حكيتلها الصدق والله
هيما : اماني خلاص عاااد سامطتيها وانا رقيتلي من هالجو المعفن اللي اديري فيه اقسم بالله ماسك روخي بالغصب عن المشاكل راهو مليت من هالموضوع خلااااص عاااد
اماني : بس انا ...
هيما : قاطعتها ....انا بنطلع وانتي اقعدي في هالخاب بروحك مش ناقصني عياط في هاالليل يسمعوا الناس هرجتنا ....صبيت خذيت نقالي ومفاتيح وجيت فتحت الباب بنطلع
اماني : انا بنعدي لاهلي راهو
هيما : برمة عليها ...انتي هكي تبيها بعناد باهي عليا الطلاق بالثلاثه يااماني لو يجي حد من اهلك ياخذك اويوصلك حد من اهلي وتطلعي من الحوش هضا وتعدي لاهلك ماعد تردي لحوشي ولا لحياتي تم وانتي حرة شوفي جوك تم....برمة طلعت .....عديت شور حوش اهلي تصادفت مع غادة وملاك
غادة : هيما امونه في الحوش
هيما : فتتها وعديت
ملاك : كنت جايبه انا وغادة قصعة عشاء لاماني من اهلي غادة تحكي معه معبرنش رقتلي ....هاااي يااخ نحكوا معك
وسيم : كنت خاش لحوشنا لقيتهم قدامي
هيما : برمة رديت عليها ....انتي مع من تحسابي روحك تحكي هاااااا
غادة : عرفت هيما فاصل وبروحي خفت جيت سحبت ملاك من يدها ....هيااا ملاك
ملاك : كان منظره غريب يفنص وواضح رقيله ....نحن جايبين العشاء لاماني عشان ...فجاة
هيما : معش حسيت بروحي الا وانا خابط من يدها القصعه ومطيرها في الهواء
ملاك : وااااك
