كابوسي سينتهي💔

الأخير...

اغباياء اي كلهم اغبياء...الحب ما ينسى مع ذالك بمجرد ماشاف وحدة لازكة بي ومتعلقة بي عاف الي ضحت بروحهة وخيانتهة لألهة لأنهة تحجي وياه بدون علم اهلهة...هو هاذ الشي الي خلاني اعتبرهم سلعة عادية شوكت ماريد اذبهة....
بعد اشهر من العلاقة الي بينة...كال عدي الج مفاجئة كتلة اوك ياكثر المفاجئاتة، كليوم طالعلي بشلغة بس هلمرة مو تسليم الايد كال روحي للمدرسة هناك مفاجئتج كتلة يعني عد المديرة هههه فرحت للمدرسة اول موصلت صاحبتي الي تراهنت وياهة  "هديل" اول مسلمت عليهة صفگتني راجدي...
-------

-ولج شفت هواي طايحات حض بس مثلج مشفت...الله لايوفقج لأنج هجمتي بيت اقرب وحدة عدج،لج انتي شنو....انة حسبتج تشاقين ويكره هيج شقة ، تدرين انة الله راح يراويج يوم مشوفين بي سعادة وتسود الدنية بوجهج ترة الله مايترك ضالم يسرح ويمرح بدنيتة،لج حطي نفسج مكانهة ولو لحضة هاي اذا عدج ضمير.....

-هههههااااي انتي صالج ساعة تخوريهة بلحجي ماصارت ترة مصختيهة...خير انشالله بيا حق تضربيني هاا.وبعدين الله لايوفقج انتي شمسوية مفركة ابوج عن امج ،وبعدين خير ياطير شنو الصاير اصلن ويا بيت الي هجمتة بگد الدودة شهجم يحضي....
*هزت بيدهة وراحت تفلت بضهرهة عسة مايردهة رحت اركض ع صاحباتي علمود اعرف شصاير....
طبيت للصف جان غفران صاحبتي اجت تركض الية.....
حطيت ايدي ع خدي علمود لاحصل راجدي ثاني...هههه

-لححححكي ولج...لحضة ليش حاطة ايدج ع خدج....
-لا بس للأمان حاطتهة ماعليج شنو صاير؟
-جا غيرر اية واياد فصخو الخطوبة...والسبب ابنية بلمدرسة محد يعرفهة عدانة انة وصديقاتي وانتي....
-گولي والله...
-والله...شبيج حزينة مو هاذ الي ردتي...
-هوة صح!مادري..الي ردتة انو افرض كلمتي واكون كدهة...وربحت ...بس....
-خسرتي بشياء ثانية.....(الثقة-الصداقة-والأحترام)
-تعتقدين؟
-متأكده...
*****
رحت لصف اية شفت صديقاتهة مجمعات حواليهة ويبچن ،بس شافتني اجت ركض وحضنتني.....وبين شهگاتهة والدموع الي اسرع من الثانية ينزلت،وصوتهة الي بلكوة يطلع من حلگهة....
-شفتي....شفتي اياد شسوة بية، صوچي انة مسمعت كلامج ومجربتة اذا يحبني ،شكد جنت غبية وحبيتة اكثر ماحب نفسي ،احس روحي ندفنت لمن شلت الخاتم من ايدي،روحي تتگطع يا زمردة لحگيني فدوة لعينج،
****
نزلت دمعة مامتوقعتهة من عيني الي عمري مبجيت علمود بشر،بسرعة مسحتهة،لزمت جتوفهة حيل وجهته الية باوعت لهيونهة الحمر من البچي
****
-لاتهتمين الواحد عافج بعد عشرة الحب الطولة علمود انسانة خطفتة بيومين بس تخيلي لو هسة انتي وياه مزوجين تدرين انو بدل هلوحدة يحب عشرة،لأن مجان يحبج بحساس ومشاعر جان يحب نفسة لأن شاف روحة مميز وياج لانج تهتمين بي اكثر من نفسج....
-بس....
-لا بس ولاشي يلله حبي انة رايحة للصف عدي درس...(مقاطعة....
-ووين ع الله رايحة يا خطافة الزلم....
-هديل معليج وطلعي من الموضوع لا اجرم بيج....
-هديل:اذا انتي جرمتي بصديقتج وجاية بلجنازة بعد ،شترجة منج بعد يروحي...
-اية:شنو قصدهة...؟
-هديل:تدرين ياهي الي يحبهة اياد....
-انة:هددديل اسكتي...
-اية:مني وليش هيج معصبة زمردة خلينة نفهم؟
-زمردة هية حب اياد...
***
باوعت بصدمة لوجهة ايه صار وجهة اصفر وصافنة عليه اريد كلمة تطلع من حلگي ماكو تربط لساني ،ماشوفلك الة اية وكعت ع الارض البنات ضلت يصرخن انة من شفته هيج كلت ماتت اجت المدرسة والمديرة شالنهة كالن انغمى عليهة،ضلت هديل تباوعلي بعين حاقدة،رفعتلهة حاجبي انة اعلمج...اجت مدرسة صاحتنة رحنة للأدارة مادري شعجب ماحجت هديل شي ولا انة فكيت حلكي طلعنة من الادارة وكمل يومنة الدراسي ماسألت حتى عن حالت ايه،المهم صارت الحلة،مدرستنة صير گبالهة شارع عام،شفت هديل واكفة ع الشارع العام وهوسة الطالبات صرت بنص الهوسة والسيارات سريعة دفعت هديل ع الشارع ومشيت ولاجني يمهة كملت طريقي بحيث محد حس بية، ماسمع بس صريخ البنات ورجال يگول شيلوههة ...وخرو عنهة....يييييمة الدم .....شيلهة حطهة بلسياره نوديهة للمستشفى....
درت وجهي ماشوف الى هديل بنص الشارع نامة وجهة وجسمهة كلة دم...الناس ملتمين عليهة ،وصايرة لخة ،ماعرفت شسوي،بهاي الحضة سوى المشي ليگدام بدون مبالا،
...دخلت علاقة وحدة ودمرت علاقات هواي....