ترفع نانسي وجهها وأومات راسها بنعم، وهنا يرفع والدها يده ليصفعها قلم، محملا بكل غضب ليفوقها من الحاله التي اصابتها، فتقع علي الارض من قوته، فتصرخ والدتها،،،
- نانسي بنتي،، ليه كده ياسمير، انت عمرك ما مديت ايدك عليها
سمير؛ ودي كانت غلطه يازهيرة، كان لازم افوقها من زمان، من وقت ما كانت بتبيع وتشتري في الراجل اللي حبها وكان يتملها الرضا ترضي، لكن القلم جه متأخر للاسف،،، وينظر لمعتز نظرة اسف واعتذار،، ويقول له،،
- انا مش قادر ابص في وشك يابني، انا اسف بالنيابه عن بنتي، وانا هعرف اربيها من الاول وجديد
معتز ؛ متعتذرش ياعمي، حضرتك مقامك كبير عندي، انا اللي اسف اني زعقت ودخلت بطريقه مش كويسه، بس اكيد انت عازرني، ومش حضرتك بس اللي غلطت. انا كمان ساهمت في الغلط ده، عشان شجعتها وخلتها تتمادي فيه، وانا بخضع لكل اوامرها وبضعف قدام حبي ليها، اللي فهمته للاسف انه ضعف ومقدرتهوش ولا فهمته
هنا تنهض نانسي، وتضع يديها على وجنتيها، وتنظر لهم بكل غضب، وتصيح بهم مردده
- خلاص كلهم بقيتوا ملايكه وأنا الشيطانية اللي عايشة وسطكم، كلكم طيبين وانا الشريره، "وتوجه نظرها لوالدها" ما انت كنت موافقني يابابا في كل حاجه بعملها عمرك ما عرضتني ابدا وانت شايفني وانا بطلب من معتز كل حاجه من اول الشبكه للعفش، لكل حاجه وكنت بتبقي سعيد لما بينفذ اللي عايزاه، جي دلوقتي تقول انك غلطان،"ثم تنظر لمعتز" وانت يامعتز طول عمرك بتبقي سعيد وانت بتنفذ طلباتي، اه اوقات مكنتش بترضي بس في الاخر بتنفذ، ليه بتشتكي دلوقتي، جي فارد ضلوعك اوي عليا،، اه كدبت عليك، عشان مش عايزاك تتهني ولا تشوف يوم حلو من بعدي. انت ملكي انا وبس، ولو افترقنا مش هتكون لغيري، انت فاهم ولا لأ مش هسمحلك ان واحده تانيه تقرب منك، نجوم السما اقربلك انها تاخدك مني، انت ملكي انا بس، انتوا سامعين، انت ملكي انا وبس
كانت تتحدث وهي في حالة انهيار ، وتنظر له تاره وتفتح عينيها بشده، وتاره تضحك وتارة اخري تبكي، فأدرك معتز انها مريضه، بمرض، التسلط التملك، فقد اصبحت مهووسه بتملكها له،، فاقترب منها محاولا ان يتعامل معاها كطبيب نفسي، وليس كزوج سابق لها، فوجدها تنفره بقوة، وتدفعه بعيد عنه بكل غضب مردده،،.
- ابعد عني، متلمسنيش انت فاكرني مجنونه، زي المجانين اللي بتعالجعهم، انا انا اعقل منك، ومنكوا كلكوا، محدش يلمسني، ابعدوا كلكم عندي،،، وتبتعد بظهرها خطوات غير منتبه انها اصبحت خلف الشرفه، ومعتز يقترب محاولا ان يمسكها حتي لا تسقط واذا بها ترجع اكثر واكثر، وفجأة
ياتري ايه اللي حصل لنانسي؟
ومين معتز وايه سبب غضبه؟
كل هذا وأكثر سوف تنعرف عليه من خلال روايتي المتواضعة
"عذبني حبگ"
إيمووو كمال
YOU ARE READING
رواية عذبني حبگ كامله
Romanceمقدمه هي أحببته منذ ان كانت مراهقه، لا تعلم عن الحب شيئا، واقسمت ان تتقرب له، نعم عشقته بحد الجنون،فكان مطربها المحبوب، فسعت إليه بكل الطرق، فغاصت في بحور حبه، معتقده انها في جنة حبه تنعم، لكنه اذاقها من حبه العذاب ألوان، فقد احبهابشده ، وكان يتمني...
