هالبارت بيه شويه جرئه🔞 ولان القصه حقيقيه فذكرته
وفعلا هالامر صار ويه نجمه فما اكدر ما اذكره حتى متصير سلسله مفقوده بالقصه
العرىس_والسحر__
#زينب_عبد_المطلب__
#البارت_الثامن
#الناشربارق_العراقي
يوم الزفه
__اليوم عرسي يمكن هوايه بنات بهاليوم يضلن نايمات من التعب وامهم تجي تكعدهم
حتى يروحن الصالون..
اني لا يمكن كل الي نمته ساعتين من وره الخوف افكر شلون حفارك بابا وبيبي وماما
شلون حعيش بيت وحدي بس ويه حسين شحاكل شحطبخ شلون حغسل الملابس
شلون حقرا وحدي من يجتمعون بيت اعمامي اني مو وياهم كل هالامور اجتي ابالي
وطيرت النوم من عيوني
__صباح الخير حبيبتي زين كاعده يله كوومي ورانه الف شغله والصالون بعد نص ساعه موعدج
__اي بيبي كايمه وين ماما وبابا
__امج اجوي اهلها وكاعده وياهم وابوج يم عمتج زوجها راد ابوج
__منو حيروح ويايه
__حبيبتي كلنه اذا اتريدين اني وامج وعمتج ومرت خالج وصديقاتج منو الي تريديه
يجي وياج
__لعد حكوم اسبح حتى اروح اهناك تبلش اسرع
__يلا اني نازله ومنتضريج
كمت احضر ملابس الصالون قبل ما اسبح اتصل حسين
__صباحوو
__هذا اخر صباح وانتي مو يمي من اليوم انتي بيتي وتنورين صباحي
__اذا تظل هيجي تحجي ويايه راح اكعد وما بيه اكوم لان كلامك يدووخ
__لك فديت الدايخه ..حبيت اصبح عليج واكولج كل عام وانت الحب الاول والاخير
__بس اليوم مو عيد ميلادي
__اليوم عيد ميلاد العشاق عيد الحب
__اهااااا واكول لعد.....
__ااااايييييييي قبل متكملين اني قفلت ع هاليوم حتى تكون عيديتي هي انتي
وكل سنه حذكر بهاليوم هذا من صرتي مريتي واجتني احلى هديه
__مو كتلك اذا حظل اسمع هالكلام بعد ما اكوم
__لا يمعوده مو مال كعده وبعدين نتاخرر كومي يله واني هم رايح
_ههههه ديله لعد اني رايحه حبي
نزلت اكلت كم لكمه بسرعه ورحت للصالون والعائله كلها اجتي ويايه والكل فرحان
وطلعو كلهم يعرفون اليوم عيد الحب واني ولا ادري اباوع الشوارع والمحلات كلها
حاطه اشياء حمره من دببه و ورد كلش حبيت هالاشياء وحييل فرحت انو اليوم حيكون
عرسنه لان هاليوم فعلا كاان مميز ...
دخلت للصالون اختاريت تسريحه ومكياج كلش نازكات وبالوان كلش خفيفه لان بالرغم
جسمي مثل ميكولون مال وحده كبيره بس وجهي طفولي لذلك لا اني ولا امي رادت
مكياج طوخ
كملت كلشي وطلعت احلى بالف مره من المهر والحنه فعلا البدله الها رهبه وهيبه
خااصه العروسه تحس نفسها ملكه مو بس عروسه...
حبيت شكلي ومكياجي وبدلتي وكلشي بيه كان حلوو اهلي انبهرو بيه واني فرحت
من شفتهم فرحانين لان البارحه هوايه كامو يبجون
رجعنه للبيت والكل كان موجود فرحت حييل بيهم وكوموني نركص شوويه
طبعا عرسي مردت حفله لان حسين هواايه صرف من ذهب وفلوس وتاثيث بيت
فبابا كال كولي لحسين منريد عرس بقاعه بس زفه احسن
ومن كتله لحسين حسيت هم وانزاح منه لان هو مراد يقصر شي عليه ويثبت لاهلي
هو كدها ونفس الوقت هوايه صرف وما اكدر بعد اضغط عليه
أنت تقرأ
العروس والسحر بقلم زينب عبدالمطلب الناشربارق العراقي
ChickLitقصه واقعيه حقيقيه لفتاه تتعرض للسحر وتصل للجنون بعد زواجها فهل تتحمل ما حصل لها ام تبدا بحياه جديده تابعوو معي الناشربارق العراقي
