الملاك الحزين
الحلقه الحاديه عشر
ف الكليه انهت هبه سكشنها وجرت وراء المعيد تساله ولمحها وليد فاستشاط غضبا وعلي ماوصل لها كان قد مشي المعيد
وليد: انتي واقفه معاه ليه
هبه:وانت مالك
وليد:احنا هنستهبل من اولها مش قلت ماتقفيش مع شباب
هبه:دا المعيد بتاعي وبساله
وليد:يعني كل الدفعه قاعده وانتي اللي رايحه بتسالي والله لو شفتك واقفه معاه تاني ماهيحصل طيب والواد ده مش مظبوط اصلا انا راجل وافهم الحاجات دي وانا نبهت لاخر مره ماتلوميش الا نفسك للي هيحصل يلا عشان اروحك عندي شغل انا مش فاضي زيك
وف الطريق نزل جاب ايس كريم خدي
هبه:مش عاوزه منك حاجه
وليديقترب منها هو عشان بحبك وخايف عليكي تزعلي
هبه تفتكر الحلم هااااا والله لو قربت مني هصوت والم عليك الناس
وليد:خلاص خدي بقي هيسيح علينا فاخذته وهي مكموشه بجانب الباب
وليد :والله مانتي طبيعيه خالص انهارده
..............
طلعت هبه لملك فوجدتها متنرفزه
هبه:مالك
ملك:مش عارفه ماده الرسم الهندسي دي واسقاطات واقعد اتخيل المنظورمنها مش فاهمه وشكلي هسقط فيها
هبه:طب ماعندك شاكر دا شغله كله رسم
ملك:لا اكسف
هبه:طب خليها عليا انا هقول لبابا وهو يقوله
وفعلا عندما جاء منصور هبه ابلغته ان ملك تشتكي من ماده ولو باباها يقول لشاكر يساعدها
منصور خلاص هقوله
منصور ينادي لشاكر
شاكر:نعم يابابا
منصور:ابقي ساعد بنت عمك في حاجات مش فهماها
شاكر:وانا فاضي يابابا
منصور:خصصلها ساعه ولا اتنين لما ترجع مش بدل ما تاخد كورسات وتتبهدل ف المواصلات وتتاخر
شاكر :ماشي يابابا
وطلع خبط علي ملك
ملك:مين
شاكر:انا شاكر هاتي اللي مش فهماه وحصليني علي اوضتي
ملك:مالوش لزوم
شاكر :خلصي انا مش فاضي اضيع وقت ف المحايله
ملك:حاضر
يا دي الغتاته مش فاضي اضيع وقت للمحايله
شاكر:بتقولي حاجه
ملك:لاااا ياالله دا مامشيش لسه وارتدت نقايها واسدالها وذهبت
خبطت ع الباب
شاكر:ادخلي
فدخلت وتركت الباب مفتوح
شاكر اقعدي جمبي ع المكتب ووريني
ملك:هي الماده دي
شاكر دي اسهل ماده وبدا ف الشرح والاسقاط لما يبقي دايره ممكن تبقي اسطوانه والخط ببقي كذا واخذ يشرح بيده وهي مخفضه راسها
شاكر يابنتي بصيلي هنا وانا بشرح لنفسي بشخط فنظرت اليه فلم يستطع مقاومه هذه العيون اللبنيه كالسماء الصافيه ولكنه تدارك بارتباك واخفض عينيه
وبعد ان شرح لها الاسقاطات قالها ارسمي بقي المنظور ف اسكتش كده نعرف شكله وبعدين ابقي ارسميه ف اللوحه
فرسمت في ورقه ولكنها قطعتها ورمتها بجوارها
فاتنرفز شاكر:ايه ده اللي عملتيه شبلي الورقه في سله ترمي فيها فهو عدو عدم النظافه والاهمال وهو منظم جدا
قامت ملك وكادت تبكي:حاضر ووضعتها ف السله
احس بانها زعلت
شاكر:انا اسف اني انفعلت عليكي
ملك:لا ابدا خلاص كفايه كده انا مو محتاجه شيء ولمت حاجتها لتمشي
فامسك ذراعها اقعدي بقي ماتبقيش عيله قلتلك اسف
فنظراليها ولاحظ احمرار ف عينيها لانها كانت تدمع
شاكر:كده تعكري السما الصافيه دي
فاحرجت من كلامه وحاولت رسم المنظور
شاكر:برافو عليكي فهمتي كده ناخد مثال كمان
ملك:اوك
وفعلا بدا يشرح مره اخري وتنظرالي يديه وهو يحاول الشرح ويحاول تحاشي النظر الي عينيها التي سحرته
وعندما حاولت الرسم اخطات في شيء فنهرها مش قولت دا كيرف مش مستقيم هنا في ايه وهو يشير الي دماغها فغضبت مره اخري
تصدق انا غلطانه اني جتلك انا مو بريد شيء منك
شاكر:ههههههه يضحك بشده حتي بانت نواجزه والله انتي عيله
ملك:وبتضحك كمان وهمت بالقيام فاجلسها مره اخري والله ماانتي قايمه الا لماترسميه لو هنقعد للصبح هي كبرت ف دماغي ومش هطلعك من هنا الا اما تحلي التمرين ول بتهربي
ملك:وههرب ليه ورسمته اهو مو صح
شاكر:ايه والله زين
واقترب وزين الزين
فهبت واقفه جزاك الله خيرا
شاكر :جزانا واياكم جهزي نفسك بكره وراجعي ع اللي خدناه
فاخذت اشياءها وخرجت قليل الادب ورخم وانا مفكراك مؤدب وجاد
YOU ARE READING
الملاك الحزين
Romanceيحب ابنه عمه التي تصغره وتضطره الظروف للزواج بها بأمر من ابيه بعد موت اهلها ولكنها ترفض وتتوالي الاحداث
