بسبب بعض العادات والتقاليد الاجتماعية البالية تجعلنا نهرب من مكان الى آخر بحثا عن الراحه و الاستقرار.....
تركت حياتي مع اهلي و ذهبت لابحث عن حياة الاستقرار ....
لكن صدفة غيرت حياتي الجديدة و جعلتني اعود للحياة القديمه ...
و بين هذه الدوامه ، يولد عش...
مصطفى ..تركت دراستي و عادل هم ماخابرته مستحي منه بيا وجه اخابره بس شاكر رجعته لبغداد بس بعد احداث مريرة بالعرك مرة و التواسيل مرة ياله قبل يرجع و اني قررت اترك السنه لان منطيني انذار بسبب الغياب و قررت ارسب هاي السنه حته اتفرغ الحياتي و بعده ارجع اذا الله راد . شهر تحسنت نورة بس بقت عالمراجعه الشهريه للدكتور حته لا ينزل مستوى الدم لان ماصعد لسه للمثالي، لذالك بقت تحت المراقبه كل شهر .... بقت بس امي شالعه گلبي و شاغله تفكيري ، ساكته و كاتمه حزنه بگلبه و هذا الي مخوفني يامه حجيت وياهه حته تحجيلي، تنفه شوية ماكو ابد. الحجية .. يمه انت لا تخاف علي بس انا مجاني مو هنا،يم ابوك دومي مافاركته لذالك انتظره ياخذني يا يمه يا وليدي، مصطفى .. يمه ابوس ايدج لا تحجين هيج والله هذا حجيج يموتني، بعدين انت مؤمنه بالله و هذا قدرة و يومه و مانكدر نعترض علي الحجية .. صح يمه، اگلك يمه مريتك شلونه حمله ليش لسه ماوديته للطبيبة، مصطفى .. وديته يمه ذاك الاسبوع من اخذت نورة و الحمدلله ماكوشي مجرد فيتامينات و ابر حديد و هسه ملتزمه بيهن لا تفكرين بي هذا ابني مجلب بأمه الحجية .. والله يا يمه الله يعينك و يگويك دومك مشلوع الگلب و مامرتاح بس بعدين تحصد تعبك لا تخاف، و حميد سالفة طويلة يمه لا تتأمل بيه هسه مصطفى .. اي والله يمه صدگ حجيج، المهم احصد التعبته هاي تكفيني . ياله يمه انا طالع تريدين شي اريد اروح للبستان اشوف ابو عون واخذ منه المقسوم مال هذا الشهر . الحجية .. تعال يمه خلي احبنك من عيونك و اشمنك مصطفى .. لا يمه ليش هيج حبيتيني من عيوني دياله اودعناااج يالغاليه، مصطفى .. طلعت متكدر و مخنوگ من سوايت امي لان الي يحب من العيون يعني يفارگ الحبه و ظليت اسوي هاي خرافات و الله والتهيت بالمحاسبة ويه العمال و البساتين للعصر وانا بطريق الرجعه اجاني جاهل يگلي عمي الشيخه ماتت و يردوك بسرعه . بصراحه ماصدگت الي سمعته و امشي واسوي جذب و اني اقترب من البيت و اشوف الناس ملتمه مثل الفاقد مادري شلون وصلت للحجرة مال امي و اخواني و الكل كاعد انا ظليت واكف مامعقولة راحت ليش ثنينهم راحوا هيج، جرح ابوي لسه ماطاب اجت امي و زيدته ليش هيج يا ربي رحت وخرتهم و كعدت يمه و حطيت ايدي على ايدهه يمه ليش هيج رحتي والله هذا مجانج، ليش صرتي انانية و مافكرتي بينه ، انتم ما تكدرون تتفارگون جا احنه شلون، يمه منو بقالنه ؟ منو يلمنه بعدج ... يمه ترضيه اطب للبيت والگه البيت خالي ؟ يمه ليش هيج رحتي لييييييييش.... محمد .. ولك بسك كووووم وخروا يلة خالي تعال جيب التابوووت، واخذناهه للنجف و نعيمه راحت ويانه و هي الي غسلته، و دفناهه بطلاع الروح لان شاكر و مارضه ندفنه ويكلهم دفنوني وياهه و كلما نهيل التراب فوكاهه يرجع يوخره بأيده لحد ما عادل ضربه على رگبته و نيموا بالسيارة ... رجعنه للبيت ايا البيت هوسه و لطم و الناس الجاية تاخذ بخاطرنه و توكفلنه، النوم جافه عيونه و كعدنه بالحجرة مال اهلي و صرنه يتامى، اليتم مايعرف عمر ولا جنس، شكد كبرنه و شفنه متاعب بهاي الحياة بس مو مثل موتت الأهل الي كبرتنه قرون الي جدام، و تعبتنه و خلتنه انحس شكد صعبه حياتنه لان اهلنه مو يمنه، بس الله يرحمهم، هم السابقون ونحن اللاحقون...... محمد .. خلص الاربعين و الكل مثل الجثث الهامدة مالنه خلگ ال اي شي خصوصا الثلاثي الاخير (مصطفى ، شاكر و نورة ) ذولة مرمروا گلبي و لاجن اصغرهم عمرهه 18 جنهم جهال عمرهم 8 سنين . و صااارت و مرت هاااي السنه المشؤمه و كدرنه نجاوزهه بلمتنه ومساندتنه واحد للثاني، صح انا قاسي، بس القسوة هم تراد يعني لو ما صيحتي على شاكر جا مارجع لبغداد و خليت مراقبين علي يوصلولي اخبارة و نورة هم هجيته سكتت و تاكل وتتحرك بس بلايه روح وادري يوميه تبجي بحضن مصطفى بس شسوي هذا امر الله، اما مصطفى تعاركت ويا لان هامل مرته وهي حامل تالي اخذه للطبيب و بعدهه ياله صحه لزمانه، ليلى .. عرفت حامل بتوم بنات و كلت لمصطفى فرح نوعا ما و هسه اني بالسابع و كوة امشي و حضرت غراضي الي جابهم مصطفى من بغداد من راح صالح عادل على الرغم من هو مازعلان لان اجه لفاتحة الحجية بس مصطفى اصر يروحلة ويعتذر منه . صح ضجت لان بنات تمنيت لو محمد بس مصطفى كلي انو الحجية كايلتله حميدان سالفته طويلة و صدگ تحقق حجي الحجية و ماحملت بمحمد بس الحمدالله البنات هم نعمه وخصوصا ابوهم فرحان بيهن و شوية عدلن من نفسيته و بيوم ولادتي متت اله شوية لان ...... مصطفى .. نامي يا عيني كافي تفترين هسه تعبين وبعد مابيج حيل للولادة ليلى .. ماكدر بطني تلويني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خلي ننزل جوة بغرفة شاكر امي كالت اكيد اليوم اولد . و صدك نزلت و هم ظليت افتر لان اختنگت ماكدرت اتنفس بعد و الم قوي تالي ب 12 بليل اجاني الم قوي بس مشكلتي ماعرف اصرخ بس ابجي و رحنه للمستشفى و مقبلت اتولدني دگلي بعد و ظليت اتلوى و ماكو انوب حطولي اوكسجين لان صار عدي ضيق بالتنفس تالي وخرته لان لازم اكعد ومااكدر من الالم افتر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و امي تهفيلي و لل 8 الصبح صرخت صرخه بعدهه بس سمعت صوت الطفلة فقدت و ماحسيت اله لمن سمعت مصطفى يحاجيني . مصطفى .. ولدت ليلى الحمدالله واجن بناتي يجنن و زنهن 4 كغم و امشي واصلي لان تعجبوا بيهن مدنفشات يجنن وبيض عليه طالعات بس ليلى فقدت و دخلوهه الانعاش لان خلصان الاوكسجين الي بجسمه، هنا فرحتي كله راحت و خفت لا تعيفني مثل اهلي، و كابلت الغرفه و كعدت و كله تگلي روح استلمهم ، سميهم، ابد كلشي مسويت غير بس كبرت بأذنهن ورجعت يم ليلى، ربع ساعه و كلتلي الممرضه صحت تكدر تدخلله فقط لدقايق و اطلع لازم و لبسوني لبس خاص و دخلت لكيته نايمه بست راسه و ايدهه و كعدت يمه واحجي وياهه حبيبتي يله كومي شوفي بناتنه شلون حلوات، تدرين لسه ما سميتهن، اني وياج نسميهن، الله يخليج لا تركيني انت كلتيلي ابقى وياك لتالي العمر يله اوفي بوعدج، حسيت ضغطت على اصابيعي كمزت من الفرحه، اذا جاي تسمعيني اضغطي مرة ثانية، و صدك ضغطت ، ارتاحيت الحمدالله واجت الممرضة كالت لازم اطلع وفد ساعه و يطلعوهه لغرفته، وصدك ساعه و جابوهه للغرفه و ذني ابد ماسكتن بس يبجن يالله توم متشابهات بس ملامحهن مابينات لان بعدهن صغاار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و للعصر صحت ليلى و بدت ترضعهن و سميناهن نجمه اختيار ليلى واني قمر ورجعنه للبيت و لكينه نور مجهزه غرفة شاكر مثل متفقت وياهه لان قفلت غرفة امي و نور خطية تعيف غرفته و شاكر هو اصلا بغداد عود من يجي يصعد فوگ .
