The Things I Hate About You

Chapter 6

"Boy Yummy Alert!" Bulong sakin ni Laine na siyang ikina inis ko.

"Shut up Laine." I said through gritted teeth. Sinadya kong lakasan ang boses ko at nahagip ng paningin ko ang pag angat ng isang sulok ng labi ni Scor.

"Nakakatawa 'yon ha?" Tanong ko sa kanya.

Nalaglag ang panga ng dalawang gaga kong mga kaibigan.

"Kilala mo?" Tanong ni Maddie. Katabi ko si Scor at nasa likod namin silang dalawa. Punyetang elevator! Bakit ang tagal?

"Hi. I'm Scor. Tosca's business partner." Nginitian niya ang mga kaibigan ko at naglahad pa ng kamay na tinanggap naman nila.

Medyo naiinggit ako dahil kahit minsan ay hindi niya ako nginitian ng ganon. Pero focus, Tosca! Galit ka diyan diba?

"Ahh! So ikaw pala 'yon? Lagi kang kinikwento sa amin nitong si Tos eh." Mariin akong pumikit. Mukhang ilalaglag ako ng mga gaga.

"Talaga? Ano bang mga kinikwento niya?" Nanunuyang tanong niya. Halatang inaasar ako.

Bago pa man maka sagot ang isa sa kanila ay tumunog na ang elevator. Nasa lobby na kami. Hinila ko si Laine palabas at nakaladkad niya din si Maddie. Hindi ko na kayang tumagal ng one second kasama si Scor. We have to get away from here!

"Okay, let's go!" Kabadong sabi ko.

"H-hey! Wait lang, Tos!" Sigaw ni Laine sa akin.

"You can join us if you want! Flotsam and Jetsam! See you!" Sigaw ni Maddie kay Scor.

Hindi ko na sila nagawang lingunin! Pakiramdam ko pulang pula na ang mukha ko! Talagang niyaya pa nila si Scor! Paano ako makakapag enjoy niyan? Gigil na gigil ako sa dalawang bruha nang nakalayo na kami.

"Bakit naman niyaya niyo pa 'yon?" Inis na tanong ko sa dalawa habang nag lalakad kami sa dalampasigan.

"Bakit? Eh business partner mo naman. Chaka papa ah!" Humalakhak si Laine na may kasama pang hampas sa akin.

"Wag ka nga! Akin na 'yun." Sagot ko.

"Weh? True na ba 'yan?" Natatawa din namang sagot ni Maddie.

"Oo nga! Kaya wag na kayong umentry! Tara na nga, puro kayo landi eh." Inirapan ko sila at nauna nang mag lakad.

Hindi pa gaanong madami ang mga tao sa flotsam and jetsam. Naupo kami sa may bandang gilid. Sa gitna kasi ay puro mga mats at bean bags. Doon kami umupo sa may table at upuan.

"Ano iinumin?" Tanong ni Maddie habang ini instagram stories ang paligid.

"Bacardi na agad! Nang mag kaalaman na." Tumawa ako at naisipan ko ding i story ang lugar. Kinunan ko pa silang dalawa at nag hi naman sila.

"Sige. Snacks? Ayaw niyo?" Sabi ni Laine habang busy sa pag pili sa menu.

"Chicken wings."

Ilang sandali pa ay dumating din ang inorder namin. Nagsisimula nang dumami ang tao. Maya maya lang ay mapupuno na ito. Ang dami ko nang nakikitang mga hunk na naka polong bukas at shorts. Meron ding mga foreigner na tingin ng tingin sa amin kanina pa.

Sinimulan namin kaagad na uminom at nang paubos na namin ang unang bote ng Bacardi ay biglang kumunot ang noo ni Laine. May tinitingnan siya doon sa bar.

"Tos! Yung ka partner mo ba yun?" Tinuro niya gamit ang nguso niya.

Nakatalikod ako mula sa bar kaya halos mabali ang leeg ko makita ko lang kung si Scor talaga 'yon. At oo nga, siya nga! Bakit dito pa siya iinom eh ang dami dami naman diyang pwede. Nakakainis! Umiiwas nga ako eh. Nananadya ba siya?