من صارت الدنيا ليل حضروا البنات غرفه الضيوف لعساف وهو خطيه مرتبك ومستحي ميعرف يكول عيب.. راح للغرفه فرحت دانطي تراك يبدل دكيت الباب .صاح دخلي دخلت ورديت الباب وراي
سارة.. ها حب البس وارتاح
عساف... اووف ولج صدك حعوفج هنا
سارة... لعد خوما تضلون متحمليني عبئ عليكم
عساف.. اووف ياريتج باقيه يمي ولاهالعيشه هاي واني بس شفتج شلون متعلقه وحاضنه عمج ردت اسحبج واخذج من عنده شنو يحضنج
سارة. ههههههههه خرب ترة ابويه هذا يله البس البس حصعد انام اذا تريد شي خابر عليه ماشي وهذا يمك حمام داخلي ومناشف بالكنتور
عساف.... ناقصني شي
سارة.. اطلب شنوو ناقصك
عساف... انتي
سارة... خجلت ودنكت راسهة.. تصبح على خير عساف تصبح على خير...
طلعت من غرفه الضيوف صعدت دتغير ملابسها
مها.. فتحيهة
سارة.. شفتحح
شكران.. خانتج مال ملابس
فتحتهة لكتهة مثل ماعافتهة كتبهة بعدهم جنطتهة وحتى كتاب الادب المفتوح جان على قصيدة جان تكوم تبجي وتشهك ضلوا يبجون كلهم راح شافت القاصه مالتهة بعدهي
سارة... شعحب مفاتحيهة
شكران.. حاولوا بس ملكوا المفتاح وابويه منعهم
سارة طلعت كلادتهة وطلعت المفتاح وكالتلهم.. هذا هوو
شكران تعاي خل نحجيلج من رحتي شصار
شكران... انتي رحتي ورجع ابويه تبارك خابرت على امي
نرجع بالزمن....
تبارك... هلو عيني شلونج
ام شكران.. هلا عيني زينه وانتي
تبارك.. تمام .. خابرتج اطمن عليج وجيت داكلج حتربحين ملايين
ام شكران.. يا ساتر شكوو شصاير
تبارك.. دنتظري وشوفي
وسدت الخط حتى ماعرفت شكو
عبرت الوحدة ونص الوقت الي تجي بي سارة وبدة المطر يوكع من الساعه ١١
ام شكران ضل بالها على سارة مابينت خابرت على عمهة كال هسة امر اشوفهة
الكل قلق عليهة خابر عمتي كاللهة المدرسه فارغه مابيهة احد
هنا القلق اكلهم كلهم وين راحت
للعصر انجمعوا عمامهة
👇
محمد.. الجبير
مصطفى.. الاصغر من محمد
جاسم.. الي بعد مصطفى
عبد.. ابو سارة
خالد... اصغر من عبد
محمود... اصغر واحد وابو البنات💜💜💜
محمد... احنه من امناك عليهة غير تلصمهة وتكعدهة بالبيت عليش خليتهة اداوم
محمود... وليش قابل هي مو بشر لو مو بشر
مصطفى... والله حتجيبلنه العيبه هااي
محمود... وليش اتجيبلك العيبه قابل مسويه شي غلط ماسمحلكم تحجون على بنتي بعد
محمد.... سكتوا منا لباجر تجي اهلا متجي انشوفلنه عذر نطلع بي كدام العالم
محمود... بس هذا الي طلع منك لو وحدة من بناتك هيج صاير بيهة تقبل متدور عليهة ماشي بس وحق هذا الله اله تطلع حوبتهة البنيه بيكم واني طالع ادورلهة
ضل شهرين هو افتر بغداد كلهة ودز شرطه ويا واصدقاءه اخر شي ايس انو يلكاها ....
الى ان سمع اكو بنيه ماخذيها خاطفيهة وكاتليهة ودافنيها وجانت بيها مثل مواصفات سارة هنا عمهة كوم الدنيا عليهة وخبص عليها الدنيا وملكه اي اثر للجثه فأعلن وافاتها بس هو جان ع يقين انو هي بعدهي عايشه كلهم جانو ع يقين انو هي عايشه
قبل سنه من لترجع سارة اجتهم تبارك وصعدوا جنات وموج على البنات فوك
جنات.. هلو
البنات.. اهلا
بقوا كاعدين
موج.. اكلكم خلي انضف الكنتور
شكران.. نضيف مابي شي
موج.. قصدي اغراض سارة انذبهم هي وماتت بعد على شنوو ضامين غراضهة
غفران.. لاااا اجاوزتي هواي كوممي كومي طلعي برة داكول يله
وسمعوا صيحه ام شكران دتطرد ببتبارك
ام شكران... كومي الله ياخذج من اليوم الشفتج بي ماشفت الخير
نزلوا لكوهة ادفر بتبارك وطلعهة برة
مها.. شكو شصاير يمه
ام شكران.. والله عرفت البلة منج انتي ام البلاوي
اندارت على البنات وكملت... طلع كلشي منهة خسرنا سارة منهة دازة عليهة مجموعه يخطفوهة علمود تتاجر بيه للخليج ادري بنتي سلعه عندج الله ياخذ حقهة منج امين يارب اميين بررة وجهج الجايف ماريد اشوفه بعد طلعي
اخذت بناتهة وطلعت ضلوا البنات ومرت عمهة يبجون عليهة وعلى قهرتهم عليهة تبارك اطلكن من عرفوا انو هي ورة نص المصايب مال عالم وموج زوجت لواحد سكير وجنات كاضيتهة تخدم بمرت ابوهة وجهالهة
..
غفران.... وهذا الي صار
سارة حجيهم كلهة وهي تبجي على حظهة وعلى عمامهة الي ضنوا بيهة وعلى نفسهة...
شكران... بس عاد يابنات شوفوا عيونهة راحت من البجي حل نحجيلج شغلات حلوة غفران انخطبت لواحد اسمهة اسد والاسبوع الجاي النيشان
سارة... والله .. ههههه واللخ وكبرتوا عززة يي بعد من اتزوج منو خطب احجولي احجولي
ضلوا يحجون وهي حجتلهم على رنا ورند وعساف
مها... تحبينه
سارة.. منوو
مها... عساف شبيج
ساره.. هاااه
انتهى
واسفه ع التأخير باجر باذن الله انزللكم بارت ثاني❤❤
