#فاتنات_من_الزمن_الجميل.....بارت38
تمنيت ارجع لسنين اتضارة وعذابهن
راضية بيهن والله واهون علية من الي سمعتة
بعدنة نتمشة للشارع العام و سمعت ركضتة
حسيتة تقرب
جرني حيل وضمني لصدرة
بس هلمرة الحضة جانت اقوة
للحضة تخيلتة تذكرني ورجعتلة ذاكرتة
وخرني عنة وباس راسي وهوة يعتذر ويكلي اني اسف عن الي حجيتلة
انتي مالج ذنب اني ستعجلت واعرف كلامي جرحج
اني باجر راجع وياكم
وهسة راح احجز واحضر كل شغلاتي
انتي مالج ذنب وممنون من كل الي سويتي علمودي
صح فرحت من لحكني وقرر يرجع ويانة
بي الحجي الي جنت متضرتة غييير
عفنا ورجعنة للبيت
بيومهة مانمت للصبح جنت ابجي واعاتب ربي واني اكلة ياربي اني يتيمة وجبت عمري متعوبة
وجنت منتضرة جيتة وعلى امل يرجع ويعوضلي سنين صبري وانتضاري
جنت منتضرتة يرجع يزهر عمري ويردلي شبابي الي راح وية روحتة
لوترجعلي يعقوب القديم لو تاخذ امانتك وتخلصني اني ماعندي كلب يتحمل قرب يعقوب
وبنفس الوقت هوة يشوفني غريبة عنة
وكل الي يعرفة اني اسمي سهى وجان يحبني
ماعرف شوكت زارني النوم
فزيت على صوت كاضمية وهية تكعدني وتكلي كومي هم ياله ماضل وكت
كمت صليت وبجيت وندعيت الله يرجعلي يعقوب الأولي
ودعنة كاضمية ونوري وطلعنة اني وصدام ركبنة تكسي وذبتنة يم بيتة واول مادكينة لباب فتحهة وستقبلنة بأبتسامة بس صدام رفض يدخل وكلة هم يا الله
ودع ابو تركي وطلع ويانة
طول لطريق جان ساكت
جانو هوة وصدام كاعدين واحد بصف لثاني واني وراهم
وصلنة للعراق ونزلنة ركبنة سيارة ورحنة للبيت
دكينة لباب وفتحتهة سليمة الي ماعرفت يعقوب وصارت تسأل بينة هاذ منو الرجال
طببة صدام للأستقبال وهوة جان مستحي ومدنك ويبحبح بصوتة شكد قهرتني هاي حركاتة
وشكد حسيت بوجع واني اشوفة يحسنة غربة عنة وحتة مايعرف منين يطب ولا يندل شي بلبيت
سمعت ركضة حذيفة علدرج تقرب يحضن بية ويكلي وين صوغتي وقبل مااجاوبة صدت عيونة علأسقبال الي جان مفتوح بابة وكبالهة يعقوب
ندار علية بعيون دامعة وشفافة ترجف
وهوة ياشر على يعقوب ويبجي ويكلي
هاذة يعقوب سهى يعقوب
اي حبيبي هوة
هاذة اخيك وحزام ضهرك
بس مايعرف اي واحد بينة
يعقوب عزيز هلبيت صار غريب عنة
وبدون ميبالي لكلامي ركض علي ونام فوكا
وصار يبجي ويحضن بي ويكلة
ولك وييييينك
ولك امي ماتت من البجي والنوح عليك
ولك يعقوب عشنة ذلة بعد عينك
ولك ابوك مات والغربة شالت جنازتة
ولك عشنة سنين ملطلطين من بيت لبيت
جان يبجي ويشكيلة حالنة
حسيتة نتهة وفقد
تقرب صدام وجرة منة
يعقوب جان صافن ومتفاحئ وحذيفة يبجي ويرجع علي يريد يحضنة
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
