#حنين_حاتم
#فاتنات_من_الزمن_الجميل٢١
من جان يسأل بينة من كد الخوف تخيلت راح يحبسنة وكلمة والثانية جان يهدد ويكللنة اذا ماتحجن الصدك اشمرجن جوة ويستلموجن يطلعون القضا والمضا
الى ان طلعنة واني لطريق كلة جنت ابجي
جانت اكثر مرة حتاجيت يعقوب بيهة وتمنيت من كل كلبي لوجان موجود ويانة
جان هسة حالنة غييييير
رجعنة للبيت وتلكتنة شمة جانت طالعة
لابسة كوستم جويتي مقدف وسكاربيل عالي وذابة الجفية على راسهة وبرجمهة ونص شعرهة طالع وخالة حمرة وردي طوخ
سألهة خالي ناهض الي جان متوجي علة ساهر
وهوة يلزم ضهرة ويكللهة
وين يلأرملة وشنو هاذ البس والمكياج
علة رجلج ماحزنتي كلنة خسيس ومايستاهل
علة سميرة شنو عذرج
جريت خالي واني اكلة خلينة نطب موزين عليك لوكفة وبدون متعير احد هتمام مشت تطكطك بسكاربيلهة وتتعمد تطلع صوت حييل
طبينة وتلكتنة خالة هند تسأل
بعدهة تحاجيني واجة حذيفة يركض من الصالة ونلطم بية
جرتة هند وهية تكفخ بي
طبينة جوة وطلبنة من ساهر ياخذنة لبيت قيصر بعد ماصارت كعدة لعشاير ونطونة لبيت وسيارتة وفلوس جانن عندة
نطوهن عشيرتة النة دية
ولبسنة ورحنة ويا طبينة للبيت بصراخ
افتر بلمكان واتلفت هنا جنت اشوفهة واكفة بلمطبخ
هنا ياما كعدة حاطة ايدهة علة خدهة ووجهة ملون بضربات النذل
الي حتة جانت ماتشكي منة ولا تسولفلنة على كتلاتة
وهنا ياما طبينة ساعة ب11 بليل ونلكاهة الوجه اصفر ومخطوف ومتانيتنة
ولج يمة صبحنة يتيمات ومحد النة
يمة يتيمات ام وابو وماكو سند بعد عينج
موكلتي اريد ازوججن وامن عليجن
هوة هاذ الأمان الي جنتي ضامتة النة
ولج يمة اني مدللتج وزغيرتج
ولج يمة بحاجتج وبحاجة دعائج يمممممممممممممة
اجة رؤى كومتني وهية تمسح بدموعهة وتكلي كافي بجي
كومي خل نلم غراضنة هسة يخبصنة ساهر
كمت وياهة ودموعي ماوكفن كل مكان يذكرني بموقف جنت مأذيتهة بي بحجاية اوتصرف
صعدنة فوك لمينة غراضنة
طلعت شغلات يعقوب الي جانن تارسات كنتوري وحطيتهن بجنطة
وطلعنة من لبيت وقفلنا
رجعنة لبيت بابا الحجي اول ماطبينة دخلت ورانة شمة الوجه ضاحك ومستبشرة
طلعت صور بنات وهية تراوي لساهر
واخذتة للغرفة وطبو بعد ماطلعو
مرن شكم يوم احنة نشارك بلمصرف من الفلوس الي عدنة
خالة هند ماترضة تاخذ بس احنة نلح عليهة لان ماعدهم
سلمى رجعت تحف بس قلة يجونهة
من ورة فاروق وعملتة صدك لناس جزت روحهة من عدنة واشكال لحجي طلع علينة
حتة خالة هند من تروح للسوك يسمعوهة حجي موحلو ويستهينون بيهة ويأذوهة بلحجي ولتصرفات
حقهة لعالم محد يلومه
لعم يغتصب بت اخو
ولابن كتل ابو
وختمتهة امي من ماتت على ايد النذل قيصر
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
