عذراء ..ورده بعد روح صعدي الغرفتج ارتاحي وحظري حالج الزوجج
ورده .اي صار
ام مصطفى ..اظاهر عذراء معجبها الحجي
عذراء ..والله من اشوف اخويه مقصر وياج هذاك الوكت اعذرج
كمت وطلعنه من الهول
ورده ..صعدنه اني وفرح
فرح مشت الغرفتها واني دخلت غرفتي
جانت حيل حلوه فارشيها فرشه اجنن وخالين اناره حلوه ام الالوان
ومعطريها يعني غرفه ابفندق خمس نجوم
دخلت للحمام سبحت وطلعت بالمنشفه نشفت حالي والبست بجامه ستن حلوه وردي لونها
جففت شعري بالسشوار باوعت للساعه جانت بالوحده اله ربع
نعست وحسين ما رجع للغرفه بعده انتظرته للوحده ماكو بعدها غفيت ما حسيت ع شي
حسين .جنت متقصد ما ارجع للغرفه من وكت لان اريدها تنام يله ادخل احسن الي والها
دخلت الغرفتي ساعه ثنتين بالليل فتحت الباب
ع كيفي ودخلت شفتها نايمه مثل الملاك
ظليت اباوووع ع جمالها ورقتها سبحان الله عبالك من ملائكه الرحمن
هي بيضه ولابسه وردي والله صدك جنبده
مشيت ع كيفي ودخلت بفراشي من غير ما
اتحس بيه ونمت ع ريحه شعرها
ورده .صحيت الساعه ٧ الصبح شفت حسين نايم ابصفي حلوه نومته عفته وكمت غسلت
وطلعت من غرفتي نزلت
سمعت صوت بالمطبخ دخلت للمطبخ شفت
خاله ام حسين كاعده وام مصطفي جاي تحضر الريوك
ورده .صباح الخير
ام حسين .صباح النور
ام مصطفى .هذا يا خير النازله بي
ورده .ليش خاله شنو سويت
ام مصطفى ..مشفتي حالج قبل لا تنزلين
ام حسين .خاله صعدي غيري ملابسج وخلي شي ع راسج
ورده..والله اسفه
نسيت اني نازله بالبجامه وبدون حجاب
ورده .والله اعتذر منكم صدك نسيت
رحت ركض صعدت ابدل قبل لا حسين والجميع ينتبه عليه
ام حسين ..ولج اقبال لا هيج تكونين ويه البنيه بأولها هي بعدها ما تعرف شي عن وضعنه
وانتي تعرفين بنات بغداد ولبسهن عالكيفج وياها فهميها شويه شويه لحد ما تتعلم علينه
اقبال .اي عمه تدللين افهمها عود ..
.والله يا الله ما بقه غير بس هل زعطوطه افهمهة
ورده ..دخلت للغرفه ع كيفي افتحت الكنتور اريد اطلع دشداشه حس عليه حسين ااااااااام
هاااا ورده شكو
لا ماكو شي بس اريد اغير ملابسي علمود انزل اساعدهم بالريوك
حسين .اي عفيه هيج اريدج سبعه وقويه والواحد يكدر يعتمد عليج
ورده .اي اكيد لازم اكون هيج ..عفيه غمض عينك اريد ابدل
حسين .ليش اغمض فوتي لاحمام وبدلي
ورده .هم صحيح اني اسفه
حسين .ماله داعي للاسف
رحت للحمام بدلت البجامه ولبست دشداشه ولفيت الحجاب ع راسي وطلعت
حسين.. محتاج شي لو انزل اساعدهم
لا بس حظري الحمام قبل لا تطلعين ..
.اي ميخالف
فتت غسلت الحمام وطلعت
يله حسين اني نازله باي
حسين .هههههه ضحكت من كالت باي
حسيت روحي مراهق طالع وياها وصار موعد عودتها وتكلي باي
ورده نزلت وشافتني ام حسين عالدرج .اي يمه هذا البس الزين احنه هيج تره لبسنه
ما نحب البجامه ولازم شعرنه مضموم حرام المره تكشف شعرها للزلمه غير زوجها
العاشر
ابدأ من البداية
