ابـــن الــعم (نـــهـوه عـــشگ)

💜💜البارت العاشر 💜💜

شمس. اجه بابا اخذنه من صالون ودانه للبيت اول ماطبيت الهلهل وصافنين عليه .كعدت بل غرفه اصير يم الديوان اجتي يمي ام صكر بوستني

ام صكر بفرحه /يمه شايفه الف خير وانشالله حياتج كله سعاده يارب
شمس بتعب /اشكرج خاله
عمتي /اكلج ام صكر شمس ماكله شي شو وجهه اصفر كركم يمه شبيهه لبنيه شو مابيهه روح عبالك
ام صكر/لا بس تدرين كل البنات يخافن من الخطوبه هههه
عمتي/ههههه اي والله كلهن جبانات
شمس. جنت كاعده اباوع عليهم امي نص فرحانه وعماتي وبنات عمي كلهم فرحانين واني جسد بلا روح البارحه ماكلت والا اليوم واحس بطني ومعتي وراسي يوجعني حييل بس مااضهر لحد كاعد اتوجع جنت امقرره انو ماكل ولا لكمه حتى اموت واخلص وجنت صافنه اجتي زهراء تركض من فوك نزلت شافتني وركضت حضنتني

زهراء بفرحه/ماشاءالله اتجننين الله يحرسج شمس صدك شمس امنوره بس احسج تعبانه لحضه انتي اكلتي
شمس بتعب/ماشتهي زهراء
جنه اني وزهراء انسولف سمعت كالو اجه السيد واني كلبي مات لا معقوله راح اموت لا معقوله راح اطب لسجن صكر حسيت نفسي حكمو عليه اعدام ردت ابجي بس حتى ادموعي نشفن .
ام صكر /يمه يله كومي راح يعقدولج
ام شمس/شمس ماماتي كومي لبسي هذا الشال يله
شمس بتعب بصوت هده/ماشي . لبست شال وكفت وره الباب والشيخ يحجي هل تقبلين بي مهر ...والمقدم... وقولي نعم سئلني مرتين المره الثالثه كلت نعم سمعت صوت الهلاهل وتمنيت اموت واخلص من العذاب لمنتضرني اكيد حياتي راح تصير جحيم اذكرت دراستي وكلت بابا وعدني اكمل واني نجحت لثالث مرحله يعني بس مرحله وتخرج وكلت افتح وياه الموضوع وره الخطبه وبعدين سمعنه هوسه بل ديوان يعني وافق هاهيه صرت مرته .
وبعدين كالو راح يفوت اني كلبي مات وصرت اطي الوان وسمعت صوت الهلاهل يعني طب وكوموني واني مابوعت والا رفعت راسي باس راسي وكعدنه وضلو يركصون عماتي وهوسون ولبسوني ذهب جانو جايبيلي ذهب كلش حلو الصراحه اكلاده جبيرع ايه قرانيه وبتوت وتراجي وحجل وملاوي وسنسله بسيطه احس من لبسني الذهب عبالك لبست حبل العدام وختنكت وحسيت زاد الم معتي من جوع وراسي من بجي بس صيطرت عل نفسي
وجان لبس صكر 👇

وبعد ماخلصنا وراحو بيت عمي وبنات عمي وفرغ البيت وجه جدو بست ايده اني وصكر وباركنه

الجد /شايفين كل السعاده انشالله واريد اولادك صكر يترسون البيت
الشيخ صكر /انشالله شيخنه
ابو صكر/ابني شايف كل الخير
وعمي محمود وابومحمد /شايفين كل الخير
ابو محمد /باباتي شمس انشالله حياتج كله سعاده يارب
شمس بتعب وصوت هاده كلش /اشكرك بابا بوجودك انشالله
جانو يحجون ام صكر وماما وجدو ابويه وصكر يضحك ويحجي ويه جدي وبيبي هم باركتنه وجانت فرحانه
الجده /انشالله يوم اشوف احفادي
الشيخ صكر/انشالله حبوبتي وانتي اتربيهم عل يدج
الجده بفرح /انشالله بعد بيتي
شمس. بس هذا الحجي وره الخطبه بعد ماكالو راح يباركوكم صعدت بدلت وزهراء صعدت اساعدني غسلت ولبست ثوب وشال كلش حلو ونزنه

جانو يحجون ويضحكون واني كاعد بس اسمع وروحي بغير عالم وحسيت الم بمعتي يمكن لان جوعانه وراسي موتني كمت اريد اطلع ماحسيت غير رحت لعالم الضلام وحسيت احد يضرب ابجهي وفتحت اعيوني شفت طفيف صكر وجان قلق وخايف عليه  ومافتهم اي كلمه بس حس اعياط

الشخ صكر بصيااااح وعصبيه جهنم/جوبولللللللي عبايه اوديهه لمستشفى ييييييييييييييله .

اتمنه يعجبكم البارت يارب ❤❤❤❤❤❤