#حنين_حاتم
#فاتنات_من_الزمن_الجميل.....بارت34
وبيوم كاعدين لضهر ونربدت لباب حييييل
وطبو علينة زلم غربة جفت
طفر صدام وهوة يصيح عليهم يريد يعرف منو وشلون طبو هيج
وبدون ميعيرو هتمام كامو يصيحون على شمة وسليمة ونضيمة
ونزلن تلاثتهن يتراكضن
واني لازمة صدام من دشدلشتة واتوسلة يهدة ونفهم شنو لسالفة
جانو 4 زلم كبار بلعمر
وتوجهو بحجيهم لشمة وهمة يكلولهة
كلتيلنة محد اكو بلبيت وماعدنة رجال وبقوهن يمي يردن علية الوحشة ومااكدر بلية احفادي
بس هسة طلع الشفية ابنج وعايش هنا يتحكم ببناتنة وينكشفن علي
وطفر صدام الي جلب بدشداشتة من خوانيكة
وكام يصيح ويكلة منوة الشفية
اشو دايس عتبتي وتتجاوز
جرت شمة صدام وهية تتوسل وتبوس ايدة وتكلة استر علية ذولة صاحبين مشاكل وعدهم كتل لبشر مثل كتل العصفور
وهد روحة منهة وهوة يصيح عليهة ويكللهة اذا تدرين بيهم هيج ليش ورطتينة بهلنسبة التعر
ولو هوة انتي بيا يوم بدر منج تصرف زين
وتوجه بحجية الهم بعد مافهمنة كرابتهم من سليمة ونضيمة
جانو ابوهن وعمامهن تلاثة
والضاهر الوضع بعد طلعة صدام ماعجبهن وميكدرن يتحملن تسلط صدام وتحكمة بيهن
مسولفات لأهلهن وشاكياتلهم وماعرفن بلنتيجة محد راح ينضر غيرهن
صدام جان متنرفز من طبتهم علينة وطريقتهم بلحجي
وحجة وياهم معلك وكللهم
لمطلوب شنو بناتكم تردوهن زايد خير منكم لو تاخذوهن بس ضنانة مايعتب لدار
ونتر ابوهة وهوة يكلى
ومنو بحال ضناكم يولي
بناتنة شابات وياخذوهن ولد عمهن احسن مايضلن تحت سلطة واحد مثلك رجالهن وراحو كعدتهن هنا مالهة داعي
وبدون ميرد عليهم تقرب صدام وهوة ياخذ احلام وعبد الله وطلع بيهم برة
جان رايد ياخذهم حتة لايشوفون امهاتهم من يطلعن من لبيت
وصعدن لمن غراضهن وملابسهن ونزلن يبجن ويتوسلن الهم بأن يسمحولهن ياخذن جهالهم
وطلعوهن سحل وهنة يعاندن لروحة وياهم بدون جهالهن
وصارت سليمة تبوس برجلين ابوهة وهية تكلة
بطلت والله يابا بطلت ماريد اروح وراضية بأذية صدام وحكمة بس لاتحرمني من ضناي
وبدون مبالات لتوسلاتهن اخذوهن سحل ومشو
ورة طلعتهم بدقايق طب صدام جان مشتري للجهال وكعدو يفتحون بلجياس وفرحانين
وسرعان ماستفقدو امهاتهم وبدة صراخهم
اخذهم صدام للحديقة
وصرفن قميصة وكعد هوة وياهم يلعبهم بلطين
بكد ماجنت اشوفة قاسي وماعندة اي مشاعر تجاه الأطفال
بكد مابضرف لحضات تلاشى شعوري من شفتة شلون مكمبص بلتراب والطين ويلعب وياهم في سبيل يسكتون
وعدن 3 ايام لجهال على فد صرخة
وشمة ابد متتقرب الهم رغم يحبوهة وممكن تسكتهم لو حاولت لان متعودين عليهة
عكسنة اني وصدام جانو يستغبرون من عدنة
بس جنت احسهة تعاقب صدام بهاي الطريقة حتة ينجبر يروح لجدادهم بعد مادزولنة خبر انو شرطهم برجعة سليمة ونضيمة هوة انو صدام يتزوج وحدة منهن
ورفض صدام وهوة يكللهم
اني ماااتقبل تتسمة بأسمي مرة بيوم من لأيام جانت على ذمة اخوي
أنت تقرأ
فاتنات من الزمن الجميل
ChickLitكنا على مايرام بلرغم من كل ماقاصيناه في ذلك المنزل عوقبنا بذنب ارتكبه الكبار ذلك المنزل الكبير الموحش بلرغم من بروده من المشاعر وخلوه من صلة الرحم ومع ذلك كنا على مايرام ولكن عندما سقطت امي بدئت الأقنعة تسقط وسقطت معها كرامتي وكل ماوهبني الله...
