ﻟﺤﻠﻘﺔ ﺍﻟﺜﺎﻟﺜﺔ ﻭﺍﻻﺭﺑﻌﻮﻥ
ﻗﻌﺪﺕ ﻣﺎﺑﻐﺎﺗﺶ ﺗﻮﺟﺪ ﺭﻭﺣﻬﺎ ﻣﻌﺮﻓﺘﺶ ﻭﺍﺵ ﺍﺩﻳﺮ ﻓﺆﺍﺩ ﻧﻬﺎﺭ ﻛﺎﻣﻞ ﻣﺎﺑﻐﺎﺵ ﻳﺮﻓﺪ ﻋﻠﻴﻬﺎ ﺑﻜﺖ ﺣﺘﻰ ﻋﻴﻨﻴﻬﺎ ﺣﻤﺎﺭﻭ
ﻓﺎﻃﻤﺔ : ﻳﺰﻱ ﻣﻦ ﻟﺒﻜﺎ ﻣﻼﺯﻣﺶ ﻳﺸﻮﻓﻮﻙ ﻫﻚ ﻻﺯﻡ ﺗﻔﺮﺣﻲ ﺍﻟﻴﻮﻡ
ﺍﺳﻴﺎ : ﺍﻓﺮﺣﻮ ﻧﺘﻮﻣﺎ
ﻓﺎﻃﻤﺔ : ﻣﺰﺍﻝ ﻧﺺ ﺳﺎﻋﺔ ﻭﻳﻮﺻﻠﻮ ﺭﺑﻊ ﺳﺎﻋﺔ ﻧﺮﺟﻊ ﻧﻠﻘﺎﻙ ﻭﺍﺟﺪﺓ
ﻧﺎﺿﺖ ﻭﺟﺪﺕ ﺭﻭﺣﻬﺎ ﺑﺎﻟﺴﻴﻒ ﻗﻠﺒﻬﺎ ﻭﺍﺟﻌﻬﺎ ﺍﻣﺎ ﻻﺯﻡ ﺗﺴﺎﻳﺮﻫﻢ ﺍﻟﻴﻮﻡ ﻭﺑﻌﺪﻫﺎ ﺍﺩﻳﺮ ﺣﻞ ,, ﻭﺻﻠﻮ ﺍﻟﻀﻴﺎﻑ ﺩﻳﺎﻟﻬﻢ ﻭﻫﻲ ﻗﻠﺒﻬﺎ ﺑﺪﺍ ﻳﻀﺮﺏ ﺑﻘﻮﺓ ﻣﻌﺮﻓﺘﺶ ﻛﻴﻔﺎﺵ ﺗﺘﺼﺮﻑ ﻋﻴﻨﻴﻬﺎ ﻣﻨﻔﺨﻴﻦ ﻣﻦ ﺍﻟﺒﻜﺎ ,, ﻗﻌﺪﻭ ﻓﻲ ﺍﻟﺼﺎﻟﻮﻥ ﻓﺎﻃﻤﺔ ﻛﺎﻧﺖ ﻓﺮﺣﺎﻧﺔ ﻋﻠﻠﺨﺮ ﺍﻟﻴﻮﻡ ﺧﻄﺒﺔ ﺑﻨﺘﻬﺎ ,, ﺩﺧﻠﺖ ﻟﻠﺼﺎﻟﻮﻥ ﻓﻲ ﻳﺪﻫﺎ ﺳﻨﻴﺔ ﺍﻟﻘﻬﻮﺓ ﺣﺎﻃﺔ ﺭﺍﺳﻬﺎ ﻣﺶ ﺣﺎﺑﺔ ﺗﺨﺰﺭ ﺣﺘﻰ ﻣﻊ ﻭﺍﺣﺪ ﺍﻟﻤﻬﻢ ﺗﻔﻮﺕ ﻟﻌﺸﻴﺔ ﺍﻟﻜﻠﺒﺔ ﻫﺬﻯ ﻫﺰﺕ ﻋﻴﻨﻴﻬﺎ ﻣﺶ ﻣﺼﺪﻗﺔ ﺍﻟﻠﻲ ﻗﺎﻋﺪ ﺑﺤﺬﺍ ﺑﺎﺑﺎﻫﺎ ﻛﺎﻥ ﻫﻮ ﺑﺬﺍﺗﻮ ﻓﺆﺍﺩ ﻓﺎﺟﺄﻫﺎ ﺑﻄﺮﻳﻘﺘﻮ ﻫﻮ ﺍﻟﺮﺍﺟﻞ ﺍﻟﻠﻲ ﺗﻘﺪﻣﻠﻬﺎ ﻭﻭﺍﻓﻖ ﻋﻠﻴﻪ ﺍﻫﻠﻬﺎ ﻭﺯﻳﺪ ﺍﻣﻨﺔ ﻭﺧﺎﻟﺘﻲ ﻟﻴﻠﻰ ﻭﺭﺍﻧﻴﺎ ﻭﺍﻣﻴﺮ ﻛﺎﻣﻞ ﺣﻈﺮﻭ ﻣﺎﻓﺎﻗﺎﺗﺶ ﻗﺮﻳﺐ ﺗﺘﺮﻣﻰ ﻓﻲ ﺣﻀﻨﻮ ﻭﺗﻌﻴﻂ ﻋﻠﻴﻪ ﻗﺮﻳﺐ ﻗﻠﺒﻬﺎ ﺗﻮﻗﻒ ﻭﻫﻮ ﻳﺸﻮﻑ ﻛﻴﻔﺎﺵ ﻋﻴﻨﻴﻬﺎ ﺣﻤﺮ ﻣﻦ ﺍﻟﺒﻜﺎ ﻛﺎﻥ ﻳﺨﺰﺭ ﻣﻌﺎﻫﺎ ﻏﺎﺿﺘﻮ ﺍﻣﺎ ﻛﺎﻥ ﺣﺐ ﻳﻔﺎﺟﺄﻫﺎ ﻭﺑﻼ ﻣﻴﺠﺒﺪﻟﻬﺎ ﻟﺤﻜﺎﻳﺔ ﺣﺐ ﻳﺪﺧﻞ ﻓﻲ ﺍﻟﻤﻮﺿﻮﻉ ﻣﻦ ﺍﻭﺳﻊ ﺍﺑﻮﺍﺑﻮ ﺣﺎﺑﻬﺎ ﺗﻜﻮﻥ ﺣﻼﻟﻮ ﻭﻣﻠﻜﻮ ﻓﻲ ﺩﺍﺭﻭ ﻣﺶ ﻗﺎﺩﺭ ﻳﺼﺒﺮ ﺍﻛﺘﺮ ﻋﻠﻴﻬﺎ ﺑﻌﺪ ﺗﻔﺎﻫﻤﻮ ﻭﺑﺎﺑﺎﻫﺎ ﻛﺎ ﻓﺮﺣﺎﻥ ﺑﻔﺆﺍﺩ ﻭﻛﺎﻥ ﻋﺎﺭﻑ ﺍﻟﻠﻲ ﻫﻮ ﻣﺪ ﺑﻨﺘﻮ ﻟﺮﺍﺟﻞ ﻭﻧﺺ ﺭﺍﺡ ﻳﺘﻬﻨﻰ ﻋﻠﻴﻬﺎ ﻣﻌﺎﻩ ﻭﻓﺎﻃﻤﺔ ﺍﻟﻠﻲ ﺭﺑﻲ ﺍﺳﺘﺠﺎﺏ ﻟﻠﺪﻋﺎﺀ ﺩﻳﺎﻟﻬﺎ ﺑﺎﺵ ﻓﺆﺍﺩ ﻳﻜﻮﻥ ﻟﺒﻨﺘﻬﺎ ..
ﻧﻬﺎﺭﻳﻦ ﻗﺒﻞ ﻓﺆﺍﺩ ﺣﻜﻰ ﻣﻊ ﻓﺎﻃﻤﺔ ﻭﻋﻤﻲ ﺍﺣﻤﺪ ﻋﻠﻰ ﺟﺎﻝ ﺍﻟﺨﻄﺒﺔ ﻭﺻﺎﺭﺣﻬﻢ ﺑﻨﻴﺘﻮ ﻭﺍﻓﻘﻮ ﻃﺒﻌﺎ ﻭعمي
ﺍﺣﻤﺪ ﻣﺶ ﺭﺍﺡ ﻳﻠﻘﻰ ﺍﺣﺴﻦ ﻣﻨﻮ ﺭﺍﺟﻞ ﻟﺒﻨﺘﻮ ﻭﺗﻔﺎﻫﻢ ﻣﻊ ﺧﺎﻟﺘﻮ ﻭﺍﻣﻨﺔ ﺑﺎﺵ ﻳﺮﻭﺡ ﻳﺨﻄﺒﻬﺎ ﻋﻠﻰ ﺧﺎﻃﺮ ﻫﻮ ﻛﺎﻥ ﻳﺘﻴﻢ ﻭﺭﺑﺎﺗﻮ ﺧﺎﻟﺘﻮ ..
ﺗﻔﺎﻫﻤﻮ ﺍﺳﻴﺎ ﻛﺎﻧﺖ ﻓﺮﺣﺎﻧﺔ ﻭﻣﺶ ﻣﺼﺪﻗﺔ ﺍﻟﻠﻲ ﺻﺮﺍ ﺍﻟﻜﻞ ﺍﺗﻔﻘﻮ ﺑﺎﺵ ﻳﻔﺎﺟﺄﻭﻫﺎ ﺣﺘﻰ ﻓﺎﻃﻤﺔ ﻣﺜﻠﺖ ﺍﻟﺪﻭﺭ ﻋﻠﻰ ﺍﻛﻤﻞ ﻭﺟﻪ ﺍﻣﺎ ﻛﺎﻥ ﻗﻠﺒﻬﺎ ﻭﺍﺟﻌﻬﺎ ﻋﻠﺔ ﺑﻨﺘﻬﺎ ﻛﻴﻒ ﻛﺎﻧﺖ ﺗﺒﻜﻲ ﻟﺒﺴﻠﻬﺎ ﺍﻟﺨﺎﺗﻢ ﻭﺗﻔﺎﻫﻤﻮ ﺍﻟﻌﺮﺱ ﻳﻜﻮﻥ ﺑﻌﺪ ﺷﻬﺮ ﺑﻌﺪﻫﺎ ﺧﻼﻭﻫﻢ ﻳﻘﻌﺪ ﻣﻊ ﺑﻌﻀﻬﻢ ..
ﺍﺳﻴﺎ : ﺿﺮﺑﺎﺗﻮ ﻋﻠﻰ ﺻﺪﺭﻭ .. ﻗﻠﺒﻲ ﻗﺮﻳﺐ ﺣﺒﺲ ﺣﺮﺍﻡ ﻋﻠﻴﻚ ﻭﺍﻧﺎ ﻣﻦ ﺻﺒﺎﺡ ﻧﻌﻴﻄﻠﻚ ﻣﺘﺮﻓﺪﺵ ﻋﻠﻴﺎ ﻭﻧﺘﺎ ﻣﺪﺍﻳﺮﻟﻲ ﻓﻴﻠﻢ ﺑﺼﺤﺘﻚ ﺻﻠﺤﺖ ﻓﻴﺎ ﺗﺎﻉ ﺍﻟﺼﺢ
ﻓﺆﺍﺩ : ﻫﻬﻬﻬﻪ ﻣﺒﺮﻭﻙ ﻋﻠﻴﻨﺎ ﺣﺒﻴﺒﻲ ﻭﺍﺧﻴﺮﺍ ﺭﺍﺡ ﺗﻜﻮﻧﻲ ﻣﺮﺗﻲ
ﻗﺮﺏ ﻟﻌﻨﺪﻫﺎ ﺑﺎﺳﻬﺎ ﻋﻠﻰ ﺟﺒﻴﻨﻬﺎ
ﺍﺳﻴﺎ : ﻣﺒﺮﻭﻙ ﻋﻠﻴﻨﺎ
ﻓﺆﺍﺩ : ﻭﻗﺘﺎﺵ ﻳﻔﻮﺕ ﺍﻟﺸﻬﺮ ﺗﻜﻮﻧﻲ ﻋﻨﺪﻱ ﻓﻲ ﺍﻟﺪﺍﺭ
ﻫﻲ ﺣﺸﻤﺖ ﻭﺧﺪﻭﺩﻫﺎ ﺣﻤﺎﺭﻭ ﻗﺮﺏ ﻟﻴﻬﺎ ﻭﻃﺒﻊ ﺑﻮﺳﺔ ﻋﻠﻰ ﺧﺪﻫﺎ
ﺍﺳﻴﺎ : ﻓﺆﺍﺩ ﺍﺣﺸﻢ ﺭﺍﻧﺎ ﻓﻲ ﺍﻟﺪﺍﺭ ..
ﻧﺎﺿﺖ ﺍﻟﺼﺒﺎﺡ ﺣﺎﺳﺔ ﺭﻭﺣﻬﺎ ﻓﻲ ﺣﻠﻢ ﻫﺰﺕ ﺍﻟﺘﻴﻠﻔﻮﻥ ﻟﻘﺎﺕ ﻣﻴﺴﺎﺝ ﻣﻦ ﻋﻨﺪ ﻓﺆﺍﺩ ( ﺻﺒﺎﺡ ﻟﺨﻴﺮ ﺣﺒﻴﺒﻲ ) ﻛﺎﻧﺖ ﻓﺮﺣﺎﻧﺔ ﺍﻟﺪﻧﻴﺎ ﻣﺶ ﺳﺎﻳﻌﺘﻬﺎ ﺍﻣﺎ ﻻﺯﻡ ﺗﺤﻀﺮ ﻟﻠﻌﺮﺱ ﺩﻳﺎﻟﻬﺎ ﺍﻟﻠﻲ ﺑﻘﺎﻟﻮ ﺷﻬﺮ ﻣﻦ ﺍﻟﻴﻮﻡ ﻳﺒﺪﺍ ﺍﻟﻌﺪ ﺍﻟﻌﻜسيﺩﺍﺭﻭ ﺍﻟﻌﻘﺪ ﻭﺍﺧﻴﺮﺍ ﺻﺎﺭﺕ ﻋﻠﻰ ﺍﺳﻤﻮ ﻭﻣﺮﺗﻮ ﻭﺻﻞ ﻧﻬﺎﺭ ﺍﻟﻌﺮﺱ ﻛﻞ ﺷﻲ ﻭﺍﺟﺪ ﻧﺎﺿﺖ ﺍﻟﺼﺒﺎﺡ ﺩﻭﺷﺖ ﻭﻣﺒﻌﺪ ﺭﺍﺣﺖ ﻟﻠﺤﻔﺎﻓﺔ ﻫﻲ ﻭﺍﻣﻨﺔ ﻭﺭﺍﻧﻴﺎ ﺍﻣﻴﺮ ﺗﻜﻠﻒ ﺑﻜﻞ ﺷﻲ ﺣﺠﺰ ﻻﺻﺎﻝ ﻓﺎﻃﻤﺔ ﻛﺎﻧﺖ ﻋﺎﺭﺿﺔ ﺍﻟﺠﻴﺮﺍﻥ ﻭﺍﻟﻐﻨﺎ ﻭﺍﻟﺸﻄﻴﺢ ﺩﺍﺭﻭ ﺣﺎﻟﺔ ﺑﻌﺪ ﻣﺎ ﺟﺎﺕ ﻣﻦ ﻋﻨﺪ ﺍﻟﺤﻔﺎﻓﺔ ﻛﺎﻧﺖ ﺗﻔﺘﻖ ﺍﻟﺮﻭﺑﺔ ﺩﻳﺎﻟﻬﺎ ﻫﺎﻳﻠﺔ ﺧﺮﺟﺖ ﻋﻠﻴﻬﺎ ﺍﻟﺮﻭﺏ ﺑﻠﻮﻧﺶ ﻛﺎﻧﺖ ﺑﺤﺎﻝ ﺍﻻﻣﻴﺮﺍﺕ ﺍﻣﻨﺔ ﻟﺒﺴﺖ ﺭﻭﺑﺔ ﺳﻮﺍﺭﻱ ﻛﺤﻠﺔ ﻭﻟﻤﺖ ﺷﻌﺮﻫﺎ ﻟﻔﻮﻕ ﺭﺍﻧﻴﺎ ﻟﺒﺴﺖ ﺭﻭﺑﺔ ﻛﺮﻭﻓﺎﺕ ﺑﺎﻟﺪﻧﺘﺎﻝ ﻗﺼﻴﺮﺓ ﺷﻮﻳﺔ ﺍﻣﺎ ﺭﻳﻬﺎﻡ ﻟﺒﺴﺖ ﺭﻭﺑﺔ ﺑﺎﺭﺑﻲ ﻗﺼﻴﺮﺓ ﺭﻭﺯ ﺧﺮﺟﻮ ﻫﺎﻳﻠﻴﻦ ﻣﻦ ﺟﻴﻬﺔ ﺧﻼﻑ ﻓﺆﺍﺩ ﺩﻭﺵ ﻟﺒﺲ ﻛﻮﺳﺘﻴﻢ ﻛﺤﻞ ﻭﺷﻮﻣﻴﺰ ﺑﻴﻀﺎ ﻭﻛﺮﺍﻓﺎﺕ ﻭﺷﻌﺮﻭ ﻣﺸﻄﻮ ﻟﻔﻮﻕ ﺧﺮﺝ ﻛﻌﺒﺔ ﻭﺣﺪﺓ ,, ﻗﻌﺪﺕ ﻭﺩﺍﺭﻭ ﺑﻴﻬﺎ ﻟﺒﻨﺎﺕ ﻛﺎﻧﺖ ﻣﺘﻮﺗﺮﺓ ﻭﻓﺮﺣﺎﻧﺔ ﻭﻣﻦ ﺟﻴﻬﺔ ﺩﻣﻮﻋﻬﺎ ﻣﺤﺒﺴﻮﺵ ﺍﻟﻠﻲ ﻫﻲ ﺭﺍﺡ ﺗﺨﺮﺝ ﻋﺮﻭﺳﺔ ﻣﻦ ﺍﻟﺪﺍﺭ ﻭﺗﺨﻠﻲ ﺍﻫﻠﻬﺎ ﺍﺣﺴﺎﺱ ﺻﻌﻴﺐ ﺍﻟﻄﻔﻠﺔ ﻛﻲ ﺗﻜﻮﻥ ﺧﺎﺭﺟﺔ ﻣﻦ ﺩﺍﺭ ﺑﻮﻫﺎ ﺭﺍﻳﺤﺔ ﻟﻌﻨﺪ ﺭﺍﺟﻠﻬﺎ ,, ﻟﺤﻖ ﺍﻟﻜﻮﺭﺗﺎﺝ ﺑﺨﺮﺟﻬﺎ ﺑﻮﻫﺎ ﻭﺳﻠﻤﻬﺎ ﻟﺮﺍﺟﻠﻬﺎ ﻣﻊ ﺍﻟﺰﻏﺎﺭﻳﺪ ﻭﺍﻟﺒﺎﺭﻭﺩ ﺭﻛﺒﺖ ﻣﻌﺎﻩ ﻓﻲ ﺍﻟﻄﻮﻣﻮﺑﻴﻞ ﻭﻓﺎﻃﻤﺔ ﺩﻣﻮﻋﻬﺎ ﻣﺤﺒﺴﻮﺵ ﺭﺍﺣﻮ ﻻﺻﺎﻝ ﻭﺻﻠﻮ ﺍﺳﻴﺎ ﻣﺼﺪﻗﺘﺶ ﺍﻟﻠﻲ ﺷﺎﻓﺘﻮ ﻛﺎﻧﺖ ﺟﺪﺍﺗﻬﺎ ﺣﺎﺿﺮﺍ ﻓﺆﺍﺩ ﻫﻮ ﺍﻟﻠﻲ ﻋﻴﻄﻠﻬﺎ ﻭﺣﻘﻖ ﺣﻠﻢ ﺍﻟﻤﺮﺍ ﺍﻟﻠﻲ ﻳﻌﺸﻘﻬﺎ ﻛﺎﻧﻮ ﻓﺮﺣﺎﻧﻴﻦ ﺑﺰﺍﻑ ﺳﻴﺮﺗﻮ ﻓﺎﻃﻤﺔ ﺍﻟﻠﻲ ﺷﺎﻓﺖ ﺍﻣﻬﺎ ﺑﻌﺪ ﻏﻴﺎﺏ ﻭﻓﺮﻗﺘﻬﻢ ﺍﻟﻈﺮﻭﻑ ..
ﻓﺎﺗﺖ ﺍﻟﺴﻬﺮﺓ ﻛﻠﻬﺎ ﺷﻄﻴﺢ ﻭﻏﻨﺎ ﻭﻓﺮﺡ ﻓﺆﺍﺩ ﻭﺍﺳﻴﺎ ﻛﺎﻧﻮ ﺑﺰﺍﻑ ﻓﺮﺣﺎﻧﻴﻦ ﺑﻌﻀﻬﻢ ﻭﺯﺍﺩﺕ ﻛﻤﻠﺖ ﻓﺮﺣﺘﻬﺎ ﺑﺤﻀﻮﺭ ﺟﺪﺍﺗﻬﺎ ﺍﻟﻠﻲ ﺗﻮﺣﺸﺘﻬﺎ ..
أنت تقرأ
كرونيك بعنوان:<< انتي كل نساء الكون>>💖اسيا&فؤاد💖
Fanfictionمنقولة### باللهجة الجزائرية 🇩🇿🇩🇿🇩🇿 اروع ما في حبنا أنه ليس له عقل ولا منطق❤❤❤و اجمل ما في حبنا أنه يمشي على الماء ولا يغرق.... جبتلكم كرونيك جديدة وحقيقة والاجمل فيها انها دزيرية قمة في المتعة والاثارة والابداع❤ بعنوان > بطولة >
